Ҳудудан баъди ним соли амри президенти ҶТ дар бораи бахшида ба 30-солагии Истиқлолият ба корҳои ободониву созандагӣ даст задани мақомот, вазирону кабирон, сардори раёсати корхонаҳои давлативу инфиродӣ ва соҳибкорони муваффақ, ки барои зебову ободсозии тамомии шаҳру навоҳӣ ва деҳу қишлоқ равона гардидааст, дар Кӯлоб ба масале «хасеро рӯи хасе нагузоштаанд». Ин хулосаи ҷаласаи ҳукуматӣ бо иштироки тамомии вазоратхонаву кумитаҳои кишвар ва соҳибкорону фаолони ҷамъиятии ш.Кӯлоб аст, ки таҳти сарварии Қоҳир Расулзода-сарвазири ҶТ рӯзи 08.11.2018 баргузор гардид.

(Ё руҷуъе дар пасманзари Фестивали ОШ)

Ҳамарӯза аз 8 самт ба пойтахти кишвар зиёда аз 60.000 воситаҳои нақлиёт-ба ҳисоби миёна бо 300.000 мусофир ворид мегарданд.

Мақомоти иҷроияи маҳаллии ҳокимияти давлатии ш.Роғун оид ба мақолаи «Мо тарафдори ободии Роғунем…» (СССР, 27.09.2018, №39(524) бо далелҳои зерин норозист. Мақола муаллиф ва ё имзо надорад, ки ин аз бе санҷиши саҳеҳияти ахбор ба нашр расонидани мавод дарак медиҳад. Баъдан корҳои ободонию созандагӣ дар ш.Роғун тибқи қонунҳои амалкунанда, дастуру супоришҳои Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон сурат гирифта, маблағгузории он низ аз сарчашмаҳои муайяншуда пешбинӣ карда мешавад. Аз ҷумла, тибқи талаботи Кодекси манзил ва моддаи 7-и Қонуни ҶТ «Дар бораи биноҳои бисёрхонагӣ ва ширкати соҳибмулкони манзил» соҳибмулк пурра барои таъмири ҷории бинои истиқомат мекардааш ва дигар уҳдадориҳои шаҳрвандӣ вазифадор аст. Пеш аз гирифтани иқдоми корҳои ободониву созандагӣ дар шаҳр, ки бевосита аз дастури Пешвои муаззами миллат аз вохӯрӣ бо кормандони НБО ва фаъолони ш.Роғун дар санаи 27.07.2018 бармеояд, бо тамоми соҳибмулкон, аз ҷумла бо сокинони хонаи №22 маҳз бо ширкати Раиси шаҳр вохӯрӣ доир карда шуда, ҳуқуқу уҳдадориҳои шаҳрвандон ва мақомоти давлатӣ фаҳмонида дода шуда, дар ин хусус Протоколҳо аз маҷлисҳои гузаронидашуда тартиб дода шудааст. Дар ҳақиқат, мақомоти иҷроияи маҳаллӣ барои таъмини зебоии шаҳр масъул аст, аммо ҳар як амалу кирдор тибқи меъёру қоидаҳои муқарраркардашуда амалӣ карда мешавад. Ваҷҳи дигар ин аз гузаронидани суҳбат бо сокинони хонаи 22-и ш.Роғун дар санаи 28.09.2018, соати 17:00 аён шуд, ки мақоларо онҳо нанавиштаанд ва умуман дар ин хусус маълумот низ надоранд. Аз ин рӯ, талаб карда мешавад, ки раддия дар бораи маводи ба нашр расонидашуда фавран ба нашр расонида шуда, ба хотири нигоҳ доштани обрӯ ва нуфузи мақомоти давлатӣ аз роҳбарияти мақомоти иҷроияи маҳаллии ҳокимияти давлатии ш.Роғун изҳори бахшиш карда шавад.

Билол Иброҳим
Раиси ш.Роғун

Аз СССР: Мактуби шикоятӣ, акс ва сабти ин афрод дар редаксия маҳфузанд ва мо сари мавзуъ бармегардем. Редаксияи СССР низ дар маъракаи ободонии кишвар саҳмгузор аст. Аммо набояд пушти даъвати сарвари давлат пинҳон гардиду ба мардум ситам кард. Шумо ҷавонмардона нависед, ки дархости пул аз сокинон буд, ё на? То давоми шикоятномаро нашр созему ҳақ ба ҳақдор расад. Ва аз ҳама охир, тибқи қонунгузорӣ ва Қонуни ВАО обрӯ ва нуфузро шахсони алоҳида доранд…Аз юристатон пурсед!
Мо Метавонем!

  Шаби 10 ба 11 ноябри соли ҷорӣ шахсони номаълум бо роҳи пинҳонӣ ба хонаи 1 сокини н.Ҷ.Балхӣ даромада, аз дохили хона 1 адад сандуқи оҳанинро, ки дар дохилаш ҷавоҳироти тиллоӣ, 1 адад планшет ва 300 доллари амрикоӣ буд, дуздида, аз ҷойи ҳодиса ғайб заданд.
   Бино ба иттилои аз маркази матбуоти ВКД ҶТ ба мухбири СССР расида, зарари расонидашуда 17 000 сомониро ташкил дода, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия 4 нафар мардони аз 24 то 30-солаи сокинони н.Ҷ.Балхӣ ва 1 нафар марди 30-солаи сокини н.Вахш бо гумони дуздӣ дастгир карда шуданд. Ин ҳодиса мавриди тафтиш қарор дорад.

Кори мастона
19.11.1942 Артиши Сурх ба ҳуҷуми ҷавобии худ, дар рафти муҳорибаи Сталинград оғоз намуд. Ин амалиёт Уран ном гирифт ва дар натиҷа армияи 6-уми фелдмаршал Паулюс ба муҳосира гирифта шуд. Ин муҳориба бузургтарин набард миёни нерӯҳои СССР аз 1 тараф ва артиши Рейхи 3-ум аз сӯи дигар дар рафти ҶБВ ба шумор меравад. Инчунин дар ин ҳарб нерӯҳои мусаллаҳи Руминия, Италия ва Венгрия низ аз ҷониби артиши немисӣ ширкат варзида буданд. Набард барои Сталинград 17.07.1942 оғоз ва 2.02.1943 поён ёфт. Муҳорибаи Сталинградро бисёриҳо хунинтарин даргирӣ дар таърихи инсоният муаррифӣ кардаанд ва тибқи оморҳои расмӣ, талафоти ҳарду тараф дар ҷанг аз 2 млн нафар зиёд аст. Ҳуҷуми тобистонаи Вермахт "Фалл Блау" ном дошта, Фюрери олмонӣ дар оғоз мехост Қафқозро тасарруф карда, СССРро аз манобеи нафтиаш маҳрум созад. Аммо дар рафти амалиёт Гитлер ақидаашро дигар карда, армияи 6-уми саҳроии Паулюс ҷониби Сталинград роҳ гирифт. Номгузории амалиёт низ хеле аҷиб ба назар мерасад.

15.11.1920. Дар Женева-пойтахти Шветсария аввалин нишасти Ассамблеяи Лигаи Миллатҳо доир шуд.
15.11.1923. Дар Иттиҳоди Шӯравӣ Раёсати Асосии Сиёсӣ (ГПУ) ба Раёсати Асосии Сиёсии Муттаҳида (ОГПУ) тағйири ном кард. Ниҳоди нав аз ҳайати НКВД бароварда шуда, вазоифи ҷазодиҳӣ низ аз он гирифта шуд.
15.11.1932. Дар собори (калисои ҷомеъ)-и Казани ш.Ленинград Осорхонаи дин ва атеизм ифтитоҳ ёфт. Он яке аз асоситарин марказҳои ошноӣ бо адёни ҷаҳонӣ дар собиқ Иттиҳод ба шумор мерафт.
15.11.1982. Дар Маскав маросими дафни котиби генералии КМ ҲКИШ Леонид Брежнев барпо шуд. Брежневро дар Майдони сурхи Маскав ба хок супориданд. Ҳангоми дафн тобут канда шуда, бо шаст ба дохили гӯр фурӯ рафт.
16.11.1920. Артиши Сурх дар рафти ҷанги гражданӣ шаҳри Керчро тасарруф кард. Бо ишғоли Керч нимҷазираи Қрим пурра ба дасти болшевикон гузашта, артиши сафедҳо охирин такягоҳи худро аз даст дод. Боқимондаҳои артиши генерал Врангел бошанд тариқи киштиҳо ба Туркия ва тунис интиқол дода шуданд.