ХАБАРИ ДОҒ
Чоршанбе, 26 Декабр 2018 15:59

 

Воқеан ҳам, танҳо дар Кӯлоб ман фаҳмидам, ки Бузургтарин Тренери Тоҷик, ки Шарафи Футболи Миллиро бар боми ҷаҳон такя додааст, яъне Зайниддин Раҳимов, то ҳол ...хона надорад!!! Фикр мекунам, ин “хатои сиёсӣ”-ро ҳатман ФФТ ислоҳ мекунад ва тренери №1 дар Душанбе соҳиби манзили зист мешавад. Мо Метавонем!!!

Чоршанбе, 26 Декабр 2018 15:49


Тавре мушоҳидаи дурӯзаи ман нишон дод, дар ТВ «Тоҷикистон» 1.12.2018, рӯзи шанбе аз соати 18:23 баъди анҷоми барномаи «Ахбор» пахши чунин рекламаҳо: «Сифат фарма» дорухонаи беҳтарин, интернети тарофаи «Даркор», шарбати «Хондроксид», Маркази табобати чинӣ, «Юлайзер», «Им-Палс» маз барои бемориҳои «Гемаррой», «Аҷам мебел», беҳтарин мағоза барои мебел, шарбати «Бонита», «Коровка», мази «Цинепар актив-гел» барои дарди буғум, мушакҳо…, рекламаи мебели «Малика», «Акнел-гел» барои донача, «Калципин», рекламаи «Авранг» бо тахфиф, «Табобати чинӣ бо духтурони Чин», рекламаи «Амонат онлайн» пардохти қулай», оғоз шуд. Билохира, соати 18:35, 1 дақиқа ҳам бошад, навори тарғиботии либосҳои миллӣ.
Баъд, аз соати 18:36 то соати 18:44 наворе дар бораи занони коргари «Ориёнбонк». Соати 18:45 боз реклама: «Интернет, тарофаи «Даркор», чойи «Кволити», шифохонаи «Табобати чинӣ», «Аҷам-мебел», таблеткаи «Уралка», рекламаи «Коровка», шарбати «Фемтоник» барои занон, «Торговый дом Авранг», табобати чинӣ, «Амонат онлайн»». Соати 18:57 тарғиби либосҳои миллӣ ва соати 19:00 «Панорама», яъне барномаи хабарӣ бо воқеоти муҳими ҳафта, ки то соати 19:21 идома дошт, баъди он боз ҳам реклама то соати 19:35, пас аз он соати 19:36 барномаи «Мадани Сино».

Хабар чӣ даркор? Реклама бинед!
Агар гӯем, ки тақрибан 1 соату 30 дақиқа фақат реклама дидам, хато намешавад, зеро дар ин шабака вақт барои пахши барномаҳо 20 дақиқа ва барои реклама тақрибан 30 дақиқа ҷудо карда шудааст. Тавре ба назар мерасад, ин шабака ба «Беморхона» табдил ёфтааст, зеро тамоми бемориву даъвоҳои онҳоро 1х1 номбар мекунанду барои тамошобин дигар беморхона рафтан ҳоҷат нест. Рекламаҳо дар вақте пахш мешаванд, ки аъзои оила дар 1 ҷо нишаста, хӯроки шомро тановул мекунанд ва шабакаи телевизионӣ бошад, бо тарғиби рекламаи «Табобати чинӣ» кулли аъзои баданро номбар карда, инчунин, аксҳоеро нишон медиҳад, ки табъи бинанда хира мешавад!!!

ТВ-шоп ё ТВ-аптека???
ТВ «Сафина» низ рӯзи 3.12.2018 баъди барномаи «Ахбор» соати 18:16 ба пахши реклама сар карда, то соати 18:28 давом кард, 12 дақиқа реклама барои бинанда хеле дароз аст. Мутаассифона, ин шабака низ ба «Беморхона» табдил шудааст. Таассуфовараш ин ки дар ин ҷо низ рекламаи «Табобати чинӣ» пахш мегардад. Соати 18:28 барномаи «Вожаҳои маъонӣ» то соати 18:59. Баъд боз реклама, соати 19:06 то 19:26 барномаи «Шоми Душанбе», сипас боз то соати 19:36 реклама. Хулоса, ҳарду ТВи машҳури кишвар дар соати муҳими рӯз, яъне ҷамъ шудани тамоми аъзои оила, дар 1 вақту соат аудиторияро бо рекламаҳо аз худ дур мекунанд. Рекламаҳои пайиҳам ҳар бинандаро аз тамошои ТВ мегурезонад, ҳатто дӯстдорони ашаддии ТВро низ. Рекламаро вақте пахш кардан лозим аст, ки тамошобин барои давоми барнома ё филми ҷолиб интизор бошад. Шояд ҳоло ТВҳои Тоҷикро мисли шабакаҳои алоҳидаи тиҷоратӣ ТВ-аптека ё ТВ-шоп ном монем!? Шумо дар ин бора чӣ мегӯед, дӯстони азиз?

Руқия Қурбонзода, коромӯзи СССР

Чоршанбе, 26 Декабр 2018 15:44


Узви Ташкилоти ҷамъиятии «Фидоиёни Ватан», Бобомурод Абдураҳмонови 54-сола, сокини ноҳияи Синои пойтахт (тел: 98 866 89 63) дар меҳмонии газетаи мардумии СССР гуфт, ки 5 сол боз дар ЖЭУ (Кооперативи моликони манзил)-и №6 ба ҳайси партовчӣ шуда кор мекунам. Ман 4 сол боз барои 1 моҳ 400 сомонӣ ҳаққулзаҳмат мегирифтам. Аммо 1 сол боз маоши моро аз 400 сомонӣ ба 175 сомонӣ фароварданд. Ин дар ҳолест, ки бояд тибқи фармони Президенти кишвар аз моҳи сентябри соли ҷорӣ моҳонаи мо зиёд мешуд. Ин албатта ба ман сахт мерасад, зеро 7 фарзанд дорам, ки яке аз онҳо дар Коллеҷи технологии шаҳри Душанбе таҳсил дорад. Пас бо 175 сомонӣ чӣ хел 7 фарзандро хӯронаму пӯшонам? Чандин бор ба раисамон-Хайрулло Ҳабибуллоев доир ба ин мушкил гап задам, аммо ягон натиҷае нест! Ростӣ, ин ноадолатӣ барои ман сахт алам мекунад, чунки барои барқарории Ҳокимияти конститутсионӣ хизмат кардаам ва ҳуҷҷати тасдиқкунанда низ дорам!

Чоршанбе, 26 Декабр 2018 15:40

Чоршанбе, 26 Декабр 2018 15:36


 Бо мақсади вусъат бахшидан ва бо дар назардошти зарурати инкишофи инфрасохтори деҳот имрӯз  Президенти Ҷумҳурии Тоҷикистон Эмомалӣ Раҳмон дар Паёми навбатии худ ба Парлумони мамлакат солҳои 2019-2021-ро солҳои рушди деҳот, сайёҳӣ ва ҳунарҳои мардумӣ эълон намуд.
   Чуноне ки сарвари давлат зикр кард, барои бунёди инфрасохтори соҳаи сайёҳӣ ва омода намудани даҳҳо ва садҳо ҳазор ҳунармандони соҳибкасб ва эҳёи ҳунарҳои мардумӣ 1 сол басанда нест. Ба ҳамин хотир барои рушди инфрасохтори соҳаи сайёҳӣ дар ҳамаи минтақаҳои кишвар бояд тадбирҳои иловагӣ андешида шаванд.

Чоршанбе, 26 Декабр 2018 14:54

Чоршанбе, 26 Декабр 2018 14:46


Раёсати сохтмони асосии назди Вазорати маориф ва илми ҶТ вобаста ба мақолае оид ба сохтмони муассисаи таълимии №1 дар деҳаи Деваштичи ш.Панҷакент иттилоъ медиҳад, ки аз ҳисоби маблағҳои мутамаркази асосии с.2014-15 сохтмони 4 синфхонаи иловагӣ барои 96 ҷои нишаст дар назди мактаби №45 дар деҳаи Марғзори н.Панҷакент сохта ба истифода дода шуда, корҳои лоиҳакашии сохтмони 10 синфхонаи иловагӣ дар назди муассисаи таълимии №85 деҳаи Вешисти ш.Панҷакент оғоз карда шудааст. Инчунин, с.2016 аз ҳисоби марҳилаи сеюми Фонди Саудии Рушд сохтмони бинои нави таълимии мактаби №61 барои 240 ҷои нишаст дар деҳаи Моғиёни ш.Панҷакент ба маблағи 3 млн. 245.000 сомонӣ сохта ба истифода дода шуд. Илова ба ин, с.2015 аз ҳисоби гранти Фонди глобалии таҳсилот сохтмони муассисаи таълимии №18 дар деҳаи Артучи ҷамоати деҳоти Рӯдакии ш.Панҷакент ва сохтмони муассисаи таълимии №56 дар деҳаи Суфиёни ш.Панҷакент сохта ба истифода дода шуд. Маврид ба ёдоварист, ки айни замон, аз ҷониби Вазорати маориф ва илм рӯйхати иншооти сохташаванда аз ҳисоби Бонки Исломии Рушд таҳия шуда истодааст…

А.Зарипов, сардори раёсати сохтмони асосии назди Вазорати маориф ва илми ҶТ

Чоршанбе, 26 Декабр 2018 14:35


Фирори бузург
Моҳи августи с.1991 тамоми ҷамоҳири Иттиҳод (ғайр аз Русия ва Қазоқистон) эълон карданд, ки аз ҳайати Иттиҳод мераванд. Бо вуҷуди ин то оғози декабри с.1991 раванди ҷустуҷӯи роҳҳои наҷот барои СССР идома дошт. Абарқудрати собиқ бо суръати кайҳонӣ сӯи пошхӯрӣ ҳаракат мекард ва Горбачев дигар илоҷе надошт. Миёнаҳои ноябр барои бақои СССР дар шакли нав ва дар танҳоӣ 7 ҷумҳурии шӯравӣ-Русия, Беларус ва 5 ҷумҳурии Осиёи Миёна талош мекарданду халос. Дигар ҷумҳуриҳо аслан дар раванди гуфтушунидҳо ширкат намекарданд. Нуқтаи охиринро дар ин раванд референдуми Украина гузошт. Ин референдум 1.12.1991 баргузор шуда, бештари шаҳрвандони Украина аз соҳибистиқлолии кишварашон ҳимоят карданд. Украина комилан соҳибистиқлол шуд. Мегӯянд, Елтсин ва Шушкевич сахт тарафдори боқӣ мондани СССР буданд, лек Кравчук калимаи "Иттиҳод"-ро ҳатто шунидан намехост. Маҳз ба ин хотир референдуми Украина доир карда шуд. Бо вуҷуди ин президенти Русия Б.Елтсин аз ин реферундум ҷонибдорӣ карда, соҳибистиқлолии Украинаро ба расмият шинохт.

  •  << 
  •  < 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  10 
  •  > 
  •  >> 
саҳ 1 аз 11

Китобҳо

Flag Counter