Теъдоди бузурги аҳолии вилоят, ки ба хотири муҳоҷирати меҳнатӣ ба хориҷи кишвар сафар мекунанд, дар 3 моҳи соли равон нисбат ба ҳамин давраи соли гузашта 21% коҳиш ёфтааст. Чуноне Маҳмудҷон Хоркашев, сардори Раёсати Хадамоти муҳоҷират дар вил.Хатлон зимни баромадаш дар ҷаласаи ҷамъбастии 3-моҳа зикр кард, тайи 3 моҳи сипаришуда 42 ҳазору 91 нафар сокинони вилоят ба хориҷи кишвар сафар намудаанд. Сабаби коҳиш ёфтани раванди рӯ овардани шаҳрвандон ба муҳоҷирати меҳнатӣ ин таъсиси ҷойҳои нави корӣ дар Ватан, ташкили хоҷагиҳои деҳқонӣ аз тарафи муҳоҷирони меҳнатӣ ва ба касбомӯзӣ фаро гирифтани шаҳрвандон аст.

Баҳодур Абдусалом, СССР

24 апрел дар 1 маҷлиси васеъ дар маркази ш.Бохтар Маллазода Сайдулло Сардори бахши тандурустии вил.Хатлон бо сабаби номаълум аз вазифа барканор ва ба ҷои ӯ Раҷабзода Мирзоалӣ ба ин курсӣ таъин шуд. Раҷабзода қаблан дар минтақаи Кӯлоб ба ҳайси мудири шуъбаи тандурустӣ фаъолият мекард.

Баҳодур Уроқов
СССР, вилояти Хатлон

 Шоми 24.04.2019, тахминан соати 21.00 дақиқа дар натиҷаи боришоти зиёди борон дар к.Аҳмади Дониш чоҳи амудӣ (калодетс) пур аз об шуда, ноқилҳои баландшиддати қувваи барқ, ки аз зери замин мегузаштанд, ба ҳам расида, дар натиҷа таркиши хурд ба амал омад.
   Тавре маркази матбуоти ВКД ҶТ хабар медиҳад, дар натиҷа наздики 5 метр роҳи пиёдагард хароб шуда, ягон нафар шаҳрвандон ҷароҳат набардоштаанд. Аз ҷониби мақомотҳои дахлдори ш.Душанбе корҳои бартарафсозӣ идома дорад.

  Рустами Эмомалӣ, Президенти футболи Тоҷикистон роҳбари нави CAFA (Central Asian Football Аssociation)-Ассотсиатсияи футболи Осиёи Марказӣ интихоб шуд.
   Тавре сомонаи Федератсияи футболи Тоҷикистон хабар медиҳад, интихоби Рустами Эмомалӣ дирӯз зимни анҷумани ассотсиатсияи мазкур, ки дар ш.Душанбе баргузор гашт, сурат гирифтааст. Инчунин, дар анҷуман муовини роҳбари CAFA муовини аввали роҳбари Федератсияи футболи Қирғизистон Достонбек Конокбоев ва дабири кулли Федератсияи футболи Туркманистон Арслон Ойназаров муовини роҳбари CAFA интихоб шуда, дафтари марказии Ассотсиатсияи футболи Осиёи Марказӣ аз Тошканд ба Душанбе хоҳад кӯчид.
   Бояд қайд намуд, ки Ассотсиатсияи футболи Осиёи Марказӣ соли 2014 таъсис ёфта, федератсияҳои футболи 6 кишвар-Афғонистон, Эрон, Қирғизистон, Тоҷикистон, Туркманистон ва Ӯзбекистонро муттаҳид мекунад.

Аз  23 то 25 апрел дар Тоҷикистон  ҳавои номусоид  боқӣ монда, боридани боронҳои шиддатнок  дар назар аст. Бинобар ин, Кумитаи ҳолатҳои фавқуллодаи назди Ҳукумати ҶТ ҳушдор медиҳад, ки сокинони кишвар аз сафар ба минтақаҳои кӯҳӣ дар ин рӯзҳо худдорӣ намоянд.
    Ба иттилои аз маркази матбуоти КҲФ ба мухбири СССР расида, 24 апрел дар қисми зиёди минтақаҳои ҷумҳурӣ бориши боронҳои ниҳоят шиддатнок  дар назар дошта шуда, дар  ш.Душанбе низ борон шиддат гирифта,  эҳтимолияти то 1 шабонарӯз  боридани он дар назар аст. Дар ин шабу рӯз дар ноҳияҳои Варзоб, Файзобод,  Рашт, Нуробод, шаҳри Ваҳдат, шаҳри Хучанд, Панҷакент, Истаравшани вилояти Суғд ва шаҳри Бохтар, Кӯлоб, Данғара, ноҳияҳои Ховалинг, Восеъ ва  Ш. Шоҳини вилояти  Хатлон низ боронҳои ниҳоят шиддатнок  меборанд.
    Шаби 24 ба 25 апрел  дар натиҷаи  боридани боронҳои шиддатнок  якбора баландшавии сатҳи оби  дарёҳои Ёхсу, Қизилсу  Хингоб, Кофарниҳон ва Варзоб аз эҳтимол дур нест.  Инчунин дар  қисми зиёди минтақаҳои  ҷумҳурӣ хатари фаромадани сел ва ярч  дар назар дошта шудааст.

Президенти Русия Владимир Путин тарҷумонеро, ки ӯро дар мулоқот бо сарвазири Шветсия Стефан Левен ҳамроҳӣ мекард, ислоҳ кард ва барои хатоии роҳдодааш ӯро шӯхиомез "бандит" номид. Тарҷумон калимаи "дӯст"-ро ба "ҳамкор" иваз кард ва Путин инро зуд пай бурду таъкид кард, ки "ҳамкор" не, "дӯст". Путин ҳини изҳороташ дар бораи ҳамкориҳои Русияву Шветсия тоҷирони шведро дӯстони Русия номид, ки ба иқтисоди кишвар 5 миллиард доллар сармоягузорӣ кардаанд.

Узви Ихвон-ал-СССР, Шерафган Ҳаётов аз ноҳияи Варзоб дар меҳмонии СССР гуфт, тибқи иттилои ман дар кишвари мо тарҳи нави қонуне дар ҳоли баррасӣ аст, ки дар сурати қабул ба сокинон имкон дода мешавад, насаби фарзанди худро аз номи бобояш ихтисор кунанд. Бар асоси қонуни феълӣ кӯдакон насабро аз падар ё модар мегиранд ва маъмулан насаби онҳо бар асоси номи бобо ё бобокалони падар ва чанд насл пештар гузошта мешавад. Тибқи мушоҳидаи ман, ҳар боре, ки ҳар 1 дӯстам зимни гирифтани шаҳодатнома барои фарзандаш мехоҳад номи падари худ, яъне бобои кӯдаконро ба онҳо насаб гузорад, аммо дар идораи сабти аснод ба дархости ӯ посухи рад медоданд. Ва дар ҷомеаи имрӯза чунин андеша ҳаст, ки «ҳамин насаби ман ба номи ким-кадом бобоям аст. Ман ӯро надидаам. Мехоҳам, номи падарам дар насаби фарзандам гузошта шавад». Ҳоло бархе бар ин боваранд, ки дар сурати аз номи бобо гирифтани насаб барои кӯдакон, насабҳои авлодӣ, ки аз насл ба насл мерос мондаанд, аз байн мераванд. Аммо онҳое ҳам кам нестанд, ки баръакс барои баргардонидани пасванди "ов", "ев" ва "вич" ба САҲШи шаҳру навоҳӣ муроҷиат кардан доранд.

Ворисони Феликс
19.04.1943 бо фармони махфии Сталин дар хадамоти зиддиҷосусии Артиши Сурх, Раёсати асосии зиддиҷосусии "Смерш" таъсис дода шуд. Ин ниҳод ҳамагӣ 3 сол-аз с.1943 то с.1946 фаъолият кард ва яке аз нерӯмандтарин ниҳодҳои қудратӣ дар собиқ шӯравӣ буд. Дар фаъолияти пурсамари хадамоти ҷосусии кишварҳо ҳамеша роҳбар нақши вежа дошт. Барои мисол, хадамоти ҷосусии Олмон (Абвер) маҳз бо омадани адмирал Канарис дар фаъолияти худ ба муваффақиятҳои назаррасе расид. Дар Маскав низ инро хуб дарк мекарданд ва хадамоти ҷосусии СССРро, ки заминаҳои онро ҳанӯз солҳо қабл Феликси оҳанин тарроҳӣ карда буд, афроди зирак сарварӣ мекарданд. Ин хадамот яке аз беҳтаринҳо дар дунё будӣ. Дзержинский ва пайравонаш тавонистанд дар муддати кӯтоҳ шабакаи густардаи ҷосусиро дар саросари ҷаҳон роҳандозӣ ва дар болотарин зинаҳои ҳукуматии кишварҳои Ғарбӣ ҷосусони содиқе пайдо кунанд. Давомдиҳандагони кори ӯ низ аз устоди худ камӣ надоштанд. Дар аввали солҳои 1930 Березин, Уритский, Артузов ва Борович аз сӯи Шӯъбаи ҷосусии АС ва Слутский, Серебрянский, Каминский бо Эйтингон аз ҷониби ОГПУ-НКВД тавонистанд дар Аврупои Ғарбӣ ва Шарқи Дур дастгоҳи пурзӯри ҷосусӣ-тахрибкориро рӯи кор оранд. Ин шабакаи густардаи ҷосусӣ беш аз 300 ҷосусро дар бар мегирифт. Нақши вежаро дар роҳандозии шабака ҷосусони хоси пинҳонкор ба мисли Арнолд Дейчи австриягӣ (тахаллусаш Ланг), ки тавонист 5-гонаи маъруфи Ким Филбиро дар Англия барои ҳамкорӣ бо СССР даъват кунад; рӯҳонии калисои католикӣ-Теодор Малии венгер; корманди собиқи хадамоти ҷосусии Штаби генералии Полша-Богуславский; ҷосусони маъруф Шандор Радо, Леополд Треппер, Рихард Зорге, Эрнест Волвебер... ифшо карданд. Барои мисол дар Олмон гурӯҳи Шолтс - Бойзен (дар ситоди Геринг), Харнак дар вазорати иқтисод, Кукхофф ва Штебе дар ВКХ ва Леман дар гестапо (пулиси махфӣ) хело муввафақона амал мекарданд.