Архиви шахсиямро варақ зада, тасодуфан бо ҳамин сурат дучор омадам. Чун ба сардабири СССР тавассути телефон дар борааш гап задам, ба масале «аз забонам дошт!» ва амр кард, ки устод ҳатман хотираатонро дар бораи ин бузургон нависед. Мо чоп мекунем. Мо Метавонем!

Кумитаи Миллии Олимпии кишвар Баҳодур Усмонов ва мураббии ӯро бо мукофоти пулӣ қадрдонӣ намуд. Варзишгари тоҷик Баҳодур Усмонов 2 ҳафта пеш дар мусобиқот оид ба бокс пирӯз омада, чемпиони Осиёи Марказӣ дар вазни 64 кг. гашт.
   Дар кори ҷаласае, ки рӯзи 4.05.2019 дар Кумитаи Миллии Олимпии кишвар баргузор гашт, муовини 1-уми раиси Кумитаи кор бо ҷавонон ва варзиш Назарзода Ризо Шодӣ, котиби генералии КМО-и Тоҷикистон Абдуллозода Маҳмадшо, роҳбари Клуби варзишии Ҳоҷӣ Шариф Эргаш Маҳмадбеков, мураббиёну варзишгарони шинохтаи ин риштаи варзиш, экспертҳо ва намояндагони ВАО кишвар иштирок доштанд.
   Аз ҷониби Клуби варзишии Ҳоҷӣ Шариф бо мақсади ҳавасманд намудани варзишгарони тоҷик ба Баҳодур Усмонов 25000 сомонӣ ва ба мураббии ӯ низ 25000 сомонӣ тақдим карда шуд.

Маъмурияти ҶДММ «Сорбон-14» нисбати мақолаи «Гонка дар хатсайри №46» (СССР, №15(552), 11.04.2019) ба маълумоти шумо мерасонад, ки маводи мазкур дар байни коллективи кормандон ва ронандагони воситаҳои нақлиёти хатсайри №46 мавриди муҳокима қарор гирифт. Ба ронандагон фаҳмонида шуд, ки аз зимни фаъолият ва ҳаракат дар хатсайр ба ҳар гуна қоидавайронкуниҳо, аз ҷумла, ба мусобиқа роҳ надиҳанд, аз меъёри муқарраршуда зиёд савор накунанд ва ба дағалӣ роҳ надиҳанд. Қобили зикр аст, ки назорат аз болои воситаҳои нақлиёт пурзӯр карда шуда, он зери назорати доимии роҳбарияти ҷамъият қарор дорад.

Бо эҳтиром директор:     Б.Раҳимов

Парламенти Украина зери қонуне имзо гузошт, ки мақоми забони украиниро ҳамчун забони расмии давлатӣ таъйин мекунад. Петро Порошенко-президенти имрӯза, ки муҳлати раёсаташ моҳи июн ба поён мерасад, гуфт, то он замон қонуни мазкурро имзо мекунад. Дар қонун омадааст, ки ягона забони расмии давлатӣ дар Украина забони украинист.

Узви Ихвон-ал-СССР, Ғулом Олимови 83-сола, аз деҳаи Оқчакмани ноҳияи Рӯдакӣ дар меҳмонии газетаи СССР гуфт, ки аз 7-солагӣ, то ҳол, 77 сол боз нос мекашам. Падари ман нос тайёр мекарду мефурӯхт. Пинҳонӣ аз падар нос мекашидам. Носро аз растании тамоку ва хокистари пӯстлохи дарахти бед омода мекарданд. Баргҳои тамокуро бошад бо сӯзан, дар риштае ҳамел кашида, дар хона ё берун, зери сояи дарахте мехушконданд… Аслан набояд ба нос оҳак андозанд! Аммо имрӯз меандозанд! Зеро носи оҳакдор таги забонро яра мекунад. Носи хокистарӣ зиёни камтар дорад… Дар фарҷом аз кулли ҷавонон эҳтиромона хоҳиш дорам, ҳаргиз беақлие, ки мо кардем, накунанд! Зеро хело дер фаҳмидам, ки нос ба саломатии носкаш зарари калон доштааст. Масалан, нос дандонро мерезонад, дарди сарро ба вуҷуд меорад, ба кори шуш халали зиёд мерасонад… Аз ҳама баду зиёновараш ин аст: Дар маъракае ҳузур дориву дар даҳанат нос аст ва ба ту бо назари бад менигаранд, ки комилан дуруст аст! Яъне ин воқеан бефаросатист! Ифлостарин чиз нос аст ва ифлостарин фард носкаш!!!