ХАБАРИ ДОҒ
Чоршанбе, 14 Август 2019 10:05

Хонанда, дӯст ва мухлиси доимии газетаи мардумии СССР Ҳомид Расулов (бо тахаллуси Афғон, тел: 92 729 32 90) аз ноҳияи Мастчоҳ дар меҳмонии СССР гуфт, ки нахуст салому паёми кулли ҳаводорони мастчоҳии СССР ба шумо-аҳли қалами СССР мерасонам. Баъдан, аз номи худ ва дӯстонам шаҳрвандони азизи кишварро бо Иди Қурбон сидқан таҳният мегӯям ва барои хони идонаи онҳо файзу бараккатро таманно дорам. Сониян, ман 1 чиро ҳич нафаҳмидам. Муқоиса кунед: Тавассути ТВҳо пайваста нишон медиҳанд ва ҳам мегӯянд, ки «мо дар давраи истиқлолият даҳҳо ГЭСи хурду бузург сохтем». Хуб, бигзор бошад, зеро ягона сарвату обрӯи мо ин об асту ГЭС!!! Аммо чаро киловати барқ қимат шуд? Ёдатон ҳаст, ки дар замони Иттиҳоди Шӯравӣ ҳамагӣ 2-3 ГЭС доштему барқи арзонтарин дар Тоҷикистони мо буд? Имрӯз аз ҳар хонаводаи тоҷикистонӣ 3-4 нафар дар муҳоҷирати меҳнатист ва мардум бе пул асту камбағал, пас пули барқро чӣ хел бипардозем? Болои ин боз паспорти нав гирему симкортро аз нав иваз кунем? Хоҳиш мекунам, ки ба мардум зулм накунед! Чиновникҳо ақаллан 1 бор дари музофотиро бикубаду аз хонаш ақаллан намаке бичашаду бубинад, ки чӣ мехӯраду чӣ мепӯшад???

 

Чоршанбе, 14 Август 2019 10:03

Рамазон Қодиров-раҳбари Чеченистон Муҳаммадомӣ Ғозиеви 6-соларо ба ҳайси «охранник» ба кор гирифт. Қодиров дар суҳбати тет-а-тет бо Ғозиев гуфт, ки «вазифаи ту назорати интернетии ҷумҳурии мост» ва ӯро ҳамон замон назди монитори бузурге гузошт, ки аз он метавон 4 гӯшаи Чечняро бароҳат дид! Ин хабар олами интернетиро тарконид, зеро ба қавли лидери чечен «Охранникро бояд аз гаҳвора тарбият намуд, то садоқаташро барои Ҳукумату Миллату Давлат нишон дода тавонад. Ҳамин ҳоло Муҳаммадомӣ барои ман қаҳрамон аст ва ӯро бояд зери тарбият бигирем. Зеро аз чеҳрааш маълум, ки хело сипоҳу зирак аст ва дар ин шабу рӯз чунин писарони нотарсу ҳушёр заруранд!»

 

Чоршанбе, 14 Август 2019 10:02

Калимаи «иҷборӣ» дар ҳама давру замон, дар ҳама кору фаъолияти инсонҳо ягон хосияти хуб надошт, надорад ва нахоҳад дошт! «Иҷборӣ» танҳо ба шахсони тундрав ва тундгарое дахл дорад, ки қонуншиканӣ намуда, ба қонунҳои давлат итоат намекунанд. Дар асл «иҷборӣ» ин поймол намудани ҳуқуқи инсон аст, ки дар шаклҳои зерин ба назар мерасанд:

-Роҳбарони ҲНИТ с.1992 аз пошхӯрии давлати Шӯравӣ истифода карда, хостанд «иҷборӣ» Тоҷикистонро давлати исломӣ кунанд, вале зуд шикаст хӯрданд.

-ҲНИ с.2015 хост, мусалмонҳои суннимазҳабро бо роҳбарии хоҷагони хориҷиашон «иҷборан» ба шиамазҳабӣ табдил диҳанд, аммо тирашон хок хӯрд.

-Мусалмонҳои дунё «мӯъмин-бародари мӯъмин» гуфта, бо нидоҳои «Оллоҳу Акбар!» «иҷборан» ҳамдигарро сар мезананд.

-Китобҳои навқаламони худрӯро «иҷборан» ба мардум бо нархи гарон фурӯхтем,у касе ҳатто онҳоро варақ ҳам намезанад.

-«Гӯшаеро обод мекунем» гуфта, аз мардум «иҷборан» пул ғундоштем, аммо баръакс гулистонро ба чӯлистон табдил додем.

-Соли 2015-ро «Соли оила» эълон кардем. Аз сабаби он ки нақша-чорабиниҳо «иҷборӣ» буд, ба тақаллубу риёкориҳо роҳ додем. Дар натиҷа тибқи нишондоди омор с.2016 дар ҷумҳурӣ 8861 оила пош хӯрда бошад, ин нишондод дар с.2017 ба 10.100 расид, ки нисбати соли қаблӣ 1239 нафар зиёд шуд.

-Ҷавононро «иҷборан» ба хизмати ҳарбӣ бурдем!

-Ба хотири «иҷборан» тарғиб кардани манъи тамошои филмҳои туркӣ мардум туркгаро шуда истодаанд.

-Мардумро «иҷборан» ба рӯзномаву маҷаллаҳо обуна кунонидем, аммо хонданро фаромӯш кардем (бо истиснои рӯзномаҳои озод, чунки иҷборӣ нестанд).

-Бо супориш чиптаҳоро ба идораву муассисаҳо «иҷборан» мефурӯшанд. Вале аксари кормандон ба тамошои намоишномаҳо намеоянд, ё кӯдакро равон мекунанд, ки ин боиси халалрасонӣ ба рафти намоишномаҳо мегардад.

-Роҳбарону масъулон барои пур кардани толорҳо, гузаронидани маҷлису ҷамъомад ва дигар чорабиниҳо таваҷҷуҳи мардумро на бо роҳи табиӣ, балки сунъӣ-«иҷборан» ҷалб менамоянд…

Хуллас, на ба таври маҷбуриву таҳдид ва зӯру фишор, балки танҳо бо фаҳмондадиҳӣ, ташвиқу тарғиб ва ҳавасмандкунӣ завқи мардумро бедор кардан мумкин асту халос!

Табаралӣ Авсақолов,

узви Ихвон-ал-СССР, н.Фархор

 

Чоршанбе, 14 Август 2019 09:53

 

Чоршанбе, 14 Август 2019 09:53

Чоршанбе, 14 Август 2019 09:48

 

Чоршанбе, 14 Август 2019 08:54

Марги бародар

Владимир Улянов-Ленин яке аз поярезони марксизм-ленинизм дар Русия ба шумор меравад. Ӯ аввалин ҳизби коммунистиро дар Русия роҳандозӣ кард ва орзӯи Марксу Энгелсро ҷомаи амал пӯшонд. Ленин 22.04.1922 дар ш.Симбирски Русия, дар оилаи хизматчӣ ба дунё омад. Падараш бозраси мактабҳои халқӣ ва модараш низ зани таҳсилкарда будӣ. Владимир солҳои 1879-1887 дар гимназияи Симбирск таҳсил ва онро бо медали тилло хатм кард. Лаҳзаи тақдирсоз дар зиндагии ӯ с.1887 шуд. Дар ин сол ҳукумати вақт бародари бузурги ӯ Александрро барои ширкат дар қатли император Александри III ба қатл маҳкум кард. Марги ака таъсире сахте дар Владимири ҷавон гузошт ва роҳи ояндаи ӯро муайян кард. С.1887 Ленин ба факултаи ҳуқуқшиносии Донишгоҳи давлатии Қазон дохил шуда, аммо бо сабаби ширкат дар тазоҳуроти донишҷӯён баъди 1 сол аз Донишгоҳ хориҷ карда шуд. С.1888 оилаи Уляновҳо ба Самара кӯчиданд ва маҳз дар ин шаҳр ошноии Ленин бо адабиёти марксистӣ иттифоқ уфтод.

Владимир баъди чанде ҳуҷҷатҳояшро ба Донишгоҳи Санкт-Петербург супорида, с.1891 ба таври экстернӣ факултаи ҳуқуқшиносиро хатм мекунад. С.1893 ба Питер омада, ба ҳайси ёрдамчии ҳуқуқшинос ба фаъолияти меҳнатӣ оғоз намуд. Аммо масоили ҳуқуқӣ диққати Ленинро чандон ҷалб намекарданд ва ӯ ба масъалаи тағйири асли давлатдории Русия пардохт. Аллакай с.1894 ақидаи сиёсии худро ба тасвиб расонида, тибқи он, пролетариати рус бояд тамоми нерӯҳои демократиро сарварӣ намуда, бо роҳи муборизаи ошкори сиёсӣ ҷомеаро ба инқилоби коммунистӣ мерасонид.

С.1895 бо иштироки бевоситаи Ленин дар Петербург "Иттиҳоди мубориза барои озодии синфи коргар" созмон дода шуд, ки аввалин ташкилоти марксистӣ дар Русия ба шумор мерафт. Барои ин кор ӯро ба ҳабс гирифта, ба муҳлати 3 сол ба деҳаи Шушинскоеи Сибир бадарға карданд.

Чоршанбе, 14 Август 2019 08:51

8.08.1917. Дар Петроград Анҷумани VI-уми РСДРП (б) ба кори худ шурӯъ кард. Анҷуман дар шароити нимамахфӣ мегузашт ва дар он 267 вакил ширкат варзиданд. Бештари роҳбарони болшевикӣ монанди В.Ленин, Г.Зиновев, Л.Тротский, Л.Каменев дар Анҷуман ширкат надоштанд. Ба кори Анҷуман И.Сталин ва Я.Свердлов роҳбарӣ мекарданд. Маҳз дар ин Анҷуман ҳизби болшевикӣ қарори шӯриши мусаллаҳонаро ба тасвиб расонид.

8.08.1917. Артиши англису фаронсавӣ амалиёти Аменро дар рафти Ҷанги Ҷаҳонии 1 алайҳи Олмон оғоз намуданд. Ин амалиёт боиси рахна шудани фронти немисҳо гардид ва фармондеҳи немисҳо Людендорф онро "Рӯзи сиёҳи артиши олмонӣ" номид.

8.08.1945. СССР бо Япония эъломи ҷанг кард ва Артиши Сурх вориди Манҷурия гардид.

9.08.1928. Дар бинои Сирки шаҳри Ленинград Осорхонаи сирк ва эстрада ифтитоҳ ёфт. Ин аввалин осорхонаи сирк дар ҷаҳон буда, ҳоло ҳам таҳти унвони "Осорхонаи санъати сирк" фаъолият мекунад.

9.08.1945. Артиши ИМА бомби атомии 2-умро, ки "Фарбеҳак" ном дошт, ба шаҳри Нагасакии Япония партофтанд. Дар натиҷа 74.000 одам ҷони худро аз даст дод.

10.08.1913. Анҷоми Ҷанги 2-уми балканӣ. Дар ин ҷанг Булғористон, ки зидди Сербия, Черногория, Юнон ва Руминия меҷангид, шикаст хӯрд ва дар пойтахти Руминия шаҳри Бухарест ба созишномаи сулҳ имзо гузошт.

11.08.1921. Дар Русияи шӯравӣ бо қарори ШКХ сиёсати нави иқтисодӣ (НЭП) роҳандозӣ гардид.

11.08.1949. Роҳбарияти Иттиҳоди Шӯравӣ эълон намуд, ки дигар Югославияро иттифоқчии худ намешуморад.

саҳ 8 аз 13

Китобҳо

Flag Counter