Иззат ва шарафи миллатро дар назди дигар миллатҳо баргардонидан, оташи фахри миллиро дубора афрӯхтан барои «одамвор, озодона, дар ватани худ зистан ва роҳат фавтидан дар хонаҳои худ»…

Тезиси 13-уми Сионизм…

…Ҳоло саросема нашавед ва барои ҳукми банда сабр кунед: Зеро ман чизеро ба шумо мегӯям, ки тӯли даҳсолаҳо гӯшатон бо ҳақорат садо медод;

-Барои раҳоӣ аз вартаи имрӯза Тоҷикистон бояд аз методи давлатдориву давлатсозии Исроил кор бигирад!

Тоҷикистон, агар хусумати пиндор ва ҷаҳолати таассубро канор гузорем, ки бо номи яҳудро шунидан, аз ғазаб мӯямон сих мехезаду худ намедонем чаро…бояд бо ана ҳамон роҳе сӯи давлатсозӣ ҳаракат кунад, ки Исроил мекард. Зеро ин 2 давлат шабоҳати хеле олӣ ба ҳам доранд. Бори дигар мегӯям, ки таассуби мазҳабиро канора гузоред. Сухан сари методи давлатдорист, на чизи дигар:

Тоҷикистон давлатест, ки бо ақвоми турку муғултабор ҳаммарз аст. Ӯзбакистон, Қирғизистон, Қазоқистон, Туркманистон (бо дуи ахир марз ҳам надошта бошем, дар маҳдудаи умумӣ ба сар мебарем) ва аз ҷониби шарқ Хитойи Бузург. Агар ба антропологияи ин ақвом назар андозем, маълум мешавад, ки ягон умумияти хуниву фарҳангӣ онҳо бо мо надоранд. Ин дар ҳолест, ки бо ҳамдигар хеши наздиканд! Чизе монанд байни давлати Исроилу атрофиёнаш ҳис кардед?

Имрӯз, мо худро фиреби назар медиҳем, ки Қазоқистону Туркманистон дӯстони моанд. Бовар кун, хонанда, ин дӯстӣ то соатест, ки бо бародарони ҳамхуни ишон нифоқ надорем. Вагарна чеҳраи асили ин дӯстонро медидем!

Ҳоло ки конфликт бо Қирғизистон сар зад, дидем, ки Бишкек дар ситам на камтар аз Тошканд будааст. Тошканд, бо ҳама бадкорияш роҳҳои моро куллан намебаст. Аммо қирғизҳо дар 2 соат ҳама самтҳоеро, ки моро бо Хитой ва Русияву Қазоқистон мебурданд, баст!!! Огаҳон медонанд, ки қирғизу қазоқ аслан 1 миллати қарақирғизанд, ки онҳоро СССР ба 2 республика ҷудо карда буд. Дар сурати ташдиди конфликт ба фикри ту, хонанда, оре, маҳз туе, ки фикр дорӣ, «Сайёф ту гуфта, маро ҳам дар назар дорад?», қазоқҳо ба кадом ҷониб майл мекунанд: Тоҷикистони бегона ва ё Қирғизистони ҳамхуну ҳамфарҳангу ҳамзабон?

Аз сӯи дигар мо низ давлатҳои ҳамхуну ҳамфарҳангу ҳамзабон дар ин қора дорем: Афғонистони ба коми бало ғӯтида ва Эрони ғайрмазҳаб. Ҷои пӯшиш нест, ки барои Эрон мазҳаб ва он ҳам шиъа болотар аз забону фарҳанг меистад ва мутаассуф, ин ҳақиқати ҳол аст. Афғонистон бошад ба коми фашизми паштуӣ ва таассуби мазҳабӣ чунон дармондааст, ки роҳи раҳоӣ дар ҳамин … аср надорад. Ягона роҳ тақсими Афғонистон ба 2 давлати Тоҷику паштун аст, ки табиист, то дарки ин ҳақиқат, мутаассибин боз чанд даҳсола ҷангу хунрезӣ хоҳанд кард. Яъне Тоҷикистон аз 4 тараф 1 иттифоқчии воқеӣ надорад. Боз чизе ба хотират наомад, хонанда? Оре, давлати Исроил ҳам маҳз чунин аст!

Акнун роҳу усули давлатсозии қавми яҳудро бояд омӯхт, ки чигуна тавонистанд, дар миёни ақвоми бегона ва ҳамхун (он ҷо ҳама арабу ин ҷо ҳама турктабор!) давлати қавӣ созанд? Онҳо такя ба дониш ва ҳаммиллатон карданд! Пас чаро мо такя ба ин 2 ҷанбаи ҳаётсоз накарда бошем?

Дар аввалҳои асри 20 муҳоҷирини яҳудро, дар Аврупо фашистон таҳқиру табъиз мекарданд ва дар кӯчаҳо бе ягон ҷазову бозпурсие мекуштанд, месӯзониданд, сарашонро мебурриданд. Еврей ҳатто ҳуқуқи сагу гурбаи хонагиро дар Германия надошт. Вазъияти шинос не? Ва ана ҳамин қатлу куштору таҳқиру дашноми миллат ин қавмро маҷбур кард, ки пас аз Ҷанги дуввуми ҷаҳонӣ аз маҳалгароиву ҷудоихоҳии мазҳабӣ, яке шаванд ва давлати абарқудрати худро созанд!

Маскавро кашф намекунам, агар гӯям, ки он чӣ дар Русия сари миллати шарифи Тоҷик меравад, дар Германия сари қавми яҳуд мерафт! Онҳо аз ин дарси ибрат гирифтанду иттифоқ бастанд, такя бар донишу маърифат заданд ва давлати худро мустаҳкам намуданд. Мо чӣ мекунем?

Агар ба маҳалгароӣ, низоъандозӣ, таборпарастӣ, ихтилоф ва ҷудоихоҳӣ ҳатто дар соате давом диҳем, ки «таджик» аллакай худ ҳақорат шудааст дар Русия ва ҳамсоякишварҳои мо, пас рӯ ба нестӣ мениҳем. Мо на беҳуда таклифи 1 сокини Бадахшонро, дар шумораи қаблӣ, нашр кардем, ки мехост дар паспорт миллаташро «помирӣ» нависад: бовар кун, хонанда, ин на танҳо иддаои 1 нафар аз Помир аст. Ҳадафи душманони мо дар Русия, Ӯзбаку Қирғизу Қазоқ…истон ҳам ин аст, ки тавассути таҳқири миллӣ Тоҷикро маҷбур кунанд, то аз ҳайсияташ ор кунаду поратар гардад ва ҳам мегардад. Вале агар аз методи яҳудӣ кор гирему иттифоқ бандем ва банди 13-и қонуни сионизмро кор фармуда, шарафу Ғурури Миллиро ҳифз ва барқарор кунем, он гоҳ чӣ мешавад? Суоли матраҳ аст, албатта…

PS: Сиони́зм (ивр. צִיּוֹנוּת, тсийону́т-аз номи кӯҳи Сино дар Иерусалим-Байтулмуқаддас)-ҳаракати сиёсӣ, ки ҳадафаш иттиҳод, эҳёи қавми яҳуд, бунёди давлати миллӣ ва ҳифзи шарафу ғурури ҳар яҳудӣ дар сартосари олам аст…

Масали Дер ояду Шеррр ояд, ба Аҳмадӣ Иброҳим дахл дорад. Ӯ дертарак ба журналистика омад, вале ин оламро шуре, таконе, таҳрике дод! Ба ҳар чизе даст зад, муваффак буд. Ёдам ҳаст, вақте ба ҷои Суҳробшои машҳур, Аҳмадро сармуҳаррири Оҷонсии Иттилоотии Хатлон-Пресс мондам, ҳама хайрон шуданд. Гуфтам, ҳоло мебинед, ки Ӯ чи шуре бар меоварад. Ва чунин ҳам шуд!...

Шери нар аст! Вақте хонаашро пок- покиза сел шуст, мерафтаму метарсидам, ки дар чашмонаш ашк мебинам (ман мардони гирёнчакро дуст надорам!). Вале Ахмаддд моро ба дастурхони пурнозу нузи мураттаб аз 2 пора нони хушк, вале хандаи "даҳон то бехи гуш" пешвоз гирифта гуфт: Биёед, мо-кулобиҳо мешканем, вале намерезем!".... Зиёд мехонад ва таҳлилҳояш низ ба умқи асрҳо мебаранд. Журналист аз ин муваффактар намешавад, ки аз корманди одди то сардабири яке аз газетахои фаъоли давр бирасад. Китобҳои таърихияш таккондиҳандаанд. Аз руи онҳо метавон кино сохт!!! 

Сахт миллист! То ҳадде, ки ҳатто манро ҳайрати мекунад. Русиро ба ҳадди Гоголу Пушкин медонад. Зиёдарави накардаам, ман руисро хуб медонам, вале Ӯ русии кадимаро медонад! Забонеро, ки кам урусе медонад. Вале дар ҳама семинархо мегуфту мегуяд, ки "ман намефаҳмам, шумо русзабонон дар бораи матбуоти тоҷики чаро шарм надошта, баҳс мекунед?! О, шумо-ку онро намехонед???".

Усулан грант намегирад аз хоричиҳо-зеро ба тоҷикони асил унҳо пул намедиҳанд! Вале ин ки Газетаи Пайкро ба дахсолаи 2-юм тавонист овардан ва он ҳам дар музофот...кофист, ки ба Аҳмад Хайкал гузорем. 

Неъ! Дар Кулоб не! Дар Душанбе!!! Зеро касе агар имруз арзанда аст, маҳз Ахмад аст!

Зодрузат муборак, дустам. Мо Метавонем!

Худоёрзода Худоёр Завқибек, Вазири нақлёти  Ҷумҳурии Тоҷикистон рӯзи 29.01.2020 зимни нишасти матбуотӣ ба журналистон иброз намуд, ки мусофирон бояд ақидаи ҳамлу нақлро фаҳманд.  Агар ронанда ҳуҷҷати ронандагӣ  надошта бошад, нақлиёти  вай ба талаботи имруза ҷавобгуй набошад,  савор нашавед ва ҳаёти худро дар хатар нагузоред! Зеро ҳастанд дар хатсайрҳо автобусҳое, ки  ба талаботи имруза ҷавобгӯ будаву тамоми шароитҳоро доранд. Марҳамат бе ягон мушкилот ба онҳо савор шавед.  Вале вазир нагуфт, ки чаро нақлиёти бе ҳуҷҷат, бе “шароити имрӯзаи муосир” ва бе иҷозат дар роҳу ҷодаҳо мегарданду мусофири бечора аз куҷо дарк мекунад, ки ин нақлиёт қонунист ё хайр? Ва назорат аз рӯи нақлиёт бар зиммаи кист?

Дар охир вазир иброз намуданд, ки аз  ҳамаи шумо-хабарнигорон, эҳтиромона хоҳиш  менамоям, ки дар назди истгоҳҳо агар шумо таксии 3333, 4444, олуча-такси ва дигар автомошинаҳои шахсиву давлатиро бинед, ки роҳҳоро бастаанд, акс гирифта, ба воситаи фейсбук ба сайти мо партоед. Мо ҳатман чораашро меандешем. Зеро ҳамин таксиҳо сабабгор мешаванд, ки хати  тралейбусҳо дар роҳҳо канда шавад, автобусҳо дер оянд,  мусофирон азоби рӯҳию маънавӣ кашанд. Истгоҳ макон ё худ гаражи  таксиҳо нест ва дар истгоҳ бояд фақат тролейбусҳо, автобусҳо истанд. Хадамоти нақлиёт бояд  инро назорат кунад.

Омиронаи Сайёф

 Мусофирон аз “Авесто Гурӯҳ” ва шӯъбаи нақлиёти МИҲД дар ш.Душанбе тақозо менамоянд, ки дар баробари истифодаи “City Card” истифодаи “Корти миллӣ”-ро, ки ба воситаи он маошу нафақаашон ҳар моҳ меояд, низ ҳангоми пардохти роҳкиро дар нақлиёти истифодаи умум роҳандозӣ намоянд. 

   Соли дуюм аст, ки пардохти роҳкиро дар нақлиёти ҷамъиятӣ, хосса автобусу троллейбусҳои пойтахт тавассути низоми электронии пардохт-“City Card» амалӣ шуда, масъули роҳандозии ин навгонӣ ширкати «Авесто Гуруҳ» мебошад. Бояд гуфт, ки истифодаи кортҳои роҳкиро-«сити корт» ҳанӯз ҳам масъалаи ҷиддӣ боқӣ мемонад, зеро аксарияти мардуме, ки аз шаҳру ноҳияҳои дурдаст ба пойтахт меоянд, бо шумули туристони хориҷӣ, бе корти нақлиёт ҳатман паси дари автобусу троллейбус мемонанд. Оддитар карда гӯем, истиқоматкунандагони на танҳо шаҳру ноҳияҳои дур аз пойтахт, балки худи Душанбе низ то ҳол ба пуррагӣ ин системаро аз худ накардаанд.

Корт нест-роҳ нест!

Холаи ман, Руқия Восиева, аз ш.Леваканд ба Душанбе омаду дар кӯча монд. Ҳам корти нақлиётӣ надошт ва ҳам намедонист онро чӣ гуна ва аз куҷо пайдо намуда, бо автобус то хонаи мо бирасад. Бо сабаби корти нақлиёти надоштанаш ӯро ба дохили автобус роҳ надоданд. Пири солхӯрда аз чунин тартиби нав огоҳ набуд, ба ронанда мегуфт, ки ман сокини Душанбе нестам, вале ронанда ӯро ба дохили салон роҳ надод. Кампир пиёда омада, ҷои тамошои пойтахти зебо, чанд рӯз дар бемористон хоб рафт.Чунин ҳолатҳо ҳамарӯза шояд даҳҳо маротиба рух диҳанд. Хуб, ба инаш чашм мепӯшем, аммо меҳмон ва сайёҳи аз хориҷи кишвар омада дар ин ҳолат чӣ бояд кунад? Оё шарт аст, ки ҳама ҳатман “City Card” дошта бошанд? Дар дигар кишварҳо аз ҳисоби корти бонкӣ ва миллӣ мардум метавонанд дар тарабхонаву қаҳвахонаҳо хӯрок хӯрда, дар марказҳои савдо харид кунанду ҳатто пули пардохти хизмати на танҳо нақлиёт, балки фаррошу ошпазро низ тавассути корти миллии худ ҳисоб кунанд. Дар мо чӣ? Корти бонкӣ ғайр аз бонкомат дигар дар ягон ҷо истифода бурда намешавад.

Пардохти роҳкиро бо “Корти миллӣ”. Чаро не?

 Мусофирон аз масъулони ширкати “Авесто Гурӯҳ” ва шӯъбаи нақлиёти МИҲД дар ш.Душанбе тақозо менамоянд, ки дар баробари истифодаи “City Card” истифодаи “Корти миллӣ”-ро, ки ба воситаи он маошу нафақаашон ҳар моҳ меояд, низ ҳангоми пардохти роҳкиро дар нақлиёти истифодаи умум роҳандозӣ намоянд. Агар ин пешниҳод қабул гардад, минбаъд нофаҳмӣ ҳангоми ворид шудан ба дохили автобусу троллейбус аз байн рафта, мардум бе ягон мушкилӣ нархи роҳкироро бо корти маошу нафақагирии хеш пардохт кардан мегиранд. Оё чунин амал имконнпазир аст? 

   Зафарҷон Бурҳонзода, директори иҷроияи ширкати “Авесто Гурӯҳ” дар сӯҳбат бо мухбири СССР иброз дошт, ки ширкати мазкур алакай вобаста ба ин пешниҳод бо “Амонатбонк” сӯҳбат намуда, роҳи ҳалли масъаларо меҷӯяд. Мавсуф мегӯяд, ки ин масъала ҳатман ҳал мешавад, танҳо ҳалли паҳлӯи молии он мондааст, зеро 1 корт чанд шлюз дорад ва ҳангоми пардохти пули роҳкиро дар вақти санҷидани баланси корт метавонад нофаҳмӣ ба миён ояд.

Дунё бо корту мо бо пул...

    Фаромуз Исоев, сокини пойтахт ва ҳамсӯҳбати дигари мо дар ин бора афзуд, ки кортҳои бонкии Тоҷикистон ғайр аз бонк дигар ба ягон ҷо лозим намеоянд. “Масалан, ман худам корти “unipay”, ки дар 145 давлат, инчунин дар кишвари мо низ фаъол аст, бо нархи 300 сомонӣ харидорӣ намудам. Ман ба тамоми бонкҳои худамон рафта, хостам пул хурд кунам, аз ҷумла,  бонкҳои “Эсхата”, “Спитамен бонк”, “Амонатбонк”, вале маблағи худро дастрас карда натавонистам. Хариду фурӯш дар кишвари мо тавассути кортҳо зиёд анҷом намешавад, ҳоло он, ки тамоми дунё аз пули нақд даст кашида, ба воситаи корт сарукор дорад. Дар бораи пардохти нақлиёт...умуман биёед ҳарф назанем, ки хандаовар аст...

Омирона Достиева, 

СССР

Дидори махфиёна

Дар авохири моҳи октябр ва аввали моҳи ноябри соли 1923 барои роҳбарияти ҳизби болшевикӣ маълум гардид, ки Владимир Ленин поярези инқилобӣ Октябрӣ нафасҳои охиринашро сипарӣ мекунад. Баъди дарёфти ин ҳақиқат миёни роҳбарияти ҳизби болшевикӣ бо ташабусси Иосиф Сталин дидори махфионае сурат гирифт. Дар ин дидор Калинин, Бухарин, Тротский, Каменев ва Риков ширкат варзиданд. Сталин ба ҳозирин иттилоъ дод, ки доҳӣ рӯзҳои вопасини ҳаёташро паси сар мекунад ва мумкин аст ҳар лаҳза дунёи фониро падрӯд гӯяд. Калинин низ дар ин дидор баромад кард ва гуфт, ки марги доҳӣ набояд барои ҳизб амри ғофилгирона бошаду бояд фикри дафни доҳиро кард.                                       

Маросими дафн, гуфт Калинин, бояд тавре амалӣ гардад, ки дунё назирашро надида бошад. Сталин аз Калинин ҷонибдорӣ кард ва иброз намуд, ки баъзе рафиқон аз музофот зиддӣ сӯзонидани ҷасади доҳӣ мебошанд ва мегӯянд, ки илми имрӯз қудрат дорад ба василаи мумиёӣ кардан тани мурдаро мӯҳлати зиёд нигаҳ дорад, то шуури меҳнаткашон ба ин фикр, ки Ленин дигар дар миёни мо нест, одат кунад.                                                                                                                 

 Аммо Тротский зидди ин пешниҳоди Сталин баромад. Ӯ иброз намуд: "Пештар турбати Сергей Радонежский ва Серафим Саровский вуҷуд доштанд, акнун турбати Владимир Илич. Ман бисёр мехостам бо ин рафиқон, ки ба гуфтаи Сталин пешниҳод мекунанд Ленинро мумиёӣ кунем, шинос шавам. Ман ба онҳо мегуфтам, ки онҳо бо марксизм ҳеҷ рабте надоранд”. Бухарин низ зидди ин пешниҳод баромад кард.