Саркардаи фирории ташкилоти террористии собиқ Ҳизби наҳзати ислом, ки чун гуреза дар мамолики аврупоӣ қарор дорад, зимни мулоқоту вохӯриҳояш бо аксар созмону муассисаҳои давлативу ғайридавлатии исломиву аврупоӣ барои ҳамкорӣ бо наҳзати ифротгаро ва шиносонидан ба ҷамъияти он кишварҳо гуфтугӯйҳо анҷом медиҳад. Вай дар суханрониҳо аз муваффақияту дастовард ва имкониятҳои наҳзат ёдоварӣ карда, дар баъзе ҳолат худро ҳомии асосии дини ислом ва ҳокими мутлақ ҳисобида, бори туҳмату буҳтонро бар сари давлату миллат ва бошандагони Тоҷикистон мерезад.

Ҳангоми мулоқот бо ашхоси гуногунсоҳа перомуни наҳзатиҳои фирорӣ, ки чун одати ҳамешагӣ баъди ба шӯр овардани ҷомеа роҳи гурезро пеш мегиранд (замони ҷанги шаҳрвандӣ низ ба Афғонистон фирор карда буданд), сухан мекунад ва бо лагандбардории хос аз аҷнабиён изҳори қаноатмандӣ менамояд, ки дар давраи барои наҳзатиҳои фирорӣ душвор ба онҳо кӯмак мерасонанд. Чунин сипосгузориҳо танҳо ба хотири дастгирии «дӯстонаш» аз ташкилоти террористии собиқ Ҳизби наҳзати ислом аст, чунки роҳбарону аъзои гурезаи ҳизби мазкур ҳоло дар Аврупо маскан гирифта, бо ҳар роҳу восита ба давлату миллати тоҷик бо чашми хашму хусумат менигаранд.

Чаро Аврупо фанатҳои исломии Тоҷикро парасторӣ дорад?

Қаноатмандии онҳо дар вохӯриҳояш танҳо ба хотири он аст, ки пайравони наҳзатро дар он кишварҳо ҷонибдорӣ мекунанд ва ҳарчи мехоҳанд, барои онҳо муҳайё месозанд. На ба хотири 1 нафар фарди тоҷик, ки дар хориҷ иқомат мекунад ё мушкиле дорад. Танҳо ба хотири наҳзати тундгаро. Зеро, ин ҷо зери коса нимкосае ҳаст ва ин нимкосаро аксар касон дарк кардаанд.

Мақсаду мароми наҳзатиҳо аз номи мардуми тоҷик баромад кардан набуда, танҳо аз номи ҳизби наҳзат аст. Ҳадафи асосии наҳзат ҳамин 1 то буд, яъне вохӯрию мулоқот бо созмону ҳаракатҳо ва ҳизбҳои ба худ монанди тундгаро. Ҳоло Кабирӣ худро ба ҳар дар мезанад, ки «ёридиҳандае» ё «хайрхоҳе» пайдо кунад. Инро ҳама медонанд ва дар хотир доранд, ки раҳбарони қаблии наҳзат низ бо ҳамин роҳ ба ҳукумат даст ёфта буданд. Ва бо кӯмаки хоҷагони хориҷӣ давлатро табоҳ намуданд.

Тоҷикистонро Афғонистони 2 карданиянд!!!

Воқеан ҳам, наҳзат 1 нерӯи иртиҷоиву ақибмонда аст ва агар ташкилоти террористӣ ва экстремистии собиқ Ҳизби наҳзати ислом нуфуз пайдо кунад, Тоҷикистонро ба Афғонистони дуввум мубаддал месозад. Ҳарчанд стратегияи асосии ҳизби наҳзатро ислоҳи ҷомеа номанд ҳам, аслан стратегияи ҳизби тундгарои наҳзати исломӣ ислоҳи ҷомеа набуда, балки исломикунонии ҷомеа аст. То имрӯз наҳзат дар ҷомеа ягон ислоҳоте нагузаронидааст, ки ҳамчун ислоҳгар шинохта шавад.

Аз ин рӯ, ҳадафи онҳо пайдо кардани хоҷа ва ҳамақида бо наҳзатиҳост, ғайр аз ин чизи дигаре нест. Ташкилоти террористӣ ва экстремистии собиқ Ҳизби наҳзати ислом замоне домони мамолики исломиро мегирифт, ҳоло бошад, думи кишварҳои аврупоиро доштааст.

Онҳо дар сиёсат барои худ исломро чуноне, ки мехоҳанд, тағйир медиҳанд ва инро падидаи нав дар ҳаёти наҳзатиҳо мешуморанд. Гоҳо исломи сиёсӣ мекунад, гоҳи дигар исломи фарҳангӣ, гоҳо исломи гуруҳиву гоҳи дигар исломи оилавӣ. Хусусияти хоси исломгароии сиёсии онҳо дар он зоҳир мегардад, ки муносибати мусулмон ба мушрикон ва ғайримусулмононро ба принсипи дохилиисломӣ табдил дода, аз ҷониби 1 мусулмон такфир хондани мусулмони дигарро раванди нав дар ҷомеа меҳисобанд. Ва ин ҳама аз ва дар Аврупо: пас суоле посух мехоҳад, ки Аврупо низ исломи такфирӣ шудааст  ва ё решаҳои тундгароии такфириро дар Бруссел бояд ҷуст?

Р. МАҶИДЗОДА, номзади илмҳои фалсафа, устоди ДМТ

Дӯстам ва дӯстони журналистам! Журналистика имрӯз дар дасти шумост. Як сутуни давлат шумоед, ки ин гуфтугӯ надорад. Касе шуморо кам мебинад, ҳамунест, ки дузд дар торикӣ, чизеро намебинад. Журналистика касби даркорӣ аст ва шумо даркорӣ ҳастед. 

Баротон як овардае менигорам, худатон бинед, ки рост аст ё дурӯғ. Агар ба касе орд даркор шуд, пеши осиёбон меравад? Мӯзааш дарид, пеши мӯзадӯз меравад? Нонаш набошад, пеши нонво меравад? 

Ба ҳамин гуна ҳар касеро информатсия даркор шуд, пеши шумо меояд. Шумо худро кам набинед, кам ҳам насозед. "Пешвои муъаззам"-ро ҳам шумо месозед ва "хоини миллат"-ро ҳам. Ҳич ошпаз на "пешво"-ю на "хоин" сохтан наметавонад. 

Боре дар як иди Қурбон ҳамроҳи Абдуқодир "идгардак" хонаи Сайёф рафтем. Боло шудем, ки як хона пур журналист нишастаанд. Болонишини хона як мулло (равонашон шод, ҷошон Биҳишт). Моро, ки мешинохтанд, паҳлуи худ хонданд. Ҳама хомӯш. Эшони равоншод суханро ба ман доданд. Гуфтам, ки "бимиред як хона интеллигенти дипломдор, ки болонишинатон муллои синфи 3-ро базӯр хонда бошад". Эшон хандиданд ва ману Абдуқодир "амри маъруф" мекардем. 

Камбуди имрӯзи шумо дар он аст, ки ҳар нокасу ночизро баробари худ мегиред. Ҳамун "кибр" и журналистиро гум кардаед. Осиёбону мӯзадӯзу нонво "кибр"-и худро дорад. Хоҳиш мекунам, бо беному гумномҳо баробар шуда, арзиши худро поён набаред.

Тоҷик будан кори ҳар буз нест!

Содаҳои мо бовар доранд, ки "ҷомеъа исломгаро шудаст". Чунин нест. "Исломгароҳо" на бӯе аз ислом бурдаанду на гарде бим аз Худо доранд. Инакҳо бандатарс ҳастанд. Аз тарсуйӣ, аз бандатарсӣ худро "уммат" вонамуд мекунанд. 

Ҳо! Инҳо гӯспандҳоеянд, ки ҳунари тоҷик будан надоранд. Аз тоҷик будан метарсанд. Аз худро тоҷик номидан метарсанд. Барои ҳамин худро ба анбӯҳи мусулмонони кавказу мардуми дигар мезананд, то ҷони ночизашон эмин монад. Масҷид мераванд, ки касе тоҷикашон нашуморад, озаримонанд бошанд. Аз тарси Худо масҷид намераванд инакҳо. Бинед, ки ҳамаи ин "уммат" аз Россия менависад. Дар Россия тоҷик будан кори ҳар буз нест. Мард бояд бошӣ, ки аз тоҷик буданат дар Россия болӣ. 

Ва ин чизи наве нест. Миллионҳо чунин гӯспандони мо паштую ҳиндую турку тозӣ шуданду гуму гумном, ба партовгоҳҳои бӯгин рафтанд, ки инҳош ҳам меравад. Инҳо кирои андеша надоранд. Дар Россия монанд, духтаронашон шӯи чукчию қалмиқу якут мегирад, Аврупо бошанд негр. Ягон миллати сиҳат духтарони инҳоро ба занӣ намегирад. Партов буданашонро мефаҳманд. Ҳамин гуна гум мешаванд. 

Инҳо аз Худо не, аз миллатгароҳои рус метарсанд. Ман аз Худо метарсам. Тоҷикам! Тоҷики мусалмонам! Аз тоҷик буданам меболам. Барои тоҷик будан ҳама корро мекунам. Ва инро миллатгароҳои рус хуб медонанду арҷ мегузоранд. Тоҷик будан кори ҳар буз нест. Ва тоҷик бояд донад, ки чаро ин бузакҳо худро "уммат" кардаанд.

Бомбаҳои мағзию ичтимоӣ

Ду-се моҳ аст, ки дар бораи куштору зӯроварию гумшавии духтарону бонувони ҷавон бештар сару садо шуда истодаст. Агар бозтоби сиёсӣ намедошт, мегуфтем, ки чунин корҳо дар ҳар давлат ҳаст. Хоҳиш мекунам, як эффекти пасманзари ин хабарҳоро омӯзед, мебарояд, ки ҳамаи онҳо гӯё қурбонии режиманд. На танҳо дар Тоҷикистони мо, дар ҳич куҷои ҷаҳон, ягон режим ин корро намекунад. Ниёз надорад. Терроризми имрӯзаро кам гирифтан даркор нест. Имрӯз танҳо бомбаю калашникуф нест дар дасти онҳо. Бомбаҳои мағзию иҷтимойӣ мӯд шудаанд. 

Гумонам ин кори густурдаи кадом гурӯҳ аст. Мо бояд нагузорем, ки бонуҳомон бозичаи хунини ҳич касе шаванд. Омӯхтан бад нест. Методҳошонро инҷо наменависам, лекин медонам. 

Ҳар тоҷик бояд посбони Тоҷикистон бошад!

Сафват Бурҳонов, ш.Одесса

Пас аз таъсиси дастаи ҳунарии фолклориву этнографии «Ганҷина»*, соли 1987, ансамбл барои муаррифӣ ва ғанӣ гардондани хазинаи филармония ба шаҳру навоҳии собиқ вилояти Кӯлоб ба сафари ҳунарӣ баромад. 

Шаҳраки Москва, ҳозира маркази ноҳияи Ҳамадонӣ. Дар саҳнаи мудаввари болокушода барномаи ҳунарии «Ганҷина» ҷараён дошт. Дар миёнаҳои барнома навбати бадеҳаи «Куҷо будӣ Секинак?» дар иҷрои ҳунармандон Тоҳир Тоҳиров (домоди Гадопанҷсади Кангуртӣ, арӯс набераи мӯйсафед – У. Ш.)  ва Зебо Ризоева фаро расид.

Қабл аз оғози ин ҳунарнамоӣ, дар фосила солисти даста Чилахон Холов дид, ки Тоҳир 6 номгӯй ҷиҳозе, ки дар суруд истифода мегардид: сурма, усма, тоқӣ, кафш, рӯймол ва куртаро бо тартиб гузошта, канор рафт.

Ҳуши ҳама ба саҳна буд. Чилахон зуд аз либосовезак поҷомаи занонаеро гирифта, хушрӯ ба ҷои курта таҳ карда монд.

Ровӣ эълон кард: бадеҳаи «Секинак», дар иҷрои… Ва суруд оғоз ёфт.

Зебо:

- Куҷо будӣ Секинак?

Тоҳир:

- Бозор будам ширинҷон.

Зебо:

- Чиҳо – чиҳо овардӣ?.. 

Тоҳир бо навбат ҷиҳози аз бозор харидаашро сурудхонон ба маъшуқааш нишон медод. Навбат ба курта расид. Тоҳири аз оламу одам бехабар бо завқ «курта» - ро аз бағал берун кашида, «…бозор будам ширинҷон… куртаи… овардам» суруда буд», ки Зебо қарақасти ханда бардоштаву шармида ба пушти саҳна гурехт.

Мухлисон чунон қарс заданд, ки мусиқӣ аз зарби доду ғирев тамоман шунида намешуд. Ҳамҳамаи кафкӯбӣ паст намешуд. Мардум ҳамоно механдиданду механдиданд. Тоҳир ҳайрон мобайни саҳна куҷо рафтанашро намедонист. Ҳич сарфаҳм намерафт, ки онҳо барои чӣ механданд. Ниҳоят, чашмаш ба «курта» - и дасташ расид, фаҳмид, ки чӣ гап шудааст. Ӯ низ ба ханда даромад ва почаи эзор дар даст хандазанон саҳнаро тарк гуфт…

Устод Зафар Нозим он шомгаҳӣ бо дӯсти деринаш Қурбон Зардаков дар шаҳри Кӯлоб дами беғам мезад. Ҳунармандон пас аз консерт ба қароргоҳи муваққатии хеш, ба шаҳри Кӯлоб баргаштанд. Маддоҳе қазияи онрӯзаро ба Зафар Нозим расонд. Устод ба таҳқиқ ва дарёфти «гунаҳкор» пардохт. Аммо бенатиҷа… 

Бо гузашти чанд рӯз, сари нишасти чортание Чилахон аз сарояндагони машҳур ва ҳаводорони воқеии ноҳияи «Московский» ёдовар гашт. Пас ба «гуноҳаш» иқрор ва ба таҳсини устод: «Ҳа, ҷонша Чилахон» мушарраф гардид. 

Умари ШЕРХОН

12.5.2020

_________________

*Таъсиси «Ганҷина» - соли 1986

Санаи 29-сентябри соли 2020 дар Душанбе ҷаласаи навбатии Комиссияи байниҳукуматии Тоҷикистон ва Ӯзбекистон оид ба рушд додани ҳамкориҳои тиҷоративу иқтисодӣ баргузор гардид.

Дар ҳошияи ҷаласаи мазкур дар бинои Раёсати БДА ҶТ "Амонатбонк" вохӯрии дуҷониба байни Раиси Раёсати БДА ҶТ "Амонатбонк" Икромӣ С.С. ва Раиси Бонки миллии фаъолияти иқтисоди хориҷии Ҷумҳурии Ӯзбекистон Мирсоатов А.К., баргузор гардид.

Дар рафти мулоқот як қатор масъалаҳои дуҷониба, аз ҷумла афзоиши гардиши савдои байни ду кишвар тавассути зиёд намудани ҳаҷми қарздиҳӣ ба соҳибкороне, ки ба воридоти молу маҳсулоти ниёзи мардум машғуланд, ҳамчунин масъалаҳои коҳиши эҳтимолии фоизи қарзҳои байнибонкӣ ва ғайра мавриди баррасии ҷонибҳо қарор дода шуд.

Дар баробари ин, бо мақсади ба роҳ мондани амалиётҳои банкнотӣ миёни бонкҳо Раиси Раёсати БДА ҶТ "Амонатбонк" ва Раиси Бонки миллии фаъолияти иқтисоди хориҷии Ҷумҳурии Ӯзбекистон дар фазои тантанавӣ Шартнома оид ба шартҳои умумии гузаронидани амалиёти банкнотӣ байни бонкҳоро ба имзо расониданд.

Дар маҷмӯъ, мулоқот дар рӯҳияи муносибатҳои неки ҳамсоягӣ сурат гирифта, ҷонибҳо барои ҳалли масъалаҳои марбут ба манфиатҳои тарафайн ва дар густариши фаъолияти соҳа, дастовардҳои навро таманно намуданд.

Вохӯрии кормандони «Амонатбонк» бо намояндаи Кумитаи иҷроияи ҲХДТ дар н.Исмоили Сомонӣ

Дар маҷлисгоҳи Раёсати БДА ҶТ “Амонатбонк” бо иштироки кормандони дастгоҳи марказӣ ва намояндаи Кумитаи иҷроияи Ҳизби Халқии Демократии Тоҷикистон дар н.Исмоили Сомонӣ ҷаласа баргузор шуд.

Дар оғоз Раиси Раёсат Сироҷиддин Икромӣ ҳозирин ва меҳмононро хайрамақдам гуфта ба иштирокчиёни ҷаласа иброз доштанд, ки ҲХДТ ташкилоти ҷамъиятии сиёсӣ буда, барои таҳкими давлати соҳибихтиёр, демократӣ, ҳуқуқбунёд, дунявӣ, иҷтимоӣ ва ягона, инчунин иқтисодиёти устувор, ки баҳри беҳбудии ҷомеа нигаронида шудааст, бо Роҳбарии Пешвои миллат муҳтарам Эмомалӣ Раҳмон фаъолият менамояд.

Баъдан, муовини Раиси Кумитаи иҷроияи ҲХДТ дар н.Исмоили Сомонӣ, Ҷумахон Ҷурахонзода, муовини Раиси Раёсат Фирдавс Ризвонзода, сардори Идораи бехатарӣ Искандар Сатторов, намояндагон аз Шӯроҳои ҷавонон ва занони Раёсати БДА ҶТ “Амонатбонк”, Беҳрӯз Сатторов ва Дилафрӯз Раҳматова бо шукргузорӣ аз соҳибистиқлолии давлатӣ суханронӣ карда, қайд намуданд, ки ҲХДТ дар фаъолияти худ зери Роҳбарии Пешвои миллат муҳтарам Эмомалӣ Раҳмон бо мақсади таъмини ҳуқуқу озодиҳои инсон ва шаҳрванд ба фазилатҳои баланди сиёсӣ, сифатҳои наҷиби ахлоқӣ ва маърифати пурсамари маънавии аъзояш такя намуда, кӯшишу ғайрат ва донишу идроки онҳоро барои мустаҳкам намудани истиқлолияти сиёсию иҷтимоӣ ва фарҳангии Ҷумҳурии Тоҷикистон сафарбар намудааст, ки ин ҳама аз сиёсати пешгирифтаи роҳбари Ҳизб, гувоҳӣ медиҳад.

Ҳамзамон, тибқи Нақша-чорабиниҳои КИ ҲХДТ дар чорабинии мазкур вобаста ба баргузории мулоқоту вохӯриҳо оид ба таблиғу ташвиқи Барномаи пешазинтихоботии номзад ба мансаби Президенти ҶТ аз ҲХДТ, шахсони боэътимод номзад ба мансаби Президентиро барои солҳои 2021-2027 дар чорабинии сиёсии дар пеш истода, ки санаи 11-октябр баргузор мегардад, зери унвони “ Мо ҷонибдори Пешвои миллат”, эътироф намуданд.

Бояд қайд намуд, ки шурӯъ аз соли 2004 дар Амонатбонк Ташкилоти ибтидоии ҳизби халқи демократии Тоҷикистон “АМОНАТ” фаъолият мекунад.

Дар охир, Раиси Раёсат Сироҷиддин Икромӣ шукргузорӣ аз Ваҳдат ва истиқлолияти давлатӣ намуда, ба як қатор кормандоне, ки тоза ба ҲХДТ шомил шуданд дафтарчаи ҳизбӣ супорида, ба аҳли ҷамъомадагон хонаи обод ва садоқат ба халқу миллатро таманно карданд.

Вохӯрии намояндагони Фонди хазинаҳои амонатгузорӣ оид ба ҳамкориҳои байналмилалӣ Олмон (Sparkassenstiftug) бо роҳбарияти БДА ҶТ «Амонатбонк»

 Дар бинои марказии Бонки давлатии амонатгузории Ҷумҳурии Тоҷикистон «Амонатбонк» мулоқоти дуҷонибаи Раиси Раёсат Сироҷиддин Икромӣ бо гурӯҳи кории Фонди хазинаҳои амонатгузорӣ оид ба ҳамкориҳои байналмилалӣ Олмон баргузор гардид.

Зимни мулоқот ҷонибҳо бо дарназардошти густариш ёфтани ҳамкориҳои Бонк бо Фонди мазкур масъалаи ҷорӣ намудани барномаи нав оид ба мусоидат намудан ба рушди деҳот ва таҳкими иқтидори корхонаҳои итеҳсолии хурду миёнаро мавриди муҳокима қарор доданд.

Дар вохӯрии мазкур иброз доштанд, ки аз ҷониби кормандон ва гурӯҳи корӣ дар якчоягӣ бо намояндагони фонди мазкур дар донишгоҳу донишкадаҳо, мактабҳо ва боғчаҳои кӯдаконаи қаламрави ҷумҳурӣ бо иштироки донишҷуён, толибилмон, кӯдакон ва мизоҷон маҳфил, машваратҳои таълимию тарбиявӣ гузаронида мешаванд, ки дар қавӣ гардонидани ҳамкориҳо бо аҳолӣ ва баланд бардоштани маърифати молиявии мардум саҳми босазо дорад.

Бояд қайд намуд, ки ҳадафи аслии барномаи мазкур, баланд бардоштани маърифати молиявии наврасон ҷавонон дар ҷомеа, ҷалби онҳо ба  пасандоз, мусоидат намудан ба рушди деҳот ва таҳкими иқтидори корхонаҳои итеҳсолии хурду миёна, инчунин боло бурдани эътимоднокии мардум ба соҳаи бонкӣ, зиёд намудани корхонаҳои истеҳсолӣ ва тавлиди маҳсулоти рақобатпазир дар дохили ҷумҳурӣ ба шумор меравад.

Қобили зикр аст, ки ҳамасола дар тамоми ҷаҳон “Рӯзи байналмилалии амонатҳо” таҷлил карда мешавад, Амонатбонк низ тасмим гирифтааст, ки маъракаро дар филиалҳои Бонк гузаронад.

Раиси Раёсати Бонки давлатии амонатгузории Ҷумҳурии Тоҷикистон «Амонатбонк» муҳтарам Сироҷиддин Икромӣ иқдоми гурӯҳи кории Фонди хазинаҳои амонатгузорӣ оид ба ҳамкориҳои байналмилалӣ Олмон (Sparkassenstiftug)-ро ҷонибдорӣ карда, қайд намуданд, ки «Амонатбонк» ҳамеша омодааст, ки бо дарназардошти ба инобат гирифтани манфиатҳои миллӣ ҳамкориро дар дилхоҳ самти ба иқтисодиёти кишвар манфиатовар, густариш диҳад.

Шуъбаи матбуоти БДА ҶТ «Амонатбонк»

Диловар Неъматзода, ҳунарманди Театри ҷавонони ба номи М.Воҳидов меҳмони идора шуда, ҳайати эҷодии газетаи мардумӣ ва кули ҳаводоронашро ба мавсими нави театрӣ ва тамошои спектакли «Зани оҳанин» даъват намуд.

   - Аз 3 октябри соли ҷорӣ мавсими нави театрӣ бо намоишномаи «Зани оҳанин» оғоз мегардад. Коргардони ин спектакл Арбоби шинохтаи кишвар Мирзоватан Миров буда, дар он актёрони шинохта нақш офаридаанд. Ба ғайр аз ин, боз якчанд намоишномаҳои навро низ ба саҳна гузоштаем. Нархи чипта он қадар гарон нест, аз 5 то 15 сомонӣ. Ба театр биёеду ғизои маънавӣ бигиред ва каме фориғ аз ташвиши зиндагӣ бошед, мардум!

15 октябри соли 1985, роҳбари нави Иттиҳоди Шӯравӣ Михаил Горбачев дар Пленуми навбатии КМ ҲКИШ нақшаи худро бобати роҳандозии ислоҳоти иқтисодӣ ва иҷтимоӣ дар СССР эълон намуд. Ин нақша "навоварии сотсиализм" ном гирифта, мебоист ин сохти иҷтимоиро бо демократия муттаҳид мекард.

“Сарвазири гирён”

Пленум нақшаи Горбачевро пазируфт ва самтҳои асосии рушди иҷтимои-иқтисодии СССР-ро барои солҳои 1986-1990 ва то соли 2000-ум тасдиқ кард. Ин самти иқтисодӣ баъдан, дар Анҷумани XXVII-уми ҲКИШ ба таври расмӣ "бозсозӣ" унвон карда шуд. Горбачев дар пленум баромад намуда гуфт, ки дар кишвар ислоҳоти амиқи иқтисодӣ ва иҷтимоӣ роҳандозӣ мегардад ва аз ҳозирон даъват намуд сифати нави ҷомеаи шӯравиро кор карда бароянд. Ин сифати навро бояд кадрҳои нав ҷустуҷӯ мекарданд ва дар ҳамин пленум, роҳбари пешинаи ҳукумати шӯравӣ Николай Тихонови фартут ба истеъфо фиристода шуда, ба ҷои ӯ Николай Рижкови ҷавон сари кор омад. Рижков баъдан дар таърих чун "Сарвазири гирён" маъруф гардид. 

Аксарият, ин иқдоми Горбачевро аввалин қадами ӯ дар роҳи пароканда кардани СССР медонанд ва муътақиданд, ки Михаил Сергеевич аз ҳамон оғоз мехост Иттиҳоди Шӯравиро аз харитаи сиёсии ҷаҳон барои ҳамеша поккорӣ кунад. Дар ин кор Горбачев ҳақиқатан муваффақ гардид ва ислоҳоти роҳандохтааш баъди 6 сол ба нокуҷообод расид. Расо 5 сол баъд,15 октябри соли 1990 ғарбиҳо Горбачевро бо ҷоизаи Нобели қадрдонӣ намуданд. Ин ҷоиза ба ӯ барои саҳмгузориаш ба раванди сулҳ дар муносибати СССР бо кишварҳои ғарбӣ супорида шуд. Аммо баъзеи дигар мегӯянд, ки Горбачевро барои ба иҷро расонидани нақшааш дар парокандасозии СССР бо ин ҷоиза қадрдонӣ намуданд.

Тафаккури нав

Қадами дуввум соли 1987 гузошта шуд. Моҳи январи соли 1987 Пленуми навбатии КМ ҲКИШ доир гашта, дар он мубориза бо бюрократия ва гузаштан ба арзишҳои демократии идоракунӣ, асоси фаъолияти ҳизбӣ эълон гардиданд.                                       Ин самти нави фаъолият “тафаккури нав” ном гирифт. Тезиси асосии ин тафаккурро пазируфтани якпорчагии дунё, алоқамандӣ ва вобастагии кишварҳо аз ҳамдигар ташкил медод. Тибқи ин “тафаккури нав” манофеъ ва арзишҳои умумиинсонӣ бар манофеъ ва арзишҳои синфӣ авлавият пайдо мекарданд. Муносибатҳои байнидавлатӣ низ тибқи ин тафаккур тағйири ҷиддӣ диданд. Ин “тафаккури нав” заминаи хуберо барои фаъолияти амалӣ эҷод мекард. Маҳз дар натиҷаи ҳамин тафаккур, баъди гуфтушунидҳои тӯлони бо Афғонистон 15 майи соли 1988 раванди баровардани Артиши шӯравӣ аз ин кишвар оғоз гардид ва моҳи феврали соли 1989 нерӯҳои шӯравӣ ба пурраги Афғонистонро тарк карданд. Воқеан ошкорбаёнӣ ва гуногунандешии эълонкардаи Горбачев дар ҷомеъаи  шӯравии он рӯз беназир буданд. Дар натиҷаи ин сиёсат, норозиён бо сохти шӯравӣ низ аз зиндонҳо ва бемористонҳои рӯҳӣ берун омаданд. Васоили ахбори омма низ “аз боло” соҳиби озодии танқид кардани роҳбариятро пайдо карданд. Гарчи ин озодӣ бисёр маҳдуд буд, аммо бо вуҷуди ин рӯзноманигорон акнун метавонистанд дар масоиле, ки то дирӯз ҳаққи ҳарф задан надоштанд, ибрози ақида намоянд. Рӯзнома ва маҷаллаҳои зиёди нав рӯи чоп омаданд. Аммо мавҷи ахбороти ҷадид, ки як тӯфонро мемонд, дар муддати кӯтоҳ зербинои тафаккури коммунистиро хароб кард. Албатта ташаббускорони бозсозӣ ин натиҷаро пешбинӣ накарда буданд.