Қарзи башардӯстона

Зи чашми хештан омухтам оини ҳамдардӣ,

Ки ҳар узве ба дард ояд, ба ҳолаш дида мегиряд.

Замоне бо амри тақдиру даъвати Ватан-СССР, теъдоде аз аскарбачаҳою афсарбачаҳои тоҷику тоҷикистонӣ, қарзи башардӯстонаи худро дар Афғонистони ба пойгоҳи тохтутози манфиатхоҳон қарордошта, бо сарбаландӣ адо карданд. Теъдоде аз онҳо аз тири нохалафону дасисаи бегонагон дар ин қаламрав ба шаҳодат расиданд, зумраи дигар 31 сол муқаддам - 15 феврали соли 1989, зимни хуруҷи неруҳои Шӯравӣ аз хоки Афғонистон, бо ҷароҳатҳои хунину тани  афгору беҳол ба Ватан баргаштанд, ки то ба имрӯз дарду доғи он ҷанги хонумонсӯз дар қалбу ҷигар  доранд...  Санаи хуруҷи неруҳои собиқ Шӯравӣ аз хоки Афғонистон, ҳамчун санаи таърихӣ ҳамасола дар қаламрави собиқ кишварҳои Иттиҳоди Шӯравӣ, бахусус Тоҷикистон низ пуршукуҳ таҷлил мегардад. 

“Аскарбачаҳои ҷанги Афғон”

Дар ҷамъомади тантанавӣ бахшида ба ин санаи муҳим, ки дар қароргоҳи Ташкилоти ҷамъиятии “Маъюбони ҷанг дар Афғонистон” дар шаҳри Душанбе бо иштироки маъюбони ҷанги Афғонистону меҳмонон доир гардид,  баромадкунандагон аз он рӯзҳои сахту мушкил ва ҷонфидоиву ҷоннисории “Аскарбачаҳои ҷанги Афғон” (ибораи Бозор Собир) ёд оварда, аз парокандагиву нотифоқии имрӯзаи собиқ ҷанговарони интернатсионалист изҳори нороҳатию нигаронӣ мекарданд. 

Раиси Ташкилоти ҷамъиятии “Маъюбони ҷанг дар Афғонистон”, полковники мустаъфӣ Ҳикматулло Мирзоев, аз саҳму нақши Ташкилоти мазкур дар беҳбуд бахшидан ба вазъи иҷтимоии собиқадорони ҷанг бо ифтихор сухан ронда, аз он изҳори таассуф кард, ки имрӯз ветеранҳои ҷанги Афғонистон ба ҷамъияту гуруҳҳо ҷудо гардида, чунин омил миёни онҳо нотифоқию парокандагӣ эҷод кардааст.

12.02.1921. Артиши Сурх дар рафти ҷанги гражданӣ, вориди Гурҷистон гардид. Баъди чанде меншевикон торумор гашта, дар Гурҷистон ҳукумати болшевикӣ таъсис дода шуд.

12.02.1940. Мақомоти шӯравӣ дар манотиқи ишғолии Полша муваззаф гардиданд, яҳудиёни немисро ба манотиқи таҳти контроли немисҳо депорт кунанд.

12.02.1941. Тибқи амалигардонии нақшаи амалиёти "Барбароса", интиқоли оммавии нерӯҳои Артиши Рейхи саввум ба сарҳади СССР шурӯ карда шуд.

12.02.1945. Роҳбарони муҳоҷирати сафед, ки бештарашон афсарони собиқи Артиши сафед буданд, дар Порис аз пирӯзии Артиши Сурх дар ҷанги ҷаҳонӣ истиқбол карданд.

12.02.1955. Дар СССР қарори Шӯрои Вазирон бобати таъсиси майдони озмоишӣ (полигон) барои озмоиши мушакҳои баллистикии байниқитъавӣ ва партоби радифҳои маснуъии Замин ба тасвиб расид. Дар натиҷа сохтмони майдони озмоишии илмӣ-таҳқиқотии №5-и Вазорати Дифои СССР (НИИП-5) шурӯ шуд, ки имрӯз бо номи космадроми Байканур маъруф аст.

 12.02.1990. Рӯзи ёдбуди қурбониёни воқеъаҳои баҳманмоҳ дар Тоҷикистон. 

13.02.1918 Дар РСФСР бо қарори Шӯрои Комиссарони Халқӣ (ШКХ) биржаҳои меҳнатӣ таъсис дода шуданд. Ин биржаҳо ташкилотҳои давлатӣ ба шумор рафта, дар бозори меҳнат амалиёти миёнаравӣ анҷом медоданд. Биржаҳо то авохири соли 1930, то замони маҳви бекорӣ дар СССР фаъолият карданд. 

13.02.1918. Артиши Сурх шӯриши зидишӯравии Корпуси полякиро дар Беларусия саркӯб кард. Ин корпус 25 ҳазор сарбоз дошт ва дар шаҳрҳои Рогачев, Жлобин ва Бобруйск мустақар гардида буд. Ба корпус генерали кордидаи поляк  Довбор-Муснитский фармондеҳӣ мекард.

13.02.1921. Дар Маскав роҳбари анархистони рус, олими шинохта, княз Куропаткин вафот кард. Дар рӯзи ба хоксупории княз, болшевикон тамоми анархистони русро, ки дар зиндонҳо қарор доштанд ба шарти бозгашти дубора ба зиндон озод карданд. Маросими дафни княз дар қабристони Новодевичии Маскав баргузор гардида, ҳамаи анархистони озодшуда, баъди анҷоми маросим ду бора ба зиндон баргаштанд.

13.02.1956. Пленуми КМ ҲКИШ қарор дод дар рафти Анҷумани ХХ-уми ҲК, ки фардои он рӯз ба кораш шурӯ мекард, нишасти пӯшидае баргузор намояд ва дар он ба Хрушев дастур дода шавад бо маърӯзаи

Ҷиҳати иҷрои Фармони Президенти Ҷумҳурии Тоҷикистон «Дар бораи вокуниши шахсони мансабдор ба маводҳои танқидӣ ва таҳлилии  воситаҳои ахбори омма» аз 07 феврали соли 2009, № 622 муроҷиати шаҳрванд Раҳматуллозода Абдураҳмон Ҳабибулло бо номи «Дар орзуи дидори падарем!», ки дар ҳафтаномаи «СССР» аз 5 декабри соли 2019, № 49 (586) нашр гардидааст, якҷоя бо маводи  парвандаи ҷиноятӣ мавриди омӯзиш қарор дода шуд. Муайян гардид, ки бо ҳукми коллегияи судӣ оид ба парвандаҳои ҷиноятии Суди Олӣ  аз 24.02.2003 Раҳматуллоев Ҳабибулло Сафарович бо моддаҳои 249 қисми 4 бандҳои «б,в», 110 қисми 3 банди «а», 181 қисми 3 банди «а» ва 186 қисми 2 Кодекси ҷиноятӣ гунаҳгор  дониста, ба ӯ ҷазо дар намуди маҳрум  сохтан аз озодӣ ба муҳлати 28 сол бо мусодираи молу мулк, бо адо кардани ҷазо дар колонияи ислоҳии дорои низоми сахт таъин карда шудааст. Писари маҳкумшуда Раҳматуллоев Ҳ.С. Раҳматуллозода А.Ҳ. тариқи ҳафтаномаи «СССР» муроҷиат намуда, хоҳиш кардааст, ки нисбати падараш Раҳматуллоев Ҳ.С. Қонун «Дар бораи авф» татбиқ карда шавад. Мутобиқи моддаи 11 Қонуни Ҷумҳурии Тоҷикистон «Дар бораи авф» аз 25 октябри соли 2019, №1648 иҷрои қонуни мазкур нисбати маҳкумшудагоне, ки ҳукми суд нисбати онҳо эътибори қонунӣ пайдо кардааст ва дар ҷойҳои маҳрумӣ аз озодӣ қарор доранд ба зиммаи муассисаҳои тобеи Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон вогузор карда шудааст. Аз ин лиҳоз, аз ҷониби мақомоти судӣ нисбати Раҳматуллоев Ҳабибулло Сафарович татбиқи Қонун «Дар бораи авф» ғайриимкон мебошад.

Ш. Лутфуллозода, муовини якуми раиси Суди Олии ҶТ

Ғуломали Асоев муаллиф ва хонандаи доимии газетаи СССР занг зада оиди кумаки вазир сипоси худро иброз дошт. Чанде пеш матлаби навиштаи ман таҳти унвони “Вазир ба ман кӯмак мекарда бошад?” чоп шуд. Ростӣ ман ҳеҷ бовар надоштам ва дар гӯшаи хаёлам ҳам набуд, ки вазир навиштаи маро мехонад. 2 рӯз пас аз чоп шудани он мавод ба ман аз вазорати тандурустӣ ва ҳифзи ичтимоии аҳолӣ занг зада гуфтанд, ки ба беморхонаи марказии н. Файзобод супориш додаанд, то Шуморо ба ш. Душанбе оранд. Субҳ, вақте намояндаи беморхона маро аз хона гирифт, боварӣ ҳосил намудам, ки ин бозӣ набудааст. Бо супориши вазири тандрустӣ  ва ҳифзи иҷтимоии аҳолӣ муҳтарам Насим Олимзода дар беморхонаи клиникии шаҳрии бемориҳои сироятии маҳалаи Зарафшон табобат гирифта истодаам. Вазири муҳтарам Насим Олимзода ҷавонмарди ҳақиқӣ будааст.  

Мо фахр мекунем, ки чунин ҷавонмардон, чунин одамони нек ҳастанд. Фикр мекунам, ки дигар инҷо муҳим сиҳат шудан ё нашудани ман нест. Муҳим он аст, ки вазир дарди 1 беморро шунида, кӯмак кард. Ман аз вазири тандурустӣ ва ҳифзи иҷтимоӣ муҳтарам Насим Олимзода  умре минатдорам. Мехоҳам, ки ҳамеша сарбаланду комёб бошанд. Тамоми хушиҳои зиндагиро барояшон таманно менамоям. 

 Бозорбой Пӯлодов, хонанда ва муаллифи доимии газета аз н.Данғара занг зада, гуфт, дар ноҳияе, ки 2  муассисаи олии таълимӣ ва 2 коллеҷу 1 литсейи касбӣ дорад, амал кардани дискоклубҳои шабона ба манфиати кор нест. Ба ҷои ин дискоклубҳо китобхонаҳои замонавӣ, ҷойҳои фароғатию фарҳангии ҷавонон ва дигар ҷойҳои ҷамъиятии ҷалби ҷавонон фаъол мебуданд, ба манфиати кор мешуд. 

Дар маркази ноҳия 1 ҳаммоми ҷамъиятӣ мавҷуд нест, ки ҷавонони дар хобгоҳҳо ва иҷоранишинҳо ақаллан дар ҳафта 1 маротиба сару танаашонро шӯянд. Меҳмонхона, ҳаммом гуфта, бо тантанае мекушоянду онро ба дискоклубҳои шабона табдил медиҳанд. Аксарияти мизоҷони онҳо пулчинаку духтарони бероҳаанд. Ман худам шоҳиди чӣ гуна духтарон аз дискоклубҳо баромада, ба хонаҳояшон мерафтанд, шудам. Аксари соҳибони чунин дискоклубҳо одамони баобрӯ ва коркунони давлатӣ мебошанд, ки ба шаъни онҳо ба фикрам айб аст бо чунин усул пул кор кардан.