Ҳоло Хитой бо 1 мараз ҳаммаъно шудааст-коронавирус! Вале дар асл, Чин 1 давлати бузургест, ки дар баробари саноату истеҳсолот дар он соҳаи сайёҳӣ рушд кардааст. Зеро чиноиҳо метавонанд, таърихи худро созанд, зеб диҳанд, оро намоянд ва чун арӯси нозанин пешкаши туристон созанд. Коре, ки дар Тоҷикистони мо тақрибан нест. Ин матлабро ҳатман хонед. Мо Метавонем!

Чин сарзаминест, ки то ба имрӯз барои мардуми тамоми сайёра ҳамчун як муаммои нокушуда боқӣ мондааст. Сарзамини сарсабзу хуррам, таърихи куҳан, расму оинҳои мухталиф.

Чун ҳар як нафари дар замони Шӯравӣ камол ёфтаву тарбият дида ба ин сарзамин ояд  пеши назараш  ҳамон сохтору низому рафтору амали  он рӯзҳои Иттиҳоди Шӯравӣ ба ҷилва меояд. Ва барояш  чунин менамояд, ки ба ин кишвар ошност. Нахуст чизе, ба назаратон бархурд мекунад ҳамон навбатҳои бонизомона дар назди хазинаҳои чиптафурӯшӣ, дар истгоҳҳо барои саворшавӣ ба таксиҳо, муомилаи мардум, саривақт омадани нақлиёт дар ҷои таъиншуда ва ҳатто чун бо нафаре шинос шудед (мардҳо дар назар аст) ӯ ҳатман бароятон бо эҳтироми хоса сигор пешкаш менамояд. Ва ё чун ба меҳмонияшон равед агар онҳо дар биноҳои баландошёна бошанд, мисли ҳамон русҳое, ки дар Душанбе буданд ва умуман дар Иттиҳоди Шӯравӣ, бо садои баланд ҳамасарашон ва ё хонабудагиҳояшонро садо мекунанд, ки ман бо ҳамроҳии меҳмон омадам. Мардуми солхӯрда бо Шумо басо меҳрубонона ва самимӣ рафтор мекунанд.

Низом дар мактаб, дар ошхонаҳои соҳавӣ, рафтори фаррошон, мошинҳои обпошии кӯчаҳо, қуттиҳои ахлотпароӣ ва ҳоҷатхонаҳои сарироҳӣ ҳамон сохтори шӯравиро пешӣ назар меоранд. Дар шаҳракҳои алоҳида биноҳои сохташудаи замони шӯравиро мебинед. 

Досу Болға-Давлати коргару деҳқон

Дар овезаҳои шаҳру музофот ҳамон рамзи синфи коргару деҳқон “Досу болға” ҷилвагар аст. Мусаллам аст, ки ҳизби ҳукмрони ин кишвар Ҳизби коммунистист ва ба ин хотир метавонад ҳамон сохтори Шӯравӣ, ки ҳукмронияш дар дасти Ҳизби коммунистӣ буд дар ин ҷо мақом дошта бошад. Вале фарқият дар он дида мешавад, ки дар ин ҷо ҳизби ҳукмрон қотеъона пайи ободиву осудагии мардум саъй дорад. Ҳизб дар тамоми муассисаҳо аъзои худро дорад ва чун замони шӯравӣ ному насаб ва акси нафарони пешқадами кору истеҳсолот дар тахтаи фахрӣ ҷой дода шудааст. 

Маркази олам

Шаҳри Ханчжун маркази провинсияи Шэнсии Чин мебошад. Маънои номи Ханчжун “маркази ҷоришавии дарёи Ханшуй” мебошад, ки  соли 312 то милод  ҳангоме, шоҳигарии Цин дар натиҷаи зарбаҳои мусаллаҳона аз шоҳигарии Чу маркази ҷоришавии дарёи Ханшуйро забт кард, дар ин ҷойҳо минтақаи Ханжунро  бунёд намуд. Садсолаҳо пеш, Ханжун маркази дунё ба ҳисоб мерафт. Ҳангоме, ки аз кӯчабоғу гулгашту хиёбонҳои ороставу перостаи ин шаҳр қадам мезадам, дарёфтам, ки ин шаҳр ҳамеша дар оғӯши сабзоини табиат ҷой дорад. Ҳар чанде Фасли Дай асту нимаи моҳи январ дар ягон шохаи дарахту буттаҳои ороишии ин шаҳри сабзоғӯш хазонеро надидам. Гӯиё ранги зард дар ин зебошаҳр бегона буда бошад.  Маҳз аз ҳамин шаҳри зебову сабзпӯш Шоҳроҳи Абрешим оғоз гирифта.  Нахустин дипломати шинохта  Ҷан Сян якуним ҳазор сол пеш ҳангоми сайёҳаташ ба Осиёи Марказӣ сабабгори аслии ифтитоҳи шоҳроҳи абешим гардидааст. Гарчанде дар ин бора назарияҳои мухталиф ҷо доранд. 

Асосгузори Роҳи Абрешим

Мавзолейи дипломат Ҷан Сян  ки дар як боғи прушукуҳ ҷойгир шудаасту бо бозёфтҳои бостонӣ осорхонаҳояшро зеб медиҳанд  адешаҳоро метавонад тағйир диҳанд.  Ҷан Сян  нахустин дипломатест, ки бори аввал ба Осиёи Марказӣ  ба Суғд ва Бохтар (дар ҳудуди Узбекистон, Тоҷикистон, ва Афғонистони имрӯза) сафари бобароре анҷом дода, бо дастовардҳои наҷиб ба диёраш баргашт. Дар бозгашт ба Чин  соли 126 то милод вай барои император аз он чи дидаву омӯхта буд, оид ба манфиатнокии тиҷорат байни Чин ва кишварҳои Осиёи Марказӣ гузориш омода намуд. Ва маҳз ҳамон гузоришу диди дипломат сабаб гардид, ки Шоҳроҳи абрешим шуҳрат ёбаду императорҳо тиҷорати созандаро тарҳрезӣ намоянд. Мутобиқи далелҳо  3 ҳазор сол то милод  “Шоҳроҳи Лазурит” амал мекард, ки сангҳои қиматбаҳои лазурит  аз пешкуҳҳои Помир  аз вилояти Бадахшон ба ҷойҳои басо дур аз Ғарб ба Ҷануб  то кишварҳои Ур, Лагаш, Ҳинд, Чин оварда мешуд. 

Турист мехоҳед? Аз Чин ибрат гиред!

Дарвоқеъ, моро пеш аз ҳама зарур аст, ки дар масири таърих ҳадду канори хешро омӯзему донем, мисли хитойиҳо. Мо худро миллати бостониву соҳибтамаддун медонем, пас чаро дар бораи эҳёи суннатҳои аҷдодӣ ҷиддан накӯшем. Магар мо наметавонем, ёдгориҳои шаҳри Ҳулбук, Қалъаи Ҳисор ва мактабу корвонсаройҳои бостонии онро,  гармчашмаи Помир, Чилучорчашма, Саразми бостонӣ, Муғтеппа, Кӯҳи муғ, Қалъаи Темурмаликро зинда гардонем?  Масалан, метавон ин қалъаро бо як мавзолейи басо бошкуҳ, ки боиси ифтихори миллӣ ва зиёратгоҳи сайёҳон бошад, табдил дод. Бо офаридани пейзажҳои рамзии Темурмалик. Киштиҳои ҷангияш, тиру туфанг ва майдонҳои ҷангӣ. Дар дохили ин боғи бошукуҳ, ки он ҷо мавзолей ва оромгоҳи фарзанду хонадони Темурмалик бошад, ҳамзамон осорхонаи хубу ҷолиберо метавон офарид, ки бозгӯи фарҳангу маданияти миллии мо бошад. Ё чаро мисли ҳамин корнамоии Спитамен, Восеъ, Наниманча, Деваштичу дигаронро наметавонем торих сохт? Чаро дигар миллатҳои дунё бо қаҳрамононашон менозанду мо не?!  Барои он ки сайёҳро мутаваҷҷеҳи кишварат созӣ, бояд пеш аз ҳама барояш он чизеро бисозӣ, ки барои ӯ хушоянд бошаду боиси тамошо. Пас аз ин сафарам дарёфтам, ки чаро муҳтарам президенти кишвар Эмомалӣ Раҳмон пайи ободонии боғот кӯшидаву гӯшаву канори шаҳрҳоро гулистон намуда. Ин ҳам фарҳанг аст. Фарҳанги зебоиву фаросати воло!

Дар муддате, ки соли сайёҳӣ ва ҳунарҳои мардумӣ эълон  шудааст мо тавониста бошем баъзе ҷойҳои бостонии худро ҷойи тамошобобу сайёҳӣ намоем. Барои ин пешниҳоде доштам, ки Кумитаи сайёҳии назди Ҳукумати Тоҷикистонро зарур аст, ки таҷрибаи бародарони чиниро омӯхта, кадрҳои хуби соҳавӣ тарбия намуда, ҳамкориҳоро дар соҳаи рушди сайёҳӣ бо чиниҳо устувору ҷоннок гардонида, баҳри ободонӣ ва ҷалби сармоя ба соҳаи сайёҳӣ кӯшад. 

Мухтор Боқизода, 

рузноманигор, шаҳри Ханжуни Чин

Хонанда, дӯст ва мухлиси доимии рӯзнома Таманно Камолзода меҳмони газетаи СССР шуда, бо алам  гуфт, ки имрӯз мардум аз фаъолияти фурӯшандагони дорухонаҳо рӯзгори сахте доранд:  -Ошкор мегуям, ба кулли он савдогароне, ки худро ҳамчун миллати мусалмон эътироф кардаед, шарм ба шумо! То ин ҳад беимон будани бархе аз савдогарони мусалмонро дар ягон минтақаи руйи олам надида будам. Шумо савдогарон, ки худро мусалмон шуморидаву нархномаҳои ниқобҳои тиббиро аз 2, 3, 5, 17, 15, 24 то 25 сомонӣ  ба фуруш гузоштаед, шарм намедоред магар? То ин ҳад беинсофӣ нисбат ба ҳаммиллати хеш гуноҳи кабира нест магар? Ба фикрам вақти он шуда, ки Хадамоти марбутаи Вазорати тандурустӣ ва ҳатто Кумитаи амнияти миллӣ пеши роҳи чунин доруфурӯшонро гиранд. Вагарна фардо дер хоҳад шуд!

Ба зодрӯзи Владимир Илич Ленин саду панҷоҳ сол пур шуд. Ин санаро ҷашн ҳисоб мекунам ва ҳамаи ҳамақидаҳоямро ба ин муносибат табрик менамоям. Зеро ман аз эътиқодмандони ақидаи Ленин мебошам. Гумон мекунам,ки агар андешаи сиёсии ӯ дар соли 1917 пирӯз намешуд,имрӯз аҳволи халқи тоҷики мамлакати мо, яъне миллати давлатдори Тоҷикистони соҳибистиқлол аз сарнавишти тоҷикони Афғонистон,курдҳои Эрон,Ироқ,Туркия ва Сурия,арабҳои Фаластин беҳтар намебуд. Чунки зимомдорони давлатҳои Туркистону Бухоро мутлақо ба тоҷикон истиқлолияти сиёсӣ ва миллиро қоил набуданду намешуданд. Давлати шӯравӣ тоҷиконро беватан накард, балки аз панҷаи ситами дигарон, ақалан як лахти замини аҷдодии моро зӯран гирифта, давлате бароямон сохт. Ба ҳаминаш ҳам раҳмат, зеро дар ҳазор соли то он ҳеҷ кас, ин корро барои мо накард ва ниёгони савлатдори мо аз ӯҳдаи ин кор набаромаданд.

Қадри ин ҳиммату талошро эҷодкорони ҳамон замони мо донистанд. Устод Садриддин Айнӣ дар навиштаҳои зиёдаш таъкид намуд ки ҳукумати шӯравӣ ҳар он чизеро, ки барои зиндагӣ ва рушди як халқ, як миллат зарур аст, ба мо дод. Шоири халқ Саидалӣ Вализода боифтихор суруд, ки:

Ленин ба мо дилдор шуд

Бар камбағалҳо ёр шуд.

Золим ҳама ҷо хор шуд,

Ленин бародар раҳнамо.

Воқеан Ленин роҳбари давлат буд, аммо ба халқ бародарвор муносибат мекард. Ин хислаташро адиби бузурги шӯравӣ А.М.Горкий нозукона зикр намудааст:”Халқ Плехановро барин (хуҷаин,соҳиб), Ленинро бародар мегуфт”.

Ман,ҳамчун муҳаққиқ ба ҳуҷҷатҳо, мактубҳо, декретҳову резолютсияҳои имзокардаи Ленин бисёр корафтода шудаам.Аз ҷумла, аз онҳо дарёфтам, ки ӯ ба сарнавишти мардуми мусулмони Осиёи Миёна, аз ҷумла тоҷикон таваҷҷӯҳи зиёд дошт. Ба коммунистони рус, ки дар ин минтақа кор мекарданд, гаштаю баргашта таъкид дошт, ки ба мардуми маҳаллӣ сахт нарасанд, маданият ва эътиқодашонро эҳтиром намоянд, аз сарнавишти онҳо бепарво ва беаҳамият набошанд, ба онҳо дасти мадад диҳанд. Ленин мегуфт:

Ҳафтаи байналмилалии Global Money Week-2020 моҳи саводнокии молиявиро масъулини БДА ҶТ Амонатбонк дар як қатор филиалҳои Бонк баргузор намуданд.

“Омӯзед! Захира кунед! Пул кор кунед!” -шиори расмии Global Money Week-2020. Таҳти ин шиор гуруҳи кории Бонк чорабинии худро дар филиали №61-и «Амонатбонк» дар ноҳияи Фархор дар ҳамкорӣ бо Фонди хазинаи байналмилалии Олмон оғоз намуданд.

Дар оғози чорабини муовини Раиси Раёсат Шаҳло Сайфзода ҳамаи иштирокчиёни чорабинии мазкурро бо имкониятҳои муосири имрӯзаи «Амонатбонк» ошно карда таъкид намуданд, ки ҳадафи асосӣ чорабинии мазкур баланд бардоштани саводнокии молиявии аҳолӣ, рӯҳбаланд кардани кӯдакон ва ҷавонон барои нигоҳубини пул ва дар ниҳоди онҳо сайқал додани малакаи соҳибкорӣ мебошад, зеро дар шароити кунунӣ ҷалби кӯдакон ва ҷавонон ба бахши молиявӣ аҳамияти махсус дорад.

Дар филиали №61-и «Амонатбонк» дар ноҳияи Фархор семинари машваратӣ дар мавзӯи “Такмили маърифати молиявии аҳолӣ” гузаронида шуд. Дар рафти семинар ба иштирокдорон корманди Фонди хазинаҳои амонатгузорӣ оид ба ҳамкориҳои байналмилалии Олмон дар мавзуҳои нақши пул, қоидаҳои идоракунии пул, банақшагирии молиявӣ ва буҷети оила, таваррум ва таъсири он ба имкониятҳои иқтисодии давлат ва субектҳои хоҷагидор, нақши бонкҳо дар рушди иқтисодиёт дарси омӯзишӣ гузаронид.

Маъракаи Global Money Week-2020 дар филиалҳои Бонк ва марказҳои хизматрасонӣ идома дошта, давоми як моҳ оид ба саводнокии молиявӣ барои хонандагон ва донишҷӯён семинару тренинг аз ҷониби мутахассисони “Амонатбонк” гузаронида мешавад. Чун анъана иштирокчиёни фаъол дар охир бо туҳфахои хотиравӣ сарфароз гардиданд.

Оғози курсҳои бозомӯзии кормандон дар БДА ҶТ "Амонатбонк"

Бо мақсади баланд бардоштани савияи дониш, малака, касбияти кормандони Бонк, бо дастур ва супориши  Раиси Раёсати Бонки давлатии амонатгузории Ҷумхурии Тоҷикистон «Амонатбонк» Сироҷиддин Икромӣ Идораи методология ва бозомӯзии кормандон таъсис дода шуд. Бояд қайд кард, ки дар бинои нави Бонк барои омӯзиш ва такмили ихтисос ҳамаи шароитҳо фароҳам оварда шуда, толорҳои омӯзишӣ, утоқи тарҷумаи синхронӣ, бо технологияҳои муосири иттилотиву дафтардорӣ муҷҷаҳаз гардонида шудааст.

Маврид ба зикр аст, ки аз ҷониби Идораи методология ва бозомӯзии кормандон, барои кормандони филиалҳои БДА ҶТ «Амонатбонк», дар шаҳри Душанбе ва ноҳияҳои тобеи марказ, давоми 5-рӯз тренинги омӯзишӣ дар мавзӯи «Таҳлил ва пешниҳоди қарзҳои хурд» гузаронида шуд. Дар тренинги мазкур тамоми ҷабҳаҳои таҳлили молиявӣ, аз ҷумла ҷалби мизоҷон ва пешниҳоди қарз, таҳияи ҳисоботҳои молиявӣ, хавфҳои қарзӣ ва пешгирии он, гарав ва баҳодиҳии амволи гарав, мониторинг, истифодаи мақсадноки қарз ва ғайра фаро гирифта шуд. 

Ба иштирокчиёни тренинг аз ҷониби мутахассисони Раёсати Бонк, аз ҷумла Сардори идораи методология ва бозомӯзии кормандон Умарзода З, кормандони Идораи мазкур Буриев У.Н, Зокирова С, мушовири Раиси Раёсат оид ба масъалаҳои ҳуқуқӣ-Икромов З. ва сардори Идораи қарздиҳии Департаменти қарздиҳӣ, Фаррухзода С, дарсҳо гузаронида шуданд.

Дар хотима тренинг тавассути саволу ҷавоб ҷамъбаст гардида, ҳаллу фасли мушкилотҳо, пешниҳоду таклифҳои филиалҳо мавриди муҳокима қарор дода  шуданд. Идораи методология ва бозомӯзии кормандон, минбаъд низ тасмим гирифтааст, ки дар тамоми филиалҳои Бонк, оид ба мавзуъҳои самти афзалиятноки фаъолияти бонкӣ, инчунин масъалаҳои рӯзмарраи ҷомеа, тренингу семинарҳои омӯзишӣ, конфронсу мизҳои мудаввар ташкил намояд.

Кортҳои пардохтии «Амонатбонк»

Кортҳои  пардохтии бонкӣ – ин воситаи қулаи нигоҳ доштани маблағ буда, хавфи гум кардан ва дуздидан аз байн бардошта мешавад. Ҳамзамон кортҳои пардохтӣ - сарфаи вақт, хизматрасонии қулай, тахфифҳо ҳангоми харидорӣ ё пардохти ҳаққи хизматрасонӣ дар ташкилотҳои савдо ва хизматрасонӣ мебошад. 

Намудҳои кортҳо аз Низоми байналхалқии VISA International

Афзалияти кортҳои мо-Бехатарии маблағҳои Шумо.

Имконияти шабонарӯзӣ дастрас намудани маблағҳои нақдӣ дар зиёда аз 50 банкомат. Дар ҳар нуқтаи дунё метавонед бо тарзи ғайринақдӣ ё бо Интернет маҳсулот харидорӣ намоед ва ё ҳаққи хизматрасониро пардохт намоед.

Ҳангоми сафар кардан ба хориҷа зарурияти баёноти маблағҳо вуҷуд надорад.

Хабардор шудан аз ҳар як амалиёт бо корти худ тариқи SMS-хабар.

Суратҳисоби шуморо наздикону пайвандонатон метавонанд  пур кунанд.

Бонк ба мизоҷони худ кортҳои пластикии локалӣ, Корти миллӣ, VISA Electron, VISA Classic  ва боз ҳам бонуфуз VISA Gold пешниҳод мекунад. Кортҳои миллӣ (пардохти миллӣ)-ба ҳамаи хоҳишмандон барои истифода намудан дохили ҷумҳурӣ, ҳамчунин амалӣ шудани лоиҳаҳои маош бо ташкилотҳои шакли моликияташон гуногун дода мешавад. Арзиши корт 20 сомониро ташкил медиҳад.

Афзалияти асосии корти мазкур: дастрасӣ ба маблағ; бо ҳисоби сомонӣ бароварда мешавад; муаммои вобаста ба пасту баландшавии асъор ва бақияи корт.

Корти VISA Electron

Кортҳои байналхалқии арзон ба Шумо дар сафарҳо ва ҳаёти ҳамарȳза кȳмак мерасонад. Дар ҳар банкомат ва POS-терминалҳои дигар кишварҳои дунё хизмат расонида мешавад.  Арзиши корт 50 сомониро ташкил медиҳад.

Афзалияти асосии  корт:  Дар ҳар нуқтаи дунё метавонед хизматрасониро анҷом диҳед. Имконияти пардохти молҳо ва хизматрасониҳо дар ширкатҳои тиҷоратию хизматрасонӣ.

Корти VISA Classic

Кортҳои пардохтии маъмул барои сафар ба хориҷа пешбинӣ шудааст. Дар ҳама нуқтаҳо хизмат расонида мешавад, ки логотипи низоми пардохтии Visa аст.

Арзиши корт 145 сомониро ташкил медиҳад. Амонати суғуртавӣ-500 сомонӣ 

Афзалияти асосии  корт:  Дар ҳар нуқтаи дунё метавонед бо тарзи ғайринақдӣ ё бо Интернет маҳсулот харидорӣ намоед ва ё ҳаққи хизматрасониро пардохт намоед. Имконияти пардохти молҳо ва хизматрасониҳо дар ширкатҳои тиҷоратию хизматрасонӣ. Корт барои онҳое пешбинӣ шудааст, ки даромади миёна доранд ва таҷрибаи муомила бо кортҳои бонкӣ доранд.

Корти VISA Gold

Корт дорои имконияти васеъи истифодабарӣ буда, ҳолати дорандаи худро ҳамчун шахси сарватманд муаррифӣ мекунад. Арзиши корт 195 сомониро ташкил медиҳад. Амонати суғуртавӣ-2500 сомонӣ

Афзалияти асосии корт:  Дар ҳар нуқтаи дунё метавонед бо тарзи ғайринақдӣ ё бо Интернет маҳсулот харидорӣ намоед ва ё ҳаққи хизматрасониро пардохт намоед. Имконияти пардохти молҳо ва хизматрасониҳо дар ширкатҳои тиҷоратию хизматрасонӣ. Тахфифҳои калон ва пешниҳоди фоиданок аз рȳи барномаи байналхалқии «Visa Special Offers».

VISA Gold барои кӣ  пешбинӣ шудааст? Барои мизоҷони бонуфуз ҷиҳати нигоҳ доштани обрȳ ва нуфуз.

Лоиҳаи музди меҳнат

БДА ҶТ «Амонатбонк» барои корхонаҳо ва ташкилотҳои сохторашон гуногун, хизматрасонии пардохти музди меҳнатро тариқи кортҳои пардохтии бонкӣ пешниҳод менамояд. Лоиҳаи мазкур барои ташкилот чунин имкониятҳо медиҳад:

Саривақт ворид намудан ва пардохт кардани маоши кормандон тариқи  Банкомат ва ПОС-терминалҳо; Таъмин намудани махфияти маълумот оиди ҳаҷми маоши кормандон; Кам кардани ҳаҷми хароҷоти корхона ва ҳал намудани масъалаи ҳамлу нақли дороиҳо ва нигоҳдории он; Озод шудан аз мушкилии маблағҳои аз тарафи кормандон гирифта нашуда ва кам намудани хароҷоти хазинавӣ;

Баланд бардоштани нуфузи ташкилот аз ҳисоби истифодабарии технологияҳои замонавӣ ва пешқадам; Таъмин намудани хизматрасонии шабонарузӣ тариқи банкоматҳо барои кормандон. Новобаста аз соати кории бонк, кормандон метавонанд маблағҳои дар корти пардохтии бонкӣ доштаи худро гиранд; Аз байн бурдани навбат дар назди хазинаи ташкилот ҳангоми тариқи нақдӣ гирифтани маош дар рузҳои гузаронидани музди меҳнат. 

Кормандони ташкилот чунин имконият ба даст меоранд:

Гирифтани маоши худ аз хамаи шабакаҳои терминалии Бонк; Пардохт кардани маҳсулотҳои харидашуда ва хизматрасониҳо бо корти пардохтии бонкӣ дар мағозаҳо тариқи ПОС-терминал; Нест кардани хавфи гум шудани маблағ ҳангоми гум кардани корти пардохтии бонкӣ; Доштани кафолат оиди ҳаҷми даромад;

Мувофиқи талаботи корманд сарф намудани маблағи дар корт буда. Беруннависӣ (выписка) бонк, имконияти банақшагирии маблағҳои худро барои корманд дастрас менамояд. Гирифтани маблағи дилхоҳ ҳангоми гузаронидани амалиёт;

Новобаста аз ҷои қарордошта имконияти гирифтани маблағҳои худ (сафари хизматӣ, рухасатии меҳнатӣ, рухсатии табобатӣ ва ғ.).

Шуъбаи матбуоти БДА ҶТ «Амонатбонк»

Нахустин кайҳонавард

Имрӯз қариб тамоми дастовардҳои илмии бани башар, аз алоқаи мобилӣ гирифта, то интернет ба кайҳон бастагӣ доранд. Солҳои тӯлонӣ тасхири кайҳон ба масъалаи доғи сиёсӣ низ табдил гардида буд ва асоситарин майдони рақобат миёни абарқудратҳои вақт, хусусан СССР ва ИМА ба шумор мерафт. Ва дар ин рақобат, аввалин кишвари Шӯроҳо ҳамеша як қадам аз ИМА пеш ҳаракат мекард ва аввалин шуда, кайҳонаварди шӯравӣ Юрий Гагарин 12 апрели соли 1961 ба фазои кайҳонӣ баромад. 

Мушак ва таърихи он

Заминасози парвози аввалин техникаи мушакӣ гардид. Маҳз ба шарофатии мушакҳо, аввалин киштиҳои кайҳонӣ ва аз ҷумла "Восток”-и Гагарин сохта шуданд. Мушакҳо ва моҳвораҳоро мешуд ҳам ба мақсади осоишта ва ҳам бо мақсади ҳарбӣ истифода бурд. Пешгоми мушаксозӣ дар ҷаҳон немисҳо ба шумор мерафтанд. Олмон баъди шикаст дар ҷанги ҷаҳонии аввал, тибқи сулҳномаи Версал аз доштани тупхонаи дурзан маҳрум гардида, фармондеҳии олмонӣ қарор дод, силоҳи мушакиро бисозад. Олимони немис аз миёнаҳои даҳаи 20-уми қарни гузашта, ба сохтани силоҳи мушакӣ рӯй оварданд ва соли 1942 гурӯҳи кории олимони немис бо сарварии Варнер фон Браун, ба партоби аввалин мушак муваффақ шуданд. Соли 1943 бошад Олмон ба истеҳсоли саноатии мушакҳои "Фау-2" оғоз намуд. Ин мушак то 1000 кг маводи тарканда дошт ва метавонист 300 км масофаро тай кунад.                                                                                                     

  Дар авохири ҷанги ҷаҳонии дуввум ҳам СССР ва ҳам ИМА мекӯшиданд ба технологияҳои мушакии немисҳо даст ёбанд. Амрикоиҳо дар ин ҷодда муваффақтар буданд. Фармондеҳии амрикоӣ баҳори соли 1945 дар Олмон амалиёти махсусеро таҳти унвони "Скрепка" (Часпаки оҳанин) пиёда кард. Дар натиҷаи ин амалиёт "падари" саноати мушакӣ Варнер фон Браун бо гурӯҳи калони олимони немис ба ИМА интиқол дода шуд. Бо вуҷуди ин аввалин кишвари Шӯроҳо дар ин сабқат пештоз гардид. Ба андешаи мутахассисон пештозии СССР чанд сабаб дошт. Баъди анҷоми Ҷанги ҷаҳонии дуввум ИМА аз теъдоди зиёди тайёраҳои бомбафкани дурпарвоз бархурдор буд.

15.04.1919. Дар Ирландия, дар ҳудуди графигарии Лимерик, Ҷумҳурии Лимерики Шӯравӣ таъсис дода шуд. Ин ҷумҳурӣ таҳти таъсири инқилоби болшевикии Русия ва ақидаи инқилоби ҷаҳонии болшевикон таъсис ёфт, аммо муддати зиёд давом наовард.

15.04.1926. Дар СССР бо қарори Раёсати КИМ сарҳадоти қутби шимолии аввалин кишвари Шӯроҳо муаян карда шуданд.

15.04.1993. Дар Туркманистон, президенти кишвар Сафармурод Ниёзов эълон намуд, ки забони туркманӣ ба ҳуруфӣ кирилӣ ба лотинӣ мегузарад.

16.04.1917. Роҳбари ҳизби болшевикон Владимир Ленин аз муҳоҷират ба Русия баргашт. Ленинро анбӯҳи мардум дар истгоҳи роҳи оҳани Финляндскии Петроград истиқбол намуданд.

16.04.1922. СССР бо Олмон созишномаи сулҳи Рапаллро ба имзо расониданд. Тибқи ин созишнома миёни ду кишвар муносибати дипломатӣ барқарор карда шуд.

16.04.1945. Оғози амалиёти Берлин дар рафти ҶБВ. Ин амалиёт бузургтарин амалиёти Артиши Сурх дар рафти ҷанг ба шумор меравад, ки бо фатҳи пойтахти Рейхи саввум ба анҷом расид.

16.04.1947. Дар сенати иёлоти Каролинаи Ҷанубӣ, сиёсатмадор ва сармоядори амрикоии яҳудитабор Бернард Барух бори аввал дар ҷаҳон, истилоҳи "ҷанги сард"-ро ба кор бурд.

17. 04.1923. Дар пойтахти СССР, шаҳри Маскав Анҷумани XII РКП(б) баргузор гардид.

17.04.1968. Дар телевизиони СССР  аввалин барномаи "Дар олами ҳайвонот" пахш гардид. Ин барнома баъдан ба яке аз барномаҳои машҳур ва сербинанда табдил ёфт.

17.04.1986. Дар СССР қарори КМ ҲКИШ "Бобати самтҳои умумии ҳалли мушкилоти манзилӣ дар кишвар" ба тасвиб расид. Тибқи ин қарор, ҳар як оилаи шӯравӣ то соли 2000 мебоист соҳиби хонаи алоҳида мегардид.

18.04.1922. Дар СССР дастаи футболи МКС таъсис дода шуд. Ин даста баъдан чандин бор тағйири ном карда, соли 1935 бо ташабуси Николай Старостин, "Спартак " ном гирифту то ба ҳол бо ин ном маъруф аст.

18.04.1923. Дар СССР бо ташабусси Феликс Дзержинский Ҷамъияти варзишии "Динамо" созмон дода шуд.