Хол Воҳидов, хонанда ва муаллифи доимии газетаи мардумӣ аз деҳаи Сафобахши н.Данғара меҳмони идора шуда, гуфт, ки мехоҳад тавассути газетаи СССР арзи хешро ба масъулони ҳукумати н.Данғара расонад.

   - Ноҳияи Данғара то ба имрӯз ҷойи асосии партофтани партов-полигон надорад ва мардум, хосса мардуми деҳоти дур аз маркази ноҳия партови хешро бароварда, дар сари роҳи мардумгузар мепартоянд. Ҳамин тавр то 3 км шафати роҳи аз деҳаи мо Сафобахш дар гузашта Ёқсу то деҳаҳои дигар пур аз партов аст. Чаро касе аз идораву сохторҳои марбута ё ҳамон КЖКП ин ҳолатро, ки солҳои зиёд давом дорад, намебинад? Ин ҳам 1 роҳи авҷу паҳн шудани касалиҳои сироятӣ аст-ку!?