ХАБАРИ ДОҒ
Панҷшанбе, Июл 11 2019

   Абдураҳмон Аламшозода, муовини аввали вазири корҳои дохилии ҶТ ва ҳамзамон сардори Раёсати ВКД дар ВМКБ ба зертобеони худ дастур додааст, ки масъалаи саривақт иваз намудани шиносномаҳои намунаи соли 1996 ба намунаи соли 2014, яъне ID-шиносномаҳо ва фароҳам овардани шароит барои сокинони деҳаҳои дурдасти вилоят тадбирҳои мушаххас андешида, бо таъсис ва равон намудани нуқтаҳои сайёр мушкили шиносномаивазкуниро дар маҳалҳо ҳаллу фасл намоянд.

   Тавре ба мухбири СССР дар сӯҳбати ихтисосӣ Рустам Мирзомурод, муовини сардори РВКД дар ВМКБ иброз дошт, аз номи сардори Раёсат ба унвони мудирияти ширкатҳои алоқа ва мобилӣ вобаста ба гузоштани таҷҳизоти махсус ва фароҳам намудани фазои интернетӣ дар дурдасттарин маҳалҳои вилоят алакай нома равон карда шудааст. 

   - Бо ба даст омадани чунин имконият кормандони шӯъбаҳои шиносномадиҳии ШВКД-ҳо тариқи мошинҳои сайёр ба маҳалҳои дур фиристода мешаванд, то дар ҷояш ин мушкили мардумро осон намоянд. Шумо медонед, ки амалӣ ёфтани ин кор бидуни шароити электронӣ ва интернетӣ ғайриимкон аст, зеро системаи шиносномадиҳиву ивазкунӣ муттамарказ мебошад. Воқеан ҳам баъзе деҳаҳо хеле дур аз маркази ноҳия ҷой гирифта, сокинонаш баъзан дар 2-3 моҳ 1 маротиба имкони омадан ба маркази ноҳияро доранд. Бо назардошти ин мо тасмим гирифтем барои осон кардани ин раванд кормандони худро ба деҳаҳои дурдаст фиристем, -афзуд Рустам Мирзомурод.

   Мавсуф инчунин қайд намуд, ки чунин деҳаҳо бештар аз ноҳияҳои Рӯшон-водии Бартанг, Мурғоб-Булункӯлу Қароқул, Роштқалъа, Дарвоз ва Ванҷ воқеъ буда, сокинон низ якчанд маротиба дар бораи ташкили нуқтаҳои сайёри шиносномаивазкунӣ дар маҳалҳои дурдаст ба унвони ВКД ҶТ низ муроҷиат намудаанд.

СССР

 

Ҷумъа, Июл 05 2019

Аз мақомоти ШВКД-и ноҳияи Кӯшониён ба мухбири СССР хабар доданд, марди 34-солаи сокини ҷамоати деҳоти Заргари ноҳияи Кӯшониён дар он хусус муроҷиат кардааст, ки шаби 16 ба 17-уми июни соли 2019, тахминан соати 01:30-дақиқа, шахсони номаълум бо роҳи пинҳонӣ аз заминҳои деҳаашон 1-сар чорвои калони шохдорро, ки арзишаш 6000 сомониро ташкил медиҳад, дуздида, аз ҷои ҳодиса ғайб задаанд. Ҳангоми гузаронидани чорабиниҳои оперативӣ-ҷустуҷӯӣ 2 нафар марди 25 ва 26-солаи сокинони ин ноҳия ҳамчун гумонбар дар содир кардани ҷинояти дуздӣ дастгир карда шуданд. Тафтишот муайян намуд, номбурдагон ҳамчунин шаби 28 ба 29-уми июни соли 2019, тахмин соати 01:30-дақиқа, бо роҳи пинҳонӣ аз заминҳои хоҷагии деҳқонии ҳамин ноҳия 1 сар чорвои калони шохдорро, ки арзишаш 5000-сомониро ташкил медиҳад, дуздида, аз ҷои ҳодиса ғайб задаанд. Оид ба ин ҳодиса парвандаи ҷиноятӣ оғоз гардида,  таҳқиқ идома дорад.

Баҳодур Уроқов, СССР, вилояти Хатлон

 

Ҷумъа, Июл 05 2019

   Чуноне ки маркази матбуоти ВКД ҶТ хабар медиҳад, ноболиғ Очилдиев Сунатуллои 13 сола, сокини деҳаи Чоряккорони н.Рӯдакӣ дар оташ задани Осияи 6 сола нақши асосӣ дошта, номбурда пеш аз оташ задан бо сагҳояш ҷабрдидаи ноболиғро тарсонидааст. Дар айни замон Очилдиев Сунатулло, ки дорои бемории фалаҷи майнаи сар ва ноқисулақлӣ мебошад, дар муассисаи давлатии «Маркази ҷумҳуриявии саломатии равонии кӯдакон ва наврасон» бистарӣ карда шуда, зери назорати табибон қарор дорад ва сагҳои ӯ безарар гардонида шуданд. 

    Тавре қаблан хабар дода будем ноболиғ Осия Зулфоноваи 6 сола рӯзи 19.06.2019, тахминан соати 11:30 дақиқа, дар н.Синои ш.Душанбе бо ҷароҳатҳои сӯхтаи бадан дар Беморхонаи шаҳрии №3 бистарӣ гардида буд. Бо дастури Президенти ҶТ Эмомалӣ Раҳмон аз Ҷумҳурии Федеративии Олмон профессори шинохтаи тиб дар соҳаи ҷарроҳиҳои тармимӣ, пластикӣ, эстетикӣ ва бемориҳои сӯхта (комбусталогия) ҳамзамон Президенти асотсиатсияи ҷарроҳони тармимӣ ва пластикӣ дар Аврупо Эдгар Бимер ҷиҳати дидан намудан аз вазъи саломатии ноболиғ Зулфонова Осия ба Душанбе ташриф овард. Баъд аз муоина профессор Эдгар Бимер вазъи саломатии ҷабрдидаи ноболиғро мӯътадили вазнини миёна арзёбӣ карда, мавсуф аз рӯи таърихи бемории Зулфонова О. пешакӣ омӯхтааш, бо худ тамоми дорувории зарурии беҳтаринро барои муолиҷаи ҷабрдида овардааст. Лозим ба таъкид аст, ки ин табиб тариқи ройгон ба ноболиғ Зулфонова Осия кӯмак мерасонад.

 

Панҷшанбе, Июн 27 2019

        

        Шомгоҳи 25.06.2019 аз ҷониби кормандони прокуратураи ш.Бохтар Бурҳонова Рӯзигул-раҳбари Ёрии таъҷилии тиббии ш.Бохтар боздошт шуд. Ӯ аз ваколатҳои худ берун баромада, ҳазорҳо сомониро аз буҷаи корхона ба ҷайби худ задааст. Аз прокуратураи шаҳр бо тасдиқи ин хабар гуфтанд, дар ҳақиқат Бурҳонова бо моддаҳои 316 ва 322-и Кодекси ҷиноятии ҶТ дастгир шудааст. Маврид ба зикр аст, ки Бурҳонова бо ВАО муомилаи хуб надошт ва баҳсҳо низ дар нишастҳои матбуотӣ бо ӯ хело зиёд шуда буданд. Айни ҳол нисбати ӯ парвандаи ҷиноӣ оғоз шуда, тафтишот идома дорад. 

Баҳодур Уроқов СССР, вилояти Хатлон 

 

Чоршанбе, Июн 26 2019

 Ба сармуҳаррири ҳафтаномаи «СССР», Сайёфи Мизроб

Аз ҳамкориҳои судманд дар самти инъикос намудани фаъолияти БДА ВКД ҶТ изҳори сипос менамоем. Саволномаи шаҳрванд Фаридун Ализода бо номи «Нозири роҳ ҳаққи сур карданро дорад?» (СССР, 23.05.2019, №21)-ро мавриди баррасӣ қарор дода, ба саволҳои пешниҳодгардида чунин посух медиҳем:

 

Саволи 1: Баъзан мешавад, ки корманди БДА-ро муҳлати давомнокии ҳуҷҷатҳояш (просроченный действующие срок удостоверение) гузаштагӣ. Бо ӯ чӣ бояд кард?

Ҷавоб: Корманди БДА зимни хизматбарӣ бояд бо худ шаҳодатномаи хизматӣ ва дигар ҳуҷҷатҳои лозимаро дошта бошад. Дар сурати гузаштани муҳлати эътиборнокии шаҳодатномаи хизматӣ ба корманд то бартараф намудани камбудии ҷойдошта барои ба хизмат баромадан иҷозат дода намешавад.

Саволи 2: Пости доимӣ, яъне «статсионарӣ» чӣ гуна бояд бошад? Дар баъзе кӯчаҳо «будка»-еро монда, пости доимӣ-статсионарӣ меноманд. Оё ин дуруст аст?

Ҷавоб: «Постгоҳи статсионарӣ» бинои хизматиест, ки бо техникаи хос муҷаҳҳаз буда, дар он бо сабаби зарурияти танзими ҳаракат дар роҳ, барои назорати бетанаффус аз болои ҳаракати воситаҳои нақлиёт, гузаронидани чорабиниҳои оперативӣ-ҷустуҷӯӣ, таъмини ҳаракати бемамонияти автомобилҳои таъиноти махсус, хизмати хадамоти роҳбонӣ ташкил карда мешавад. Дар ҳолати зарурӣ тибқи нақшаҳои алоҳида постгоҳҳои муваққатӣ ташкил карда, дар онҳо хизматбарии шабонарӯзии якҷояи мақомотҳои таъмини амният, ба роҳ монда мешавад.

Панҷшанбе, Июн 20 2019

    Шикояти сармоягузори украинӣ Виталий Костюк ба Вазорати корҳои хориҷии ҶТ боиси аз Агентии назорати маводи нашъаовари назди Президенти ҶТ хориҷ шудани 2 мансабдори баландпоя гашт.

    Вазорати корҳои хориҷии Ҷумҳурии Тоҷикистон муроҷиати сармоягузори Украинӣ Виталий Костюкро дар хусуси аз ҷониби сардори раёсати Агентии назорати маводи нашъаовар дар в.Суғд Сангинзода Мирзоравшан ва муовини сардори шуъбаи байниноҳиявии Зарафшони Раёсати Агентӣ дар в.Суғд Неъматзода Шариф Камол поймол намудани ҳуқуқояш ҳангоми бозгашт мавриди пайгирӣ қарор дод.

    Чуноне ки сомонаи Вазорати корҳои хориҷии ҶТ хабар медиҳад, тибқи хулосаи санҷиши хизматӣ кирдори ғайриоинномавии Сангинзода Мирзоравшан ва Неъматзода Шариф Камол муайян гардида, онҳо аз вазифаи ишғолнамудаашон озод ва аз хизмат дар ҳайати Агентии назорати маводи нашъаовар хориҷ карда шуданд. Нисбати рафтори шахсони мазкур, ки айни замон аз ҷониби мақомоти салоҳиятдор тафтиш мегардад, баҳои ҳуқуқӣ медиҳанд.

 

саҳ 9 аз 81

Китобҳо

Flag Counter