ХАБАРИ ДОҒ
Душанбе, Окт 09 2017


2 Берлин
7.10.1949 Кунгураи мардумӣ, ки аз ҳисоби намояндагони ҷамъияти Олмони Шарқӣ ташкил ёфта буд, дар Берлини Шарқӣ ҷамъ шуд ва таъсиси Ҷумҳурии Демократии Олмонро эълон кард. СССР ин кишвари навтаъсисро ба расмият шинохт ва муносибати дипломатиро барқарор кард. Баъди торумор дар ҶБВ иттифоқчиён Олмонро ба 4 минтақаи ишғолӣ тақсим карданд. Дар шарқи кишвар нерӯҳои шӯравӣ ва дар ғарбӣ он нерӯҳои амрикоӣ, англисӣ ва фаронсавӣ қарор гирифтанд.

Ҷумъа, Сен 29 2017


2.10.1929 тайёраи Р-4 парвози ҳавоиро дар масири Тошканд-Душанбе-Ғарм-Хоруғ анҷом дод. Он аввалин парвози ҳавоӣ ба кӯҳистони Тоҷикистон буда, поярези ҳавонавардии мусофикаши тоҷик ба шумор меравад. Умуман, авиатсия ҳанӯз аз солҳои аввали таъсиси Тоҷикистони шӯрвавӣ ба яке аз самтҳои асосии нақлиёти мусофиркаш табдил ёфт. Барои мисол, нахустин парвози тайёра масофаи роҳро то Хоруғ 200 маротиба кӯтоҳ кард. Албатта, масири ҳавоии Хоруғ с.1932 баъди ба ҷумҳурӣ ворид гардидани тайёраҳои баланпарвози Р-5 ва ПР-5 расман ифтитоҳ ёфт, аммо парвози нахустин дар ин самт нақши ҳалкунанда бозид.

Ҷумъа, Сен 22 2017


"Тартиботи махсус"
Дар авохири моҳи сентябр ва аввапи моҳи октябри с.1993 дар ш.Маскав ҳаводисе рӯй дод, ки бо ҷанги президенти Русия-Борис Елсин ва Шӯрои Олии ин кишвар маъруф аст. Он ба ҷанги мусаллаҳона дар Маскав оварда расонид, ки дар натиҷа тибқи ахбори расмӣ беш аз 150 тан ва тибқи сарчашмаҳои мустақил зиёда аз 1000 кас фавтид.

Душанбе, Сен 18 2017


Тобистони с.1943 Артиши олмонӣ дар Фронти шарқӣ амалиёти "Цитадел"-ро оғоз намуд. Ин амалиёт дар қавсайн (дуга)-и Курск ба вуқӯъ пайваст ва немисҳо бори охир ният доштанд, вазъиятро таҳти тасарруфи худ бигиранд. Дар натиҷа, дар ин қавсайн задухӯрди шадиде миёни нерӯҳои олмонӣ ва Артиши Сурх сар зад.

Душанбе, Сен 11 2017


9.09.1991 иҷлосияи ғайринавбатии Шӯрои Олии РСС Тоҷикистон бо 1 овоз қарори эълони истиқлолияти давлатии Тоҷикистонро қабул кард ва кишвари мо соҳибистиқлол шуд. Гарчи истиқлолият ба таъбире "аз Маскав" ба бештари кишварҳои пасошӯравӣ тақдим шуд, аммо миллати тоҷик низ дар роҳи расидан ба истиқлолият талошҳои зиёде намудааст. Ин ақида дар зеҳни бисёре аз зиёиён ва фарҳехтагони ин миллати куҳантамаддун нуҳуфта буд ва дар аввалин фурсат дубора буруз кард. Чунин фурсат бо бозсозии горбачевӣ фаро расид.

Душанбе, Авг 07 2017


Асорати талх
3.08.1995 тайёраҳои қиркунандаи Толибон дар фазои ҳавоии Афғонистон тайёраи "Ил-76"-и русиро, ки ба ширкати тотории "Аэростан" тааллуқ дошт, ба замин фуроварданд. “Ил-76” аз Тирана-пойтахти Албания ба ш.Кобул парвоз дошт ва мебоист ба нерӯҳои ҳукумати Бурҳониддин Раббонӣ силоҳ ва лавозимоти ҷангӣ мебурд. СССР пеш аз суқути худ қарор дода буд, ба ҳеҷ тарафи даргир дар Афғонистон кумаки ҷангӣ накунад, аммо ворисони ин абарқудратро рафторашон аллакай дигар шуда буд.

саҳ 25 аз 36

Китобҳо

Flag Counter