ХАБАРИ ДОҒ
Чоршанбе, Дек 18 2019

12.12.1937. Иттиҳоди Шӯравӣ дар Намоишгоҳи ҷаҳонии Порис ширкат варзид.            Ин намоишгоҳ бо шиори "Санъат ва техноложӣ ва ҳаёти муосир" баргузор гардида, СССР дастовардҳои назаррасе дар он ба намоиш гузошт.

12.12.1949. Иттиҳоди Шӯравӣ Конвенсияи Женеваро бобати муҳофизати қурбониёни ҷанг имзо кард.

12.12.1979. Бюрои сиёсии КМ ҲКИШ қарор дод, нерӯҳои низомии СССР-ро вориди хоки Афғонистон кунад. Баъди чанде, аввалин воҳидҳои низомии Артиши Шӯравӣ вориди Афғонистон шуданду ҷанги хонумонсузе дар ин кишвар оғоз гардид. Нерӯҳои Шӯравӣ танҳо соли 1989 Афғонистонро тарк карданд.

12.12.1993. Дар Русия бо овозидиҳии умумимардумӣ Сарқонуни Русияи Федеративӣ қабул карда шуд. Ин рӯзро дар Русия аз соли 1994 чун Рӯзи Сарқонун ҷашн мегиранд.

13.12.1969. Дар шаҳри Нижне Камски Тотористон сохтмони заводи мошинсозии Камск оғоз карда шуд. КамАЗ соли 1976 аввалин мошинҳои боркашро истеҳсол намуда, имрӯз ҳам мошинҳои ин ширкат дар роҳҳои собиқ Иттиҳод зиёд дида мешаванд.

14.12.1917. Дар Русияи Шӯравӣ бо Декрети ШКХ тамоми бонкҳо давлатӣ гардонида шуданд.

15.12.1917. Дар Русияи Шӯравӣ бо Декрети КМИ ва ШКХ Шӯрои Олии хоҷагии халқ (ВСНХ) таъсис дода шуд. ВСНХ олитарин ва марказитарини ниҳоди идораи хоҷагии халқи Русия ба шумор мерафт.  

15.12.1959. Дар Иттиҳоди Шӯравӣ системи мушакии балистикии байниқорраӣ (межконтинентальный) Р-7 ба истифода дода шуд. Ин системаро С.Королев ихтироъ кард ва акнун мушакҳои шӯравӣ метавонистанд ИМА-ро ҳадаф қарор диҳанд.

15.12.1991. СММ қарори қаблии худро, бобати нажодпарастӣ будани сионизм, ки соли 1975 қабул карда буд, бекор кард. Акнун СММ сионизмро, ҳаракати миллии қавми яҳуд, ки мақсади он мутаҳидкардан ва эҳёи миллати яҳуд дар сарзамини таърихӣ мебошад, унвон кард.

Чоршанбе, Дек 11 2019

4.12.1918. Дар Латвия Ҳукумати муваққати Шӯравӣ бо сарварии Петр Стучко таъсис дода шуд.

4.12.1946. Дар корхонаи автомобилҳои хурдҳаҷми Маскав (ин корхона аз соли 1968 номи комсомоли лениниро гирифт ва АЗЛК номида шуд) аввалин автомобили "Москвич-400" ҷамъоварӣ гардид.

4.12.1948. Кумитаи давлатии Шӯрои Вазирони СССР бобати ворид кардани технологияҳои муосир дар хоҷагии халқ, ихтирооти И. С. Брук ва Б.И. Рамеевро таҳти №10475 ба қайд гирифт. Ин ихтироот аввалин мошини барқии ҳисобкунӣ ё роёна буда, ин рӯзро мешавад чун рӯзи таваллуди компютери шӯравӣ унвон кард.

5.12.1931. Дар шаҳри Маскав калисои Исои Наҷотбахш тарконда шуд. Ин калисо яке аз калисоҳои бузург ва бонуфузи проваславӣ буда, барои диндорони рус аҳамияти вежа дошт. Калисоро баъди пошхурии СССР дубора барқарор карданд.

5.12.1941. Оғози ҳуҷуми ҷавобии Артиши Сурх дар назди Маскав. Ин ҳуҷум немисҳоро аз остонаи пойтахти Шӯравӣ дур андохт ва достони шикастнопазирии артиши Гитлерро хотима бахшид.

6.12.1917. Финляндия соҳибистиқлолии худро аз Русия эълон кард.

6.12.1925. Дар Иттиҳоди Шӯравӣ нерӯгоҳи барқии Шатурск ба кор андохта шуд. Ин нерӯгоҳ, ки номи доҳии боллшевикон Владимир Ленинро соҳиб буд, он шабу рӯз бузургтарин ва самараноктарин нерӯгоҳи торфӣ дар ҷаҳон ба шумор мерафт. 

6.12.1936. Дар СССР Сарқонуни нав, ки сарқонуни сталинӣ ном гирифт, қабул гардид. Ин Сарқонун Шӯрои Олии кишварро (парлумони ду палатаӣ) ниҳоди олии ҳукуматӣ эълон кард. 

Чоршанбе, Дек 04 2019

28.11.1918. Дар Русияи Шӯравӣ Шӯрои Комиссарони Халқ (ШКХ), Декрет бобати ташкили кори суғуртавӣ дар РСФСР ро қабул кард.

28.11.1941. Дар рафти ҷанги ҷаҳонии дуввум, дар Либӣ англисҳо генерали олмонӣ фон Равенштейнро ба асорат гирифтанд. Фон Равенштейн аввалин генерали омлонӣ буд, ки дар рафти ҷанг ба дасти душман асир гардид.

28.11.1943. Дар пойтахти Эрон, шаҳри Теҳрон конфронси сарони се кишвари иттифоқчӣ СССР, Англия ва ИМА доир гардид. Бори аввал Сталин, Черчил ва Рузвелт мустақиман бо ҳам дидор намуда, масоили доғи байни ҳамро мавриди баррасӣ қарор доданд.

29.11.1920. Дар Русияи Шӯравӣ тамоми корхонаҳое, ки теъдоди коргаронашон аз 10 нафар бештар буд, миллӣ кунонида шуданд.

29.11.1936. Прокурори генералии СССР Вишинский дастур дод, то тамоми парвандаҳо бобати ҳолатҳои тасодуфӣ ва садамаҳоро дар кишвар, чун парвандаҳои харобкорӣ баррасӣ кунанд.

29.11.1941. Дар рафти ҶБВ артиши олмонӣ, партизанзан Зоя Космодемянскаяро ба қатл расониданд.

29.11.1945. Югославия ба Ҷумҳурии Халқи Федеративии Югославия табдил дода шуд. Сарварии кишвари навро Броз Тито ба ӯҳда гирифт. Соли 1963 ин кишвар боз тағйири ном карда, ба Ҷумҳурии Шӯравӣ Федеративии Югославия табдил дода шуд.

30.11.1918. Дар РСФСР Шӯрои мудофиаи коргарӣ-деҳқонӣ таъсиси дода шуд. Дар раисии ниҳодии нав, роҳбари РСФСР Владимир Ленин қарор гирифт. 

30.11.1939. Оғози ҷанги СССР бо Финляндия. Ин ҷанг дар СССР бо ҷанги зимистона маъруф аст ва заъфи Артиши Сурхро нишон додааст. Ба андешаи бархе, Фюрери олмонӣ маҳз баъди анҷоми ҳамин ҷанг қарор дод ба СССР ҳамлаи низомӣ анҷом диҳад. Лигаи миллатҳо бошад, ки нақши СММ-ро ифо мекард, СССР-ро барои оғози ин ҷанг таҷовузгар хитоб кард ва аз ҳайъати худ хориҷ намуд.

Чоршанбе, Нояб 27 2019

20.11.1937.Дар СССР яке аз пешвоёни мазҳабии калисои православӣ, митрополити собиқ-Кирилл ба қатл расонида шуд.

20.11.1940. Маҷористон (Венгрия) ба созишномаи сегонаи зиддикомментернии кишварҳои фашистӣ ҳамроҳ гардид.

20.11.1945. Дар шаҳри Нюрнберги Олмон мурофиаи сарони Рейхи саввум оғоз шуд. Дар ин мурофиа 24 роҳбари олирутбаи фашистӣ мурофиа шуда, бештарашон ҳукми қатл гирифтанд.

21.11.1918. Дар Русияи шӯравӣ монополияи давлатӣ ба савдои дохилӣ ҷорӣ карда шуд. Ин раванд боиси ҷоришавии сиёсати "коммунизми ҳарбӣ" дар аввалин кишвари Шӯроҳо гардид.

22.11.1934.КМИ ва ШКХ СССР дастуруламал бобати Комиссариати Халқии Мудофиаи СССРро ба тасвиб расониданд. Комиссариати нав бо роҳи якҷояшавии Наркомати корҳои баҳрӣ ва Наркомати флоти ҳарбӣ-баҳрӣ роҳандозӣ гардид.

22.11.1941.Ифтитоҳи роҳи мошингард аз болои кӯли Ладога ба Ленинград. Ин роҳ, ки бо "Роҳи наҷот" маъруф аст, танҳо фасли зимистон фаъолият мекард ва боиси наҷот додани ҷони ҳазорон сокини шаҳри муҳосира шуда шуд. Бори аввал тавассути ин роҳ 60 мошин орд ба Ленинград расонида шуд. Дар роҳи бозгашт бошад, мошинҳо кӯдакон ва занонро бо худ мебурданд.

22.11.1960. Дар СССР корхонаи мошинбарории Коммунари шаҳри Запороже аввалин мошини "Запоржетс"-ро истеҳсол намуд.

23.11.1942.Дар рафти ҶБВ Артиши Сурх гурӯҳи 330.000 нафар артиши олмониро бо сарварии фелдмаршали маъруф Фридрих Паулюс дар шаҳри Сталинград ба муҳосира гирифт.

24.11.1969.Раёсати Шӯрои Олии СССР ва кунгураи ИМА созишнома бобати паҳн накардани силоҳи атомиро ба тасвиб расониданд.

Чоршанбе, Нояб 20 2019

15.11.1920. Дар Женево-пойтахти Швейтсария аввалин нишасти Маҷлиси Лигаи Миллатҳо оғоз шуд. Он қариб 30 сол ҷойгузини СММ буд ва ҳамон замон ҳам эътибори чандоне надошт.

15.11.1923.Дар СССР ГПУ ба ОГПУ тағйири ном кард ва аз ҳайъати НКВД бароварда шуд. Бо ин кор чекистонро аз қудрати судӣ маҳрум карданд.

15.11.1923.Таварруми азим дар Олмон. Дар ин рӯз саррофиҳои Берлин 1 доллари амрикоиро бо нархи 4 триллион марка мехариданд.

15.11.1982. Маросифи дафни котиби генералии ҲКИШ, Леонид Брежнев дар Майдони Сурхи Маскав. Вақте ҷасадро ба қабр мегузоштанд, тобут аз бандҳо канда шуд ва якбора ба замин уфтод. Ӯ яке аз 10 нафар аз роҳбарияти олирутбаи шӯравӣ буд, ки номаш дар қатори санги хороии девори Кремлин дарҷ шуд.

16.11.1921.Дар Русияи Шӯравӣ Бонки давлатии РСФСР ба кор сар кард. Амалиёти пулӣ тариқи ҳамин бонк анҷом дода мешуданд.

16.11.1922.Ҳукумати болшевикӣ, албатта бо дархости мардум 1 идда аз намояндагони қишри зиёиро аз СССР табъид ва намояндагони ин қишрро бо киштии мусофирбари "Пруссия" аз Русияи шӯравӣ хориҷ карданд.

16.11.1933.СССР бо ИМА муносибати дипломатиро барқарор кард. 

16.11.1938.Дар СССР Кумитаи умумииттиҳодии корҳои тарбияи ҷисмонӣ ва спорт бо фармони худ самборо “аз ҷиҳати гуногуншаклии усулҳо ва аҳамияти дифоӣ" навъи спорти бисёр боарзиш номида, ин рӯзро рӯзи таваллуди расмии ин навъи гӯштин меҳисобанд. 

17.11.1919.Бо қарори Шӯрои Инқилобии РСФСР Корпуси саворавӣ унтер-афсари собиқ Семен Буденный ба Армияи якуми савора табдил дода шуд. Армияи якуми савора, ки бештар аз казакҳои болшевикшуда таркиб ёфта буд, дар ғалабаи болшевикон нақши муҳим гузошт.

Чоршанбе, Нояб 13 2019

8.11.1917. Оғози шӯриши болшевикӣ дар ш.Маскав. Дар Маскав болшевикон баъди задухӯрдҳои шадид тавонистанд муқовимати нерӯҳои тарафдори ҳукумати муваққатро хомӯш кунанд ва бо машаққати зиёд Кремлро ба тасарруфи худ дароранд.

8.11.1920. Дар рафти ҷанги гражданӣ ба Артиши Сурх муяссар шуд, хатти мудофиаи Перекопро, ки дарвозаи Қрим маҳсуб меёфт, тасарруф кунад. Қрим вопасин муттакои нерӯҳои Артиши сафед дар қисмати ғарбии Русия буд ва баъди ишғоли он, ҷанг дар ин қисмати кишвар поён ёфт ва боқимондаи артиши сафед ба Туркия ва Марокаш ҳиҷрат карданд.

8.11.1975. Капитани дараҷаи 3 Валерий Саблин дар киштии "Сторожевой” шӯриш бардошт ва талаб кард, ки роҳбарияти ҳизбӣ-давлатии кишвар ба истеъфо равад.

9.11.1940.Дар мактабҳои таҳсилоти миёнаи Иттиҳоди Шӯравӣ омӯзиши ҳатмии забонҳои хориҷӣ ҷорӣ карда шуд.

9.11.1989.Дар Олмон ба тахриби девори Берлин сар карданд. Дарозии деворе, ки пойтахти немисҳоро 2 тақсим мекард, 45 км андоза дошт. Бар замми ин девори 120 км дигаре ҳам вуҷуд дошт, ки гирдогирди Берлини Ғарбӣ қад афрохта буд ва ин қисмати шаҳрро аз ҳудуди боқимондаи Олмони Шарқӣ ҷудо мекард. Бо тахриби ин девор пойтахти немисҳо дубора ба ҳам пайваст шуд.

10.11.1917. Дар Русия раиси Ҳукумати муваққат Александр Керенский кӯшиши дубора барқарор кардани қудраташро намуд ва бо нерӯҳои зиддиинқилобӣ ҷониби Петроград ҷумбид. Мутаассифона, ин охирин кӯшиши ӯ ба нокомӣ анҷомид ва болшевикон тавонистанд қудратро нигоҳ доранд.

саҳ 30 аз 60

Китобҳо

Flag Counter