ХАБАРИ ДОҒ
Чоршанбе, Дек 05 2018


29.11.1920. Дар Русияи шӯравӣ тамоми корхонаҳое, ки теъдоди когаронашон аз 10 нафар зиёд буд, миллӣ кунонида шуданд.
29.11.1941. Немисҳо дар деҳаи Петришевои назди Маскав яке аз тахрибкорони шӯравӣ Зоя Анатолевна Космодемянская ба дор овехтанд. Ӯ аъзои гурӯҳи тахрибкории фронти Ғарбӣ ба шумор мерафт. Ин гурӯҳ мебоист тибқи фармони №0428-и Иосиф Сталин "Оид ба сӯзонидани ҳамаи нуқтаҳои аҳолинишин дар ақибгоҳи душман" 10 деҳаро дар назди Маскав ба оташ мекашид. Зоя ҳангоми оташ задани чанд хона дар деҳаи Петришево ба дасти немисҳо афтида, бераҳмона ба қатл расонида шуд. Ӯ аввалин зане гардид, ки дар рафти ҶБВ ба унвони Қаҳрамони Иттиҳоди Шӯравӣ сазовор гардонида шуд.
30.11.1939. Оғози ҷанги Шӯравӣ бо фин. Нерӯҳои фронти Ленинград дар гарданаи Карел ба ҳуҷум мегузаранд ва Лигаи миллатҳо бошад СССРро таҷовузгар хонда, аз ҳайати худ хориҷ мегардонад.
30.11.1979. Дар Иттиҳоди Шӯравӣ кумитаҳои назорати халқӣ ҷорӣ гардонида шуданд.
2.12.1918. Дар Русияи шӯравӣ бо қарори ШКХ фаъолияти тамоми бонкҳои хориҷӣ дар қаламрави РСФСР мамнуъ эълон карда шуд.
2.12.1956. Фидел Кастро бо гурӯҳи ҳаммаслаконаш дар музофоти Ориентаи Куба ба хушкӣ фуруд омад ва муборизаи мусаллаҳонаро алайҳи ҳукумати Батиста оғоз намуд. Ин рӯз дар Куба чун Рӯзи нерӯҳои мусаллаҳи инқилобӣ васеъ ҷашн гирифта мешавад.

Чоршанбе, Нояб 28 2018


22.11.1934. КИМ СССР ва ШКХ СССР дастуруламал оид ба Комиссариати халқии мудофиаро ба тасвиб расонид. Комиссариати нав тавассути ба ҳам омадани Комиссариати халқии корҳои ҳарбӣ-баҳрӣ ва Комиссариати флоти ҳарбӣ-баҳрӣ созмон дода шуд.
23.11.1955. Дар СССР бо қарори Раёсати Шӯрои Олии СССР "манъи исқоти ҷанин (аборт)" бекор карда шуд. Тибқи қарори нав, ҳар зан худ масъалаи модар шуданро мебоист ҳал мекард ва агар мехост сиқти ҷанин мекард. Ин қонун то ба имрӯз ҳам дар бештари ҷамоҳири собиқ Иттиҳод амал мекунад.
25.11.1918. Розике Швиммер фаъоли зидди ҷанги (патсефист) венгерӣ, сафири ин кишвар интихоб карда шуд. Ӯ аввалин сафири зан дар таърихи дипломатияи ҷаҳонӣ гардид.
25.11.1926. КМ ВКП(б) қарор оид ба сохтмони Днепрогэсро ба тасвиб расонид. Он яке аз бузургтарин сохтмонҳои индустриалии СССР гардид ва дар муддати кӯтоҳ сохта ба истифода дода шуд. Замони ҶБВ онро хароб ва баъди ҷанг дар зарфи муддати кӯтоҳ дубора бунёд карданд.

26.11.1942.Миёни ҳукумати СССР ва намояндагони ҳукумати дар муҳоҷират будаи Фаронса созишномае ба имзо расид, ки тибқи он дар ҳудуди СССР дастаи ҳавоии фаронсавӣ созмон дода шавад. Ин даста баъди чанде ба полки ҳавоӣ табдил ёфт ва бо номи "Нормандия-Несан" дӯшодӯши ҳавонавардони шӯравӣ бо немисҳо меҷангид.

Чоршанбе, Нояб 21 2018


15.11.1920. Дар Женева-пойтахти Шветсария аввалин нишасти Ассамблеяи Лигаи Миллатҳо доир шуд.
15.11.1923. Дар Иттиҳоди Шӯравӣ Раёсати Асосии Сиёсӣ (ГПУ) ба Раёсати Асосии Сиёсии Муттаҳида (ОГПУ) тағйири ном кард. Ниҳоди нав аз ҳайати НКВД бароварда шуда, вазоифи ҷазодиҳӣ низ аз он гирифта шуд.
15.11.1932. Дар собори (калисои ҷомеъ)-и Казани ш.Ленинград Осорхонаи дин ва атеизм ифтитоҳ ёфт. Он яке аз асоситарин марказҳои ошноӣ бо адёни ҷаҳонӣ дар собиқ Иттиҳод ба шумор мерафт.
15.11.1982. Дар Маскав маросими дафни котиби генералии КМ ҲКИШ Леонид Брежнев барпо шуд. Брежневро дар Майдони сурхи Маскав ба хок супориданд. Ҳангоми дафн тобут канда шуда, бо шаст ба дохили гӯр фурӯ рафт.
16.11.1920. Артиши Сурх дар рафти ҷанги гражданӣ шаҳри Керчро тасарруф кард. Бо ишғоли Керч нимҷазираи Қрим пурра ба дасти болшевикон гузашта, артиши сафедҳо охирин такягоҳи худро аз даст дод. Боқимондаҳои артиши генерал Врангел бошанд тариқи киштиҳо ба Туркия ва тунис интиқол дода шуданд.

Чоршанбе, Нояб 14 2018


8.11.1917. Шӯриши болшевикон дар Маскав. Баъди пирӯзӣ дар Петроград болшевикон дар Маскав алайҳи нерӯҳои ҳукуматӣ шӯриш карданд ва баъди задухӯрдҳои шадид тавонистанд пойтахти дуввуми кишварро низ ба тасарруфи худ дароранд.
8.11.1920. Артиши Сурх истеҳкомҳои Перекопро ишғол намуданд. Перекоп охирин садд дар роҳи ишғоли Қрим ба шумор мерафт. Ин нимҷазира охирин такягоҳи генерал Врангел ва нерӯҳояш буда, баъди ишғоли он сафедҳо ба пуррагӣ торумор гардиданд.
8.11.1943. Дар СССР ордени ҳарбии Ғалаба ва ордени Шарафи седараҷаӣ таъсис дода шуданд.
9.11.1923. Фюрери олмонӣ Адолф Гитлер баъди пивонӯшӣ дар пивохонаҳои Мюнхен нерӯҳои худро ба майдони марказии ин шаҳр баровард ва кӯшиш кард, ки ҳукуматро дар Мюнхен ғасб намояд. Аммо низомиёни олмонӣ садди роҳи фашистон шуда, шӯриши нозиҳоро пароканда карданд. Худи Гитлер ва Геринг дар рафти ин шӯриш ҷароҳат бардоштанд.
9.11.1940. Дар макотиби миёнаи Иттиҳоди Шӯравӣ омӯзиши ҳатмии забонҳои хориҷӣ ҷорӣ карда шуд.
9.11.1989. Оғози шикасти девори Берлин. Дарозии девори Берлин 45 км-ро ташкил медод ва дар ҷамъ девор миёни Олмони шарқӣ ва Ғарбӣ 120 км дарозӣ дошт.
10.11.1917. Дар Русияи Шӯравӣ бо қарори комиссариати корҳои дохилӣ, ниҳоди милиса расман таъсис дода шуд.

Чоршанбе, Нояб 07 2018


1.11.1924. Дар АМО-заводи автомобилсозии ш.Маскав аввалин мошини боркаши шӯравии АМО-Ф-15 ҷамъоварӣ шуд. Тамоми қисматҳои мошин аз масолеҳи ватанӣ сохта шуда буданд ва 7 ноябр 10 мошини аввалин аз майдони Сурхи Маскав бо тантана убур намуданд.
2.11.1938. Дар СССР аввалин бор занон бо унвони Қаҳрамони Иттиҳоди Шӯравӣ қадр шуданд. Нахустин қаҳрамонзанҳои шӯравӣ, ҳавонавардон Валентина Гризодубова, Полина Осипенко ва Марина Расков буданд.
2.11.1945.Ҷопони императорӣ дар ҷанги ҷаҳонии 2 шикаст хӯрд ва ба санади таслими бечунучарои худро имзо намуд.
3.11.1931.Дар Иттиҳоди Шӯравӣ Институти марксизм-ленинизм дар назди КМ ВКП(б) таъсис дода шуд. Он то охирин рӯзҳои мавҷудияти СССР фаъолият дошт ва яке аз бойтарин ва бонуфузтарин муассисаҳои аввалин кишвари Шӯроҳо будӣ.

3.11.1983. Дар иёлоти Колифорниёи ИМА, дар рафти як семинар, ки ба бехатарии компютерӣ бахшида шуда буд, бори аввал мафҳуми "вируси компютерӣ" истифода шуд. Ин истилоҳро бори аввал донишҷӯи Донишгоҳи Калифорнияи Ҷанубӣ Фред Коэн ба забон овард.

Панҷшанбе, Нояб 01 2018


24.10.1939. СССР ва Олмон созишномаи ҳамкории иқтисодиро ба имзо расониданд. Тибқи он СССР ба Олмон ғалладона ва нафт интиқол медод ва дар иваз немисҳо технологияҳои муосирро ба СССР медоданд. Иттиҳоди Шӯравӣ то охирин лаҳзаҳо ба ин созишнома амал кард ва охирин қатораи ғалла ва нафт рӯзи 22.06.1941, дар рӯзи оғози ҶБВ ба Олмон интиқол дода шуд.
24.10.1941.Артиши олмонӣ дар рафти ҶБВ 3-умин маркази интустриалии СССР-шаҳри Харковро тасарруф намуд.
25.10.1922. Соати 4 баъд аз зуҳр нерӯҳои Артиши Халқӣ-инқилобии ҷумҳурии Шарқи Дур бо сарварии Иаким Убаревич ба Владивосток ворид шуданд. Худи ҳамин рӯз, охирин дастаҳои артиши японӣ Русияи Шӯравиро тарк карданд ва ҷанги шаҳрвандӣ дар кишвар ба поён расид.
25.10.1929. Оғози буҳрони умумиҷаҳонии иқтисодӣ. Он яке аз бузургтарин буҳронҳои иқтисодӣ дар ҷаҳон аст ва аз с.1929 то с.1933 идома дошт. Буҳрон ба тамоми кишварҳои ғарбӣ таъсири манфӣ гузошт.
25.10.1962. Дар рафти буҳрони Кариб сафири ИМА дар СММ Эдлай Стивенсон аксҳои мушакҳои шӯравиро дар Куба ба намоиш гузошт. Баъди ин Никита Хрушев ваъда дод, ки мушакҳоро аз Куба берун мекунад, ба шарте ки ИМА аз тарҳи ҳуҷум ба Куба даст бардорад.

саҳ 9 аз 31

Китобҳо

Flag Counter