ХАБАРИ ДОҒ
Панҷшанбе, Дек 29 2016

29.12.1932.Кумитаи Марказии ОСОАВИАХИМ дар СССР рутба ва нишони фахрии "Тирандози Ворошиловӣ"-ро ҷорӣ кард. Бо ин рутба ва нишон моҳиртарин тирандозони шӯравӣ мукофотонида мешуданд. Сабаби чунин ном гирифтани рутбаро муаррихон чунин нақл мекунанд: "Боре, Климент Ефремович Ворошилов ба ҳайси Комиссари халқии корҳои ҳарбӣ-баҳрӣ ва раиси Шӯрои Инқилоби Ҳарбии СССР (Реввоенсовет) дар тирандозии имтиҳонии командирон ширкат намуд. Яке аз командирон ҳини тирандозӣ аз бадии таппончааш баҳона кард. Ӯ таппончаро аз дасти командир гирифта, бо 7 тир 59 хол ба даст овард. Ӯ таппончаро ба командир баргардонда гуфт: "Силоҳ бад на, тирандоз бад мешавад". Вақте ин гап ба гӯши Сталин расид, баъди чанде рутбаи Ворошиловӣ дар СССР ҷорӣ шуд. 

Панҷшанбе, Дек 22 2016

22.12.1943. Шӯрои Коммисарони Халқ (ШКХ)-и СССР матни Гимни нави давлатии аввалин кишвари Шӯроҳоро тасдиқ кард. Ногуфта намонад, ки аз соли 1922 то с.1943 дар СССР ба ҳайси гимни давлати суруди фаронсавии "Интернатсионал", ки ба коммунаи Париж бахшида шуда буд, истифода мешуд.

Душанбе, Дек 19 2016

15.12.1917. Бо қарори Кумитаи Марказии Иҷроия ва ШКХ РСФСР дар Русияи шӯравӣ Шӯрои Олии хоҷагии халқ (ВСНХ) таъсис дода шуд. Ин ниҳод то соли 1932 фаъолият кард ва ба идораи хоҷагии халқи Русия (СССР) машғул буд.

Чоршанбе, Нояб 09 2016

11.11.1970. Дар шаҳри Маскав Кумитаи дифоъ аз ҳуқуқи инсон созмон дода шуд.

12.11.1919. Сарфармондеҳи Артиши сафед дар Сибир адмирал Колчак ҳини ақибнишинӣ аз Омск захираи тиллои Русиро, ки соли 1918 дар Қазон ба тасарруфи сафедҳо даромада буд, ҳамроҳи худ бурд. Қисмати азими тилло то ҳол пайдо нашудааст.

Панҷшанбе, Нояб 03 2016

6.11.1917. Дар пойтахти Русия-шаҳри Петроград дастаҳои гвардияи Сурх бо кӯмаки аскарони гарнизони шаҳрӣ, ки ба тарафи болшевикон гузашта буданд, аз номи Шӯрои Петроград пулҳои болои дарёи Нева, почта, телеграф ва вокзалҳои шаҳриро ишғол намуданд. Ин амалкард оғози шӯриши мусаллаҳона алайҳи Ҳукумати муваққатӣ маҳсуб меёбад.

Панҷшанбе, Окт 27 2016

30.10.1941. Аввалин ҳамлаи Артиши олмонӣ ба Севастопол. Ин шаҳр бандари асосии флоти Баҳри сиёҳии Артиши Сурх ба шумор мерафт ва гирифтани он барои немисҳо аҳамияти вежае дошт. Артиши Сурх низ ба ҳеҷ ваҷҳ намехост ин шаҳри муҳими бандариро аз даст диҳад. Дар Севастопол задухӯрдҳои шадид оғоз гардиданд ва билохира тобистони соли 1942 ба немисҳо муяссар гардид, ки Севастополро ишғол намоянд.

саҳ 32 аз 38

Китобҳо

Flag Counter