8.10.1967. Дар Боливия муборизи инқилобгаро-Че Гевара дастгир шуд. Ӯ, ки яке аз тарафдорони ашаддии ақидаи коммунистӣ дар Амрикои Лотин будӣ, дар ғалабаи инқилоби коммунистии Куба бо ҳамроҳии Фидел Кастро нақши ҳалкунанда бозид. Баъдан вай барои барпо кардани инқилоби нав бо дастаи мусаллаҳи худ вориди Боливия шуд, лек мутаассифона, дар ин кишвар тарафдорони зиёде пайдо накард ва оқибат аз ҷониби нерӯҳои низомии ин кишвар дастгир ва ба қатл расонда шуд.
30.09.1928. Дар рӯзномаи «Правда», ки асоситарин нашрияи Ҳизби болшевикӣ ба шумор мерафт, мақолаи Николай Бухарин-«Қайдҳои иқтисодчӣ» рӯи чоп баромад. Бухарин дар ин мақолаи худ, сиёсати иқтисодии Сталинро сахт зери танқид гирифт. Сталин ба касе чунин густохиро намебахшид ва дере нагузашта Бухарин бо ҷурми хиёнат ба ватан кушта шуд.
23.09.1980. Дар СССР дар шаҳри Северодвинск калонтарин киштии ҷангии зериобӣ «Акула» ба об фароварда шуд.
23.09.1991. Парлумони Ҷумҳурии Тоҷикистон қарори манъи фаъолияти Ҳизби Коммунистиро бекор намуд. Қадриддин Аслонов аз вазифа сабукдӯш гардид ва ба ҷои ӯ Раҳмон Набиевро рӯи кор овард.
2.09.1918. Лев Давидович Тротский сарфармондеҳи олии Артиши Сурх таъйин шуд. Ӯ дар пирӯзии Артиши Сурх дар ҷанги шаҳрвандии Русия нақши аз ҳама воло дошт ва тавонист, бо сафарбар кардани мутахассисони артиши собиқи подшоҳӣ ба Артиши Сурх маҳорати ҷангии артишро боло барад ва маҳз ба шарофати ин болшевикон тавонистанд, дар ҷанги гражданӣ зидди артиши сафед пирӯз шаванд.
27.08.1959. Дар СССР қарор дар бораи «Мукофотонидани беҳтарин хатмкунандагони макотиби миёна бо медалҳо» ба имзо расид.
28.08.1941. Раёсати Шӯрои Олии СССР қарор дар бораи «Кӯчонидани немисҳои навоҳии Поволжье»-ро қабул намуд. Немисҳо ҳангоми таъсисёбии СССР дар соҳилҳои Волга ҷумҳурии автономии худро таъсис дода буданд. Аммо баъди ҳуҷуми Олмон ба СССР ин шаҳрвандони шӯравӣ якбора ба душманони СССР табдил ёфтанд ва ҳамагӣ ба Осиёи Миёна ва Қазоқистон кӯчонида шуданд.
13.08.1941. Артиши румину олмонӣ дар рафти ҶБВ дар шарқтари Одесса ба соҳилҳои Баҳри сиёҳ баромада, Одессаро аз тарафи хушкӣ пурра ба муҳосира гирифтанд.
13.08.1961. Ҷумҳурии демократии Олмон (ГДР) сарҳадро байни Берлини ғарбӣ ва шарқӣ маҳкам кард ва ба сохтани девори Берлин шурӯъ намуд.
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
