26.01.1953. Дар шаҳри Брюссел конфронси нахустини Шӯрои ҳамкории гумрукӣ баргузор гардид. Дар ин конфронс Ташкилоти байналмилалии гумрук созмон дода шуд. Имрӯз ин ташкилот зиёда аз 150 кишварро дар бар мегирад. Аз соли 1983 бошад рӯзи таъсиси ин ташкилот чун рӯзи байналмилалии гумрукчиён қайд карда мешавад.
26.01.1968. Дар баҳри Миёназамин киштии зериобии исроилии "Даккар" ва киштии зериобии фаронсавии "Минерва" ҳамзамон нопадид гаштанд. Ҷолиб ин аст, ки ин 2 киштии зериобӣ дар масофаи 1000 мил аз ҳам дур қарор доштанд.
26.01.1997. Дар Ичкерияи мустақил интихоботи президентӣ баргузор ва Аслан Масхадов дуввумин президенти Чеченистон интихоб гардид.
19.01.1918. Патриархи калисои Русия Тихон ҳукумати Шӯравиро такфир ва 1 низоми ғайришаръӣ эълон намуд.
19.01.1946. Ҳукумати вақти Эрон ба СММ муроҷиат ва хоҳиш намуд, СММ ин кишварро аз дахли СССР ҳифз кунад. Ин муроҷиат беҷавоб намонд. ИМА ва иттифоқчиёнаш баъди чанде пои СССРро аз Эрон қатъ карданд. Болшевикон метавонистанд навоҳии шимолии Эронро коммунистӣ кунанд, аммо билохира шикаст хурданд ва ақоиди коммунистӣ дар Эрон танҳо дар симои ҳизби Туда боқӣ монд.
20.01.1939. КМ ВКП(б) бо ирсоли 1 мактуби махфӣ ба тамоми шӯъбаҳои НКВД и кишвар истифодаи шиканҷаро нисбати "душманони халқ" иҷозат дод.
11.01.1935. Нерӯҳои баҳрии шӯравӣ дар Шарқи Дур ба флоти ҳарбӣ-баҳрии Уқёнуси Ором табдил дода шуданд. Аввалин фармондеҳи флоти Уқёнусиоромии СССР флагмани флоти дараҷаи 1 М.В.Викторов таъйин карда шуд.
12.01.1936. Дар Иттиҳоди Шӯравӣ ҷамъияти варзишии ихтиёрии Локомотив созмон дода шуд. Он бештар командони роҳи оҳанро дар худ муттаҳид мекард.
12.01.1942. Дар СССР тайёраи Пе-2, ки аз Қазон ба самти Маскав парвоз мекард, дар наздикиҳои шаҳраки Сергач ба садама дучор шуд. Дар натиҷа 3 сарнишини он ва ихтироъкори машҳури шӯравӣ В.М.Петляков ба ҳалокат расиданд.
4.01.1918. Анҷумани аввалини Шӯроҳои Сибир қарор дод, ки Ҳокимияти шӯравиро бо нерӯи силоҳ дастгирӣ кунад.
4.01.1942. Маҷаллаи амрикоии "Таймс" натоиҷи соли 1942-ро ҷамбаст ва роҳбари СССР-Иосиф Виссарионович Сталинро одамӣ сол муаррифӣ кард.
4.01.1980. Президенти вақти ИМА Ҷимми Картер эълон намуд, ки кишвараш бозиҳои Олимпии Маскавро таҳрим мекунад. Сабаби ин амалкардро Картер вуруди нерӯҳои мусаллаҳи Шӯравӣ ба Афғонистон хонд.
27.12.1938. Дар Иттиҳоди Шӯравӣ унвони Қаҳрамони Меҳнати Сотсиалистӣ таъсис дода шуд. Ин унвон ба унвони Қаҳрамони Иттиҳоди Шӯравӣ баробар буд, бо ин тафовут, ки танҳо ба қаҳрамонони майдони меҳнат дода мешуд.
27.12.1968. Чин бомбаи гидрогениашро сохт ва бо муваффақият озмоиш кард.
27.12.1976. Дар СССР аввалин комплекси истеҳсолии корхонаи мошинсозии атомӣ-"Атоммаш" ба истифода дода шуд. Атоммаш дар шаҳри Волго-Донск воқеъ гардида буд ва бузургтарин корхонаи мошинсозии атомӣ дар кишвар маҳсуб меёфт.
27.12.1929. ГенСек Иосиф Сталин эълон намуд, ки СССР ба коллективикунонии сартосарӣ мегузарад ва сиёсати "барҳам додани кулакҳо чун синф"-ро пеш мегирад.
22.12.1943. Шӯрои Комиссарони Халқии СССР бо қарори худ матни суруди давлати (гимн)-и аввалин кишвари Шӯроҳоро ба тасвиб расонд. Акнун “чу дасти рус мадад намуд” ба тамоми забонҳои халқҳои СССР тарҷума гардид ва азёд карданаш ҳатмӣ буд.
22.12.1989. Дар Руминия низоми коммунистии Николай Чаушеску барандозӣ ва худи Чаушеску бо ҳамроҳии ҳамсараш ба қатл расонида шуд.
23.12.1947. Бо қарори Раёсати Шӯрои Олии СССР рӯзи 1 январ дар қаламрави Иттиҳоди Шӯравӣ Рӯзи Ид ва истироҳат эълон карда шуд.
24.12.1905. Дар шаҳри Лейпциги Олмон аввалин шумораи рӯзномаи марксистии "Искра" (“Шарора”) рӯи чоп омад. Он поярези матбуоти РСДРП ва яке аз аносури таъсиргузор дар ғалабаи баъдии болшевикон шуд.
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
