Аз таъсиси ЮНЕСКО то фирори Над

Чоршанбе, Нояб 07 2018

Смесители для душа и ванны
Детские игрушки, развивающие игры

Принт

1.11.1924. Дар АМО-заводи автомобилсозии ш.Маскав аввалин мошини боркаши шӯравии АМО-Ф-15 ҷамъоварӣ шуд. Тамоми қисматҳои мошин аз масолеҳи ватанӣ сохта шуда буданд ва 7 ноябр 10 мошини аввалин аз майдони Сурхи Маскав бо тантана убур намуданд.
2.11.1938. Дар СССР аввалин бор занон бо унвони Қаҳрамони Иттиҳоди Шӯравӣ қадр шуданд. Нахустин қаҳрамонзанҳои шӯравӣ, ҳавонавардон Валентина Гризодубова, Полина Осипенко ва Марина Расков буданд.
2.11.1945.Ҷопони императорӣ дар ҷанги ҷаҳонии 2 шикаст хӯрд ва ба санади таслими бечунучарои худро имзо намуд.
3.11.1931.Дар Иттиҳоди Шӯравӣ Институти марксизм-ленинизм дар назди КМ ВКП(б) таъсис дода шуд. Он то охирин рӯзҳои мавҷудияти СССР фаъолият дошт ва яке аз бойтарин ва бонуфузтарин муассисаҳои аввалин кишвари Шӯроҳо будӣ.

3.11.1983. Дар иёлоти Колифорниёи ИМА, дар рафти як семинар, ки ба бехатарии компютерӣ бахшида шуда буд, бори аввал мафҳуми "вируси компютерӣ" истифода шуд. Ин истилоҳро бори аввал донишҷӯи Донишгоҳи Калифорнияи Ҷанубӣ Фред Коэн ба забон овард.

4.11.1945. Оғози конфронси Қрим. Дар конфронси таърихӣ сарони 3 кишвари иттифоқчӣ дар ҷанг зидди Олмони гитлерӣ-Иосиф Сталин, Уинстон Черчилл ва Френсис Рузвелт бо ҳам вохӯрданд, то қисмати баъдиҷангии Олмонро ҳаллу фасл намоянд.
4.11.1946.Дар пойтахти Фаронса, шаҳри Порис ташкилоти нави байналмилалӣ ЮНЕСКО (СММ оиди масоили маориф, илм ва тамаддун) таъсис дода шуд.
4.11.1956.Артиши шӯравӣ ба пойтахти Венгрия-шаҳри Будапешт ворид шуд. Роҳбари Венгрия Имре Над ба сафоратхонаи Югославия паноҳ бурд. Ҳамин тариқ СССР ва иттифоқчиёни аврупоиаш шӯриши зиддикоммунистии венгерҳоро пахш карданд ва Янош Кадар-роҳбари ҷадиди Венгрия ҳукумати инқилобии коргару деҳқониро таъсис дод.
5.11.1929.Дар Иттиҳоди Шӯравӣ ташкилоти "Интурист" таъсис дода шуд. Он дар тамоми мавҷудияти СССР ягона ташкилоти сайёҳӣ дар кишвар маҳсуб меёфт.
5.11.1967. Дар СССР маркази телевизионии "Останкино" сохта ба истифода дода шуд. "Останкино" бо манораи телевизионии баландаш, яке аз маъруфтарин биноҳо дар собиқ шӯравӣ ба шумор мерафт.
6.11.1917.Дар пойтахти Русия-шаҳри Петроград, дастаҳои Гвардияи сурх бо кумаки сарбозони гарнизони шаҳрӣ, ки ба тарафи болшевикон гузашта буданд, пулҳо аз болои Нева, почта, телеграф ва истгоҳи роҳи оҳанро ишғол намуданд. Ин амалкард оғози шӯриши мусаллаҳона зидди Ҳукумати муваққат ба шумор меравад.
7.11.1917. Инқилоби сотсиалистии Октябр. Болшевикон Қасри Зимистонаро дар Петроград тасарруф ва Ҳукумати муваққатро сарнагуншуда эълон карданд.

Меҳрубон
Салимшоев