ХАБАРИ ДОҒ

Нафақахӯронро азоб надиҳед!

  • Ҷумъа, Март 09 2018


Барои ҳал кардани мушкилоти нафақаам ба Агентии суғуртаи иҷтимоӣ ва нафақаи назди Ҳукумати ҷумҳурӣ омадам. Ин Агентӣ дар ошёнаи 3-юми бинои баландошёна ҷойгир будааст. Азбаски пойҳоям дардманду фишорам баланд шуда буд, нафасамро рост карда, панҷараҳои зинаи ошёнаҳоро қапида-қапида, ба ошёнаи 3 баромадам. Ба фикрам, кадом 1 корбадасти бӯзбалае худ нафаҳмида, Агентии нафақахӯронро дар ошёнаи баланд ҷой додааст, ки инро ҳеҷ дараҷаи эҳтироми калонсолон қабул кардан нашояд. Ё амдан ин корро кардаанд, ки нафақахӯрону маълулон ба Агентӣ камтар муроҷиат кунанд? Воқеан, ҳамин гуна вазъиятро дар бинои баландошёнаи Агентии суғуртаи иҷтимоӣ ва нафақаи ш.Душанбе низ раво дидаанд, ки барои омода намудани санадҳои нафақагирӣ шаҳрвандони калонсол ба ошёнаҳои 3-у 4 бо азоб баромада мефароянд. Директори Агентии суғуртаи иҷтимоӣ ва нафақа, муҳтарам Сафаралӣ Наҷмиддинов ва директори Агентии суғуртаи иҷтимоӣ ва нафақаи ш.Душанбе Раҷабалӣ Дамонов ба ин масъала чӣ назар доранд?

И.Суварӣ,
нафақахӯр

ШУМО НАЗАР Ё ПАЁМЕ ДОРЕД

_______________________________________________

Китобҳо

Flag Counter