ХАБАРИ ДОҒ

Ҷаҳиши нархи СССР сунъист!

  • Чоршанбе, Март 13 2019


Баъзе фурӯшандаҳои СССР аз зиёд будани талабгорони ҳафтанома истифода бурда, бо ихтиёри худ нархро аз 2,5 сомонӣ то 4 сомонӣ бардоштаанд, ки ин нобахшиданист. Ҳатто шарм надошта, айбро ба гардани масъулони СССР бор мекунанд, ки ба ҳақиқат рост намеояд. Дар ин рӯз дар дӯкони газетафурӯшии назди Вазорати тандурустӣ ва ҳифзи иҷтимоӣ масъули дӯкон, ки худро Аҳмадова Муҳаббат муаррифӣ намуд, бешармона 1 дона СССРро 3,5-4 сомонӣ мефурӯхт. Қисми зиёди алоқамандони СССР нархи аниқи онро, ки медонистанд, аз харид даст мекашиданд, аммо дӯкондор бепарво бо хости дили худ нарх гузошта газетаҳоро мефурӯхт. Дар аксари нуқтаҳои фурӯши нашрияҳо танзими нарх вуҷуд надорад. Ба назорати нарх кӣ масъул аст? Аз 1 тараф байни хонанда ва редаксия нобоварӣ ва нофаҳмӣ пайдо шавад, аз сӯи дигар барои зиёдтар ба фурӯш рафтани ҳафтанома мушкилӣ эҷод мешавад ва нашрияҳо ба фурӯш нарафта, пас мегарданд. Ва ин албатта бар зарари редаксия аст!!! Ҳол он, ки ҳафтаномаҳоро дар ҷои дигар мардум интизор буданду ҳастанд. Ба беназоратии нархи СССР бояд хотима гузошт!

Ҷамолиддин Ҷалолиён,
муаллим, ш.Душанбе


Аз СССР: Рафиқон, аъзои Ихвон ал СССР! Мо газетаи мардумием ва расман ба шумо иҷозат медиҳем, ҳар фурӯшандаеро, ки нархи газетаро баланд мекунад, ба милиса кашед, сураташро гиреду ба редаксия равон кунед, рақами дӯконашро ба мо нависед. Мо якҷоя аз манфиати газетаи дӯстдоштанӣ ва ҳамзамон манофеи хонандаи сарсупурдаи хеш дифоъ мекунем. Мо Метавонем!

1 Паём

  • Шарҳр додан хайём Панҷшанбе, 28 Март 2019 22:37 Паём аз хайём

    Бародари гироми Чамолиддин дар дигар дўконхои шахру нохияхо намедонам, лек дар Шахри Панчакент як точкае, рўзнома фурўши бачае хаст аз 3- сомон зиёд намефурўшад бо он бача сўхбат кардам гуфт: ака ман таи 25-солбоза рўзнома мефурўшам ин рўзномахо аз Душанбе меояд бо нархи 2,5-сомони ман дар болояш 0,50 дирам мемонам гуфту ох кашид пурсидам агар монад возврат мефиристи гуфт пулашро медихам, аз рўйи формааш маълум ки гапи ростро мегўяд бояд вай дар болояш на 0,50-дирам аз 1,5 то 2-сомони монад мешавад мехнат мекунад

ШУМО НАЗАР Ё ПАЁМЕ ДОРЕД

_______________________________________________

Китобҳо

Flag Counter