ХАБАРИ ДОҒ

Ронандаҳои Файзобод “права” доранд?

  • Чоршанбе, Июн 12 2019

Дар қаламрави н.Файзобод теъдоди мошинҳои сабукрав меафзояд ва дар паси чамбар наврасон бо “права”-и “харида” мошин меронанд. Ҳар гоҳ ба ноҳия сафар  мекунам аз деҳаи Фатҳобод ронандагон баҳудаю беҳуда суръати ҳаракати мошинро баланд мебардоранд. Дар роҳи байни деҳа ронандагонеро мебинам, ки нақлиётро бо суръати баланд меронанд. Нозирони БДА, нозирони литсензияи Вазорати нақлиёт зери дарахтон пинҳон мешаванду ба қавле “луқма” мепоянд. Рӯзҳои якшанбе дар бозори «Истиқлол»-и Ҷамоати деҳоти Мискинобод бозор барпо мегардад ва ронандаҳои нохондаро Худо медиҳад.

PS: Агар дар БДА ҶТ ба ин факти овардаи ман розӣ нестанд, биёянд ва дар ҳузури журналистон чанд ронандаи таксии маҳаллиро, худашон баргузида, имтиҳон гиранд. Аксарият 2 нагиранд, ман дар ҳамин пиронсолӣ истеъфо медиҳам. Мо Метавонем! Онҳо чӣ???

Ҳокими Сафар, н.Файзобод

 

ШУМО НАЗАР Ё ПАЁМЕ ДОРЕД

_______________________________________________

Китобҳо

Flag Counter