ХАБАРИ ДОҒ

Мавзеи дарназардошта ҳудуди Файзобод нест

  • Чоршанбе, Март 04 2020

Мақомоти иҷроияи ҳокимияти давлатии ноҳияи Файзобод ба иттилои Шумо мерасонад, ки маводи рӯзноманигор Ҳокими Сафар бо номи «Файзобод: ба ҷойи ободӣ вайронӣ», ки дар нашрияи «СССР», шумораи №52 (589) аз 26 декабри соли 2019, рӯи чоп омадааст, мавриди омӯзишу баррасӣ қарор дода шуд.

Бояд гуфт, ки далелҳои дар маводи номбурда овардашуда асоси воқеӣ надоранд. Дар ҳудуди ноҳияи Файзобод дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти ҶТ Эмомалӣ Раҳмон солҳои охир корҳои ободонию кабудизоркунӣ бо суръат анҷом дода мешаванд. Хусусан дар шоҳроҳи Ваҳдат- Рашт дар се-чор соли охир корҳои зиёди ободонӣ, аз ҷумла таҳту ҳамворсозии талу теппаҳо, шинонидани дарахтони ороишӣ гулу гулбуттаҳо ва панҷарабандии ниҳолу гулбуттаҳои шинонидашуда дар маркази диққати роҳбарияти ноҳия ва Ҷамоатҳои шаҳраку деҳот қарор дорад.

Ҳамасола нигоҳубини дарахтони шинонидашуда дар сатҳи зарурӣ ташкил карда шуда, шумораи ночизи дарахтони хушкгардида, ки амри воқеист, аз нав барқарор карда мешаванд.

Ҳамзамон қайд намудан зарур аст, ки заминҳои мавзеи дарназардоштаи муаллиф, (майдони варзишӣ, ҷойи лавҳаи тарғиботии «Амонатбонк» ва симчубҳои наҳри «50-солагии Тоҷикистон») ба заминҳои ҳудуди ш.Ваҳдат дохил мешаванд.

Мақомоти иҷроияи ҳокимияти давлатии ноҳия минбаъд низ тамоми чораҳоро меандешад, ки ба корҳои ободонӣ дар доираи Нақшаи чорабиниҳо ҷиҳати истиқболи сазовори ҷашни муқаддаси 30-солагии Истиқлолияти давлатии Ҷумҳурии Тоҷикистон вусъати тоза бахшида, дар шоҳроҳи Ваҳдат-Рашт шинонидану сабзонидани ниҳолҳои ороишиву сояафканро идома диҳад.

М. Раҷабзода, раиси ноҳия

 

ШУМО НАЗАР Ё ПАЁМЕ ДОРЕД

_______________________________________________

Китобҳо

Flag Counter