“СССР”-и азиз! Хабари 10-15% зиёд шудани нафақа ва маош пули миллиамонро боз хортар мекунад. Масалан, бо сабаби 1 ставка дарс доштанам нафақаи маро 1 дирам ҳам зиёд накардаанд. Дар мактабҳо ба нафақахӯрон аз 1 ставка зиёд дарс намедиҳанд. 

Ман соли 2011 бо сабаби беморӣ бо 770 сомонӣ нафақа баромадам. Шодиям ҳадду канор надошт, чунки нафақаи ман баробари 170 доллари америкоӣ қурб дошт. То моҳи октябри соли 2013 нафақаамро аз «Амонатбонк» нагирифтам. Бо пули нафақа соли 2013 ба ҳаҷ рафтам.  Ҳоло нафақаам аз 1000 сомонӣ болост, вале арзишаш ба сад доллар  баробар нест. Пас сатҳи зиндагии ман соли 2011 беҳтар буд, ё соли 2020? Аз масъулон хоҳиш мекунам, ки на маошҳо боло раванду на нархҳо ба осмон дакка хӯранд, то ки аққалан дар ин муҳити кор набудану сатҳи пасти зиндагӣ орду равған ва шакару макарон дарёб карда тавонем.

Исмоил Зарифӣ, омӯзгор, ш.Панҷакент