Сафаралӣ Бегмонов, муаллиф ва хонандаи доимии газета аз н. Ёвон, (93 411 91 74) ба идораи СССР занг зада, дар бораи симчӯбҳои фарсудаи ноҳия ибрози назар кард:
- Салом ба аҳли эҷоди ҳафтаномаи мардуми СССР! Шукр, ки шумо ҳастед ва 1 даричаи дигаре барои арзу шикоятҳои мардум мешаведу ба додашон мерасед. Ман дар бораи симчӯбҳои куҳнашудаи барқии н.Ёвон ба раиси ноҳия Ҷамшед Саидзода арз карда будам. Бархе аз симчӯбҳо солҳои 1950-уми асри гузашта насб карда шуда буданд. Он кас ваъда доданд, ки иваз мекунем, вале то ҳол иваз накардаанд. Ҳарчанд мардум дар вақташ пули барқро месупоранд. Ин симчӯбҳо дар камтарин шамол метавонанд биафтанд ва дар зимистон хатари бебарқӣ ба мо таҳдид мекунад.
