ХАБАРИ ДОҒ

Рӯзи якшанбеи гузашта, бо яке аз хешовандон аз маъракае бармегаштем. Роҳамон аз назди бозори «Бале ҷавон» гузашт. Ӯ сабукравашро назди бозор манъ кард, то мева харид бикунад. Дар наздикии даромадгоҳи бозор ҷавонмарде, ки гелосу зардолу мефурӯхт, ҷор мезад: «Ба гелоси деҳқонӣ, биё! Гелосу зардолуи арзон!».

- Гелоси деҳқониат чанд пул аст? - пурсид шарикам.

- Килояш 20 сомонӣ.

- Зардолу чӣ?

- 10 сомонӣ, - посух дод фурӯшанда ва афзуд: Меваҳои деҳқонӣ аз боғи худамон. Барои ҳамин ҳам арзон мефурӯшам.

- Чӣ хел арзон? - Ба сӯҳбат ҳамроҳ шудам ман. - Ҳамин хел гелос дар дӯкони назди хонаи мо 15 сомонӣ, зардолу бошад, 8 сомонӣ нарх дорад.

- Ака, ман деҳқони дуюмам, - гуфт фурӯшанда лабханд карда.

 Ҷовид Муқим,

ш.Душанбе

 

ШУМО НАЗАР Ё ПАЁМЕ ДОРЕД

_______________________________________________

Китобҳо

Flag Counter