Кумитаи дин хондани таровеҳ дар хонаҳои шахсӣ бо иштироки то 10 нафарро иҷоза додааст. Ҳусейн Шокиров, раҳбари раёсати иттиҳодияҳои дини ин Кумита гуфтааст, ин тасмим дар пайи муроҷиати намозгузороне сурат гирифтааст, ки масҷид аз маҳалли зисташон дуртар воқеъ аст: “мо танҳо шифоҳӣ иҷоза додем, ки то даҳ нафар дар хонаҳои худашон намози таровеҳро гузоранд. Аслан, ин дархостро бештар сокиноне карданд, ки бо далели бемориву раҳдурӣ наметавонанд, ба масҷид бираванд.”