Ҷаноби вазир! 120.000 китоб брак аст!

Ҷумъа, Авг 26 2016

Смесители для душа и ванны
Детские игрушки, развивающие игры

Принт

Моҳи сентябри соли 2015 дар ҷустуҷӯи китоби дарсии «Забони модарӣ» барои синфи 2 ба «Олами китоб»-и хиёбони Айнӣ сар задам. Дукондорон савганд хӯрданд, ки тамом кардем. 1-2 касаш гуфтанд, ки гоҳ-гоҳ дароед, мешавад, нархаш-45 сомонӣ! Борҳо рафтам, аз ин китоб дарак нест. Октябр ҳам ба поён мерасид, ки китоб расид. Дӯкондори ҷавоне гуфт: «Сари бор аст, барои худат 25 нею 23 сомонӣ». Чанд китобро варақгардон кардам, бесифат! Ночор якеашро дар 23 сомонӣ гирифтам. Дар хона саҳифа гардондам. Дар поёни рӯи рости варақи 1 омадааст:

Вазорати маорифи Ҷумҳурии Тоҷикистон

Ф. Шарифзода, М. Лутфуллоев, Б. Ғаниева, С. Куйбекова

Дар саҳифаи охир номи 1 ширкати чинӣ омадаву дар таги он навишта шудааст:

Ба чопаш 20.03.2012 имзо шуд... Адади нашр 120 000.

Аз об рӯшантар аст, ки ин китобро корчалонҳое нусхабардорӣ кардаанд. Заҳмати 4 нависандаи гиромии ин китоб, чашмҳои меҳрбори 1 дунё кӯдакро пеши рӯ наёварда, ончунон шакидаву андова кардаанд, ки ногуфтанӣ! Чунончи, дар саҳ.13 рангҳои сурху сабзи Парчами давлатиро сиёҳ карда, ба ҷои 7 ситора 4 нуқтаи сиёҳ чакондаанд!

Чун дидам, ки ин китоб ба дард намехӯрад, моҳи январ боз ба ҳамон «Олами китоб» рӯ овардам. Китоби аслиро пайдо кардам: калонтар, пуштакӣ -- сахт, хат -- хоно, суратҳо -- рангаву рӯшану зебо...

Фурӯшанда китобро 18 гуфту дар 15 сомонӣ дод! Ин ҳамон китобест, ки дар сари соли хониш 45-ӣ мезадандаш!

Сайёд ҒАФФОР,

шоир