Дар ин бора баъди шиносоӣ бо ҳаёти сокинони навоҳии Бобоҷон Ғафурови Тоҷикистон ва Лайлаки Қирғизистон хабар додааст. “Барои он, ки аз маҳаллаи Хистеварзи Тоҷикистон ба қаламрави Қирғизистон равӣ, гузаштани роҳи мошингузар кофист. Ин ҷо гузаргоҳҳо ва симхорҳо вуҷуд надоранд. Тӯйхонаи наздисарҳадии “Раъно” бо 350 ҷои нишаст айни ҳол дар таъмир аст. Соҳибонаш ба мавсими тӯйҳо омодагӣ дида истодаанд. Кормандони тӯйхона мегӯянд, тоҷикон дар ин тӯйхона меҳмонони доимиянд. Ҳаққи хизмати тарабхонаи дигар бо 220 ҷои нишаст баробари 2000 доллар аст, ки барои тӯйдорони тоҷик маблағи калон нест. Тоҷикон на танҳо барои тӯй, балки барои дигар молҳои ниёзашон низ ба Қирғизистон меоянд, зеро ин ҷо нархҳо арзонтаранд ва бисёри мағозаҳои наздимарзӣ нархҳояшонро ҳам бо сом ва ҳам бо сомонӣ нишон медиҳанд. Аз ҷумла 1 гусфанде, ки дар қаламрави Қирғизистон $100 аст, дар Тоҷикистон бо нархи 150 доллар фурӯхта мешавад” – менависад “Open Asia”.
