ХАБАРИ ДОҒ
Душанбе, Авг 15 2016


Газетаи мардумии СССР то ин дам якчанд маротиба дар бораи терминали байналмилалии фурудгоҳи Душанбе матлабҳои танқидӣ навишта буд. Аз ҷумла, ҳам аз тарафи мухбирони мо ва ҳам аз тарафи хонандагони газета вазъи ошхонаи миллӣ ва нуқтаи фурӯши хурди дигаре, ки дар умум ба ягон талабот ҷавобгӯ набуданду дар дохили терминали нав бо маҳсулоти пастсифати хеш ба фурӯш машғул буданд, зери танқид гирифта шуданд. Ба ғайр аз ин, хонандагони СССР борҳо дар мавриди таваққуфгоҳи назди фурудгоҳ, ки кайҳо кӯҳна шудаву аз талаботу хизматрсонии замонавӣ қафо мондааст, дар саҳфаҳои газета шиква мекарданд.

Душанбе, Авг 15 2016


Ширкати ҳавопаймоии «Сомон Эйр» парвозҳо аз рӯйи самти Душанбе-Лоҳур-Душанбе ва Душанбе-Кобул-Душанберо бекор намуд. Чуноне ки дар маркази матбуоти ширкати мазкур хабар доданд, чунин тадбир хусусияти муваққатӣ дошта, бо сабаби кам будани теъдоди мусофирон вобаста мебошад. Ширкати ҳавопаймоӣ оиди барқарор кардани парвозҳо ба Лоҳур ва ба Кобул Шуморо қаблан огоҳ хоҳад кард.

Панҷшанбе, Авг 04 2016

1 сайёҳе, ки ба минтақаи Кӯлоб меояд, ҳамагӣ 43 сомонӣ фоида меорад. Маблағи воридотии 1 сайёҳи дохилӣ бошад, ҳамагӣ 7 сомонист.

Панҷшанбе, Авг 04 2016

Хадамоти алоқаи ҶТ мегӯяд, дар Тоҷикистон нисбат ба моҳҳои аввали соли 2015 теъдоди корбарони интернет зери 1 млн нафар кам шудааст. Дар Тоҷикистон  аз ҳар 100 нафар истиқоматкунанда танҳо 34 нафарашон аз  интернет истифода мебаранду халос. Дар ҳоли ҳозир шумораи умумии истифодабарандагони интернет дар ҷумҳурӣ ба 2,8 млн. нафар мерасад.

 

Чоршанбе, Авг 03 2016

Ширкати «Таком», ки зери тамғаи Beeline дар Тоҷикистон хизматрасонии алоқаро ба муштариён пешниҳод мекунад, дар бораи роҳандозии хизмати нав бо номи «Бехатар инфо»эълон медорад. Ронандагони воситаҳои нақлиёт тавассути ин хизматрасонии нав дар бораи қоидавайронкунӣ ва ҷаримаҳои худ, ки системаи «Шаҳри бехатар» сабт кардааст, ба воситаи СМС – паёмак огоҳ хоҳанд шуд.

Чоршанбе, Авг 03 2016

Раёсати БДА ВКД ҶТ нархномаи хизматҳои пулакияшро дар сомонаи расмии ВКД ҶТ нашр намудааст.

саҳ 90 аз 106

Китобҳо

Flag Counter