ХАБАРИ ДОҒ
Ҷумъа, Янв 27 2017

2991 нафар навхонадорон дар соли гузашта аз ташхиси ҳатмӣ гузаштаанд - мегӯяд Абдусамеъ Ортиқов сардухтури маркази саломатии шаҳри Панҷакент.

Ба иттилои ҷаноби Ортиқов, ташхис барои навхонадорон, тибқи қарори вазорати Тандурустӣ ҳатмӣ ва ройгон буда, бояд ҳама навхонадорон пеш аз издивоҷ аз ташхис гузаранд. Аммо як мушкилӣ ҷой дорад, ки то ҳол падару модарони ҷавонон ва котибони ҷамоати деҳот ва кормандони САҲШ ба ҷавонон намефаҳмонанд, бояд зуддат аз ташхис гузаранд. Агар барои мисол рӯзи шанбе тӯй дошта бошанд, арӯсу домодшавандагон чанд руз пеш ба мо муроҷиат мекунанд. Онҳо намедонанд, ки барои гирифтани ҷавоби  баъзе ташхисҳо бояд чанд рӯз интизор шуд. Ин амали онҳо боис мегардад, ки тӯяшон ба дигар рӯз гузошта шавад - мегӯянд масъулони соҳа.

Аз рӯи қонунҳои САҲШ навхонадоршавандаҳо бояд ҳадди ақал 1 моҳ пештар бояд ба ин мақомот ариза диҳанд. Дар ҳамин ҳол бояд ҷавонон аз ташхис ҳам ҳарчи зудтар гузаранд.

Хуршед Фозилов

 

Ҷумъа, Янв 27 2017

Аҷобати кор дар он аст, ки барои мардум рафтан ба беморхонаи касалиҳои рӯҳӣ шарм ё ор шудааст - мегӯяд Зайниддин Одинаев сардухтури беморхонаи касалиҳорӣ рӯҳии шаҳри Панҷакент. Ба таъкиди ӯ, ба андешаи мардум ин беморхона гӯё танҳо барои беморони рӯҳист. Аммо ҳақиқат ин нест. Дар дигар кишварҳо аз хизматрасонии рӯҳшиносон васеъ истифода мебаранд. 

-Дар вақти мушкилӣ пеш омадан ва гирифтори ғаму дард гардидан бояд мардум ба рӯҳшиносон муроҷиат кунанд. Одамон имрӯз агар асабиву ба мушкилии равонӣ гирифтор мешаванд, дарҳол назди невропатолог мераванд. Вале ҳоло ҳам дар мо истифода аз муроҷиати рӯҳшиносон роиҷ нашудааст - иброз медорад Одинаев. Ба иттилои ӯ, он чанд нафаре, ки соли гузашта худкушӣ карда буданд, дар қайди беморхонаи мазкур набудаанд. Вале хулосаи худкушии чанде аз онҳоро мақомот ба гирифтор будани бемории рӯҳӣ рабт доданд.

Хуршед Фозилов

 

Панҷшанбе, Янв 26 2017

Дар рафти гузаронидани чорабиниҳои зиддисӯхторӣ дар ш. Душанбе 385 иншоот ва 5773 манзилҳои зисти шаҳрвандон таҳти санҷиш қарор дода шуда, ба 13 670 нафар шаҳрвандон қоидаҳои бехатарӣ аз сӯхтор омӯзонида шуд. Нисбати вайронкунандагони талаботи қоидаҳои бехатарӣ аз сӯхтор протоколҳои ҳуқуқвайронкунии маъмурӣ тартиб дода шуда, ҷарима татбиқ карданд.

Чуноне ки ба мухбири мо дар маркази матбуоти ВКД Ҷ хабар доданд, бархе аз шаҳрвандон дар баробари вайрон намудани қоидаҳои бехатарӣ аз сӯхтор боз даст ба ғайриқонунӣ истифода бурдани қувваи барқ мезананд. чунин нафарон аз тарафи ниҳодҳои марбута ҳуҷҷатҳои лозима тартиб дода шуд, ба мақомотҳои дахлдор ирсол гардиданд.

Дар баробари гузаронидани корҳои ташвиқотиву тарғиботии зиддисӯхторӣ дар биноҳои истиқоматии баландошёна, инчунин хонаҳои баландошёни навсохту нотамом мавриди санҷиш қарор дода шуда, нисбати 25 нафар мутасаддиёни иншоотҳои номбурда протоколҳои ҳуқуқвайронкунии маъмурӣ тартиб дода шуда, ҷаримабандӣ карда шудаанд. 

Ин рейдҳои кормандони Сарраёсати Хадамоти оташнишонии ВКД ва воҳидҳои он тибқи дастуру супориши роҳбарияти ВКД ҶТ сурат гирифта дар иншоотҳои муҳими давлатии баландошёна, хобгоҳу манзилҳои истиқоматӣ идома дорад.

 

СССР

 

 

Панҷшанбе, Янв 26 2017

КВД «Тоҷикаэронавигатсия» иброз медорад, ки дар соли сипарӣ гардида бо намояндагони Ҳукумати авиатсионии Ҷумҳурии исломии Афғонистон вобаста ба кушодани долони нави ҳавоӣ сӯҳбат намуда дар ин бора Созишномаро оид ба аз нав барқарор намудани масири ҳавоӣ низ ба тасвиб низ расонидааст. Дар ин бора ба намояндагони воситаҳои ахбори оммаи кишвар имрӯз Раҳимҷон Саидов, муовини сардори корхонаи мазкур хабар дод.

Инчунин, Раҳимҷон Саидов  афзуд, ки аз ҷониби корхона дар соли 2016 ба 201 ширкати ҳавопаймоии сохторҳои мухталифи ватаниву хориҷӣ хизматҳои аэронавигатсионӣ пешкаш гардид, ки аз онҳо 15-тоаш ширкатҳои иҷрокунандаи парвозҳои доимӣ ва 186-тоаш ширкатҳои иҷрокунандаи парвозҳои ғайридоимӣ мебошанд.

Аз тарафи КВД «Тоҷикаэронавигатсия» дар соли гузашта ба 44 517 адад киштиҳои ҳавопаймоӣ хизматҳо пешниҳод шуд, ки ин назар ба соли 2015 11% камтар аст. Бино ба иттиллои Раҳимҷон Саидов, сабаби асосӣ - ин камшавии парвозҳои транзитӣ, поинравии теъдоди парвозҳо ба самти Федератсияи Русия, барои таъмир баста шудани фурудгоҳи Қӯрғонтеппа ва набудани масирҳои трансконтиненталии қулай дар Афғонистон барои ширкатҳои авиатсионие, ки тавассути фазои ҳавоии кишвари мо убур мекунанд, мебошад.

 

СССР

 

Панҷшанбе, Янв 26 2017

КВД «Тоҷикаэронавигатсия» эълон намуд, ки корҳои сохтмонӣ барои бунёди манораи 36-метрӣ дар фурудгоҳи ш. Душанбе аз моҳи августи соли 2017 оғоз ёфта онро мутахассисони фаронсавӣ хоҳанд сохт.

Чуноне ки имрӯз зимни нишасти матбуотӣ Алишер Шанбиев, муовини аввали сардори КВД «Тоҷикаэронавигатсия» иброз дошт, тарҳи сохти манора дар навбати аввал то 3 миллион доллари ИМА-ро ташкил медод. 

- Ҳоло бошад бо назардошти болоравии қурби доллари амрикоӣ ин нарх шояд каму беш иваз шуда бошад. Манора аз ҳисоби давлати Фаронса бунёд ёфта мӯҳлати сохта ва ба истифода додани он 18 моҳро дар бар мегирад, - қайд намуд Алишер Шанбиев дар мулоқоти хеш бо журналистон.

СССР

 

Чоршанбе, Янв 25 2017

Дар шаҳри Панҷакент, соли 2016, 8260 кӯдак ба дунё омадааст. Дар ин бора Раъно Абдуллоева, муовини менеҷери сохтори госпиталии ш.Панҷакет дар нишасти хабарӣ иттилоъ дод. Ба иттилои Абдуллоева, ҳамчунин дар соли гузашта, 63 ҳолати мурда таваллуд шудани кӯдакон ба қайд гирифта шудааст. Аз шумори умумии кӯдакони таваллудшуда, 51% мардҳо ва 49%-ро духтарон ташкил медодаанд. Вобаста ба саволи хабарнигорон дар мавриди фавти модару кӯдак, масъулини беморхона афзуданд, ки фавти модарон нисбати соли 2015 камтар буда, дар соли қабл ин адад 2 ҳолатро ташкил медиҳад.

Хуршед Фозилов

 

саҳ 94 аз 123

Китобҳо

Flag Counter