Сохтмони тарҳи роҳи оҳани панҷгона, ки давлатҳои Чин, Қирғизистон, Тоҷикистон, Афғонистон ва Эронро бо ҳам мепайвандад, зина ба зина амалӣ ёфта пас аз якчанд ҷаласаи байнидавлатӣ алакай масъалаи аз ҳудуди кадом шаҳрҳову минтақаҳо гузаштани роҳи оҳан ҳалли худро ёфтааст. Инчунин, ин кишварҳои панҷгона масофаи байни релсҳоро низ мутобиқи стандартҳои байналмиллалӣ муайан кардаанду ва дар вохӯрии оянда масъалаи омодасозии созинома барои оғози сохтмон баррасӣ хоҳад гашт. Ин нуқтаро Шералӣ Ганҷалзода, вазири нақлиёти ҶТ рӯзи 1.07.2016 зимни нишасти матбуотӣ иброз кард.
Айни замон дар комплекси нақлиёти кишвар 18 лоиҳаи инвеститсионии мухталиф ба маблағи умумии 655,3 миллион доллари ИМА мавриди татбиқшавӣ қарор дошта дар арафаи ҷашни 25 солагии истиқлолияти давлатӣ лоиҳаҳои азнавсозии роҳхои автомобилгарди Кӯлоб – Қалъаихумб, қитъаи Ш. Шоҳин – Шоҳон, Восеъ – Ховалинг ва сохтмони пулҳо ва нақбҳо дар роҳи оҳани Душанбе – Хатлон, қитъаи Ваҳдат – Ёвон ба истифода дода мешаванд. Дар ин бора ба хабарнигорон Шералӣ Ганҷалзода, вазири нақлиёти кишвар рӯзи 1 августи соли ҷорӣ иттиллоъ дод.
Чуноне ки Шералӣ Ганҷалзода хабар дод, айни замон корҳои таҷдидӣ дар якчанд иншооти нақлиётии барои рушди ичтимоию иқтисодии ҷумҳурӣ муҳим аз қабили азнавсозии роҳҳои автомобилгарди Душанбе – Турсунзода – аз ҳайкали Абӯали ибни Сино то дарвозаи ғарбии шаҳри Душанбе, таҷдиди роҳи автомобилгарди Хуҷанд – Исфара, бунёди терминали боркашонӣ дар фурудгоҳи шаҳри Душанбе ва таҳиякунии хулосаи техники роҳи автомобилгарди Душанбе – Қӯрғонтеппа идома доранд.
СССР
Ширакати ҳавопаймоии «Тоҷик Эйр», ки ҳамзамон ягона ширкати ҳавопаймоии миллӣ мебошад, айни замон пешниҳоди ширкатҳои ҳавопаймоии Чину Покистону Ҳиндустонро дар бораи ифтитоҳи хатсайрҳои транзитӣ ба Фаронсаву Белгияро тавассути Тоҷикистон, баррасӣ дорад.
Айни замон тамоми таҷҳизоти аэронавигатсионии кишвар дар ҳолати хуби корӣ қарор дошта коршиносони КВД «Тоҷикаэронавигатсия» ҳамаи марзҳо ва ҳудуди Тоҷикистонро метавонанд хуб гӯш кунанд ва зери назорат бигиранд. Ҳар 1 парвозе, ки аз масири ҳавоии мамлакат сурат мегирад, аз даромадан ба марз ва то баромадан аз он, роҳнамоӣ карда шуда ба ғайр аз ин боз 2 долони ҳавоии транзитӣ аз кишвари мо мегузарад. Дар ин бора рӯзи 28 июли соли 2016 зимни мулоқоти хеш бо журналистон Исмоил Ҷобиров, директори КВД «Тоҷикаэронавигатсия» хабар дод.
Бино ба иттиллои ӯ, яке аз долони қобили таваҷҷӯҳи киштиҳои ҳавопаймоии хориҷӣ, ки тавассути Тоҷикистон ба таври транзит парвоз мекунанд, ин долони «Осмон – Помир – Фирӯз» мебошад. Аз ин долон бештар ҳавопаймоҳое истифода мебаранд, ки ба воситаи фазои Қирғизистон ва Тоҷикистон ба Афғонистон парвоз мекунанд ва дар нимсолаи якуми соли ҷорӣ ба воситаи ин долон 103 парвози транзитӣ анҷом дода шудааст.
Корхонаи мазкур дар 6 моҳи соли 2016 ба 149 ҳавопаймо хизматҳои аэронавигатсионӣ пешкаш намудааст. Ки аз онҳо 15-тоаш ширкати иҷрокунандаи парвозҳои доимӣ ва 134-тоаш ширкатҳои иҷрокунандаи парвозҳоиғайридоимӣ мебошанд. Аэродромҳои кишварамонро бошад дар ҷамъ 45 навъи киштиҳои ҳавопаймоӣ истифода бурдаанд.
СССР
28 июли соли 2016 бо қарорҳои дахлдори Раиси шаҳри Душанбе Маҳмадсаид Убайдуллоев дар 1 идда сохторҳои шаҳрӣ тағйироти кадрӣ гузаронида шуд.
Дар 6 моҳи аввали соли ҷорӣ аз ҷониби КВД «Тоҷикаэронавигатсия» ба 21 ҳазору 801 киштиҳои ҳавопаймоӣ хизматҳо пешкаш шуда ин ба 3642 адад нисбат ба ҳамин давраи соли гузашта камтар аст. Коршиносони ин корхона яке аз сабабҳои камшавии парвозҳоро дар бӯҳрони молиявӣ ва таъсири он ба хати сайри парвозҳо мебинанд.
ХАБАРҲОИ ОХИРИН
- Деваштич: об нест, барқ проблема, картошка сӯхт... Назар
- Асрори мадрасаи Хоҷа Сарбоз Назар
- “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” Назар
- Резаахбор Назар
- Бародар қарори судро иҷро намекунад… Назар
- Таъминот кори мактаб нест Назар
- Абуҳанифа: таоруфи миллӣ ва Ислом Назар
- Беадолатӣ дар футболи тоҷик Назар
- Редаксия супориш дод: Чилучорчашма рав! Назар
- «Мардон» - мушкили №1 дар Душанбе Назар
- Дар як сатр Назар
- Адвокати хайрхоҳ меҷӯям… Назар
