Вориди боғи «Кӯли ҷавонон», ки дар маркази пойтахт, дар шафати Кохи «Наврӯзгоҳ», шаҳраки «Қатар Диёр» ва рӯбарӯи Қасри Миллат аст, мешавам. Аён, ки дар рӯзҳои гарми тобистон, алалхусус моҳи шарифи Рамазон сокинони пойтахт ба ин самт рӯ меоранду лаби обу зери дарахтони азими чанори ин боғ нишаста, истироҳат мекунанд. Шумораи зиёди ошхонаву ба ном қаҳвахонаҳо, дӯконҳои майдафурӯшӣ, мизҳои пур аз анвои нӯшиданиву хӯрдании зери офтоб ҷойгирифта, бозиҳои дилхушии кӯдакон сартосари боғро фаро гирифтаанду ба мардум хизмат мекунанд. Аммо чӣ гуна хизмат мекунанду дар чӣ шароит фаъолият доранд, инро ревизори СССР бо чашмаш дид.