ХАБАРИ ДОҒ
Чоршанбе, Фев 15 2017

Аз ҷониби комиссияи махсуси ВКД ҶТ дар якҷоягӣ бо сохторҳои дахлдор дар шаҳраку микрорайонҳои ш. Душанбе вобаста ба истифодаи ғайриқонунии нерӯи барқ санҷишҳо идома доранд.

Ҳангоми санҷиши навбатӣ, дар гузаргоҳи дуюми к. Деҳлавии ноҳияи Шоҳмансури шаҳри Душанбе, аз ҷониби гурӯҳи кории муштараки ВКД бо дигар мақомотҳои дахлдор муайян гардид, ки иҷоранишинон Саъбагул Каримова ва Амина Қурбоншоева давоми 3 сол аст, ки аз нерӯи барқ бе ҳисобкунаки барқӣ истифода бурда, маблағи истифодаи онро напардохтаанд. 

Чуноне ки сомонаи расмии ВКД ҶТ иттиллоъ медиҳад, дар яке аз ҳуҷраҳои зисти иҷоранишини дигар Шаъмигул Исмоилова низ, далели истифодаи қувваи барқ берун аз ҳисобкунаки барқӣ ошкор карда шуд, ки инҷо фурузонакҳои тафсон ва асбобу таҷҳизотҳои сермасраф фаровон истифода карда мешуданд. 

Ҳамингуна далелҳои тасарруфи нерӯи барқ дар бинои дуошёнаи кӯчаи Валаматзода 3/2, ки ҳанӯз ду сол қабл бинобар сабаби дар ҳолати садамавӣ қарор доштани он, истиқомати минбаъдаи сокинонро дар он қатъ карда буданду сокинонашро ба дигар ҷо кӯчонида буданд, аммо ба ин нигоҳ накарда, ҳанӯз ҳам дар он, ҳарчанд, ки дар ҳолати хавфи сарзадани сӯхтор қарор дошта, инчунин дар ҳолати пасти санитарию эпидемиологӣ қарор дорад, бе истифодаи ҳисобкунакҳои барқӣ дар 4 ҳуҷраи он аз ҷониби сокинон нерӯи барқ то ҳанӯз ҳам фаровон истифода бурда мешавад. 

Дар кӯчаи Деҳлавӣ хонаи №3 ҳуҷраҳои 1 ва 2 аз тарафи иҷоранишин Абдуҷабор Ёқубов низ риояи қоидаҳои бехатарӣ аз сӯхтор ва ҳолати санитарӣ дар сатҳи паст қарор дораду номбурда дар манзили зисташ ба забҳи мурғҳо машғул гардида, фурӯши онҳоро ба роҳ мондааст. 

Чунин ҳолат ба иттилои мудири шуъбаи гигиенаи коммуналии ноҳияи Шоҳмансур Зебуниссо Ятимова, эҳтимолияти ба вуҷуд овардани ҳаргуна касалиҳои сироятиро дар пай дорад. 

Вобаста ба ҳолатҳои ҷойдошта, аз ҷониби Ситоди якҷояи ВКД нисбати ҳуқуқвайронкунандагон санаду протоколҳои маъмурӣ тартиб дода шуда, ба мақомотҳои дахлдор барои чораҷӯи ирсол карда шуданд.

 

СССР

 

 

Чоршанбе, Фев 15 2017

Эмомалӣ Раҳмон, президенти ҶТ имрӯз. Зимни мулоқоти хеш бо аҳли ҷамъоматчии пойтахт изҳор дошт, ки вазъи роҳҳо дар шаҳри Душанбе нигароникунанда буда таҳти назорати ҷиддии Ҳукумати мамлакат қарор дорад.

Масъалаи роҳҳо яке аз масъалаҳоест, ки дар шаҳр беҳбудӣ мехоҳад ва боиси ташвиши сокинони пойтахт мебошад, ба талаботи муосир ҷавобгӯ набудани роҳҳои шаҳр аст.

- Ҳукумат чанд сол пеш азнавсозии роҳи Душанбе – Ваҳдатро ба анҷом расонида, дар доираи лоиҳаи «Беҳтар намудани ҳолати роҳи минтақавии Душанбе — Турсунзода” дар ҳудуди шаҳри Душанбе барқарорсозии қитъаи роҳро аз чорроҳаи хиёбони Абӯалӣ Сино то дарвозаи ғарбии шаҳри Душанбе тибқи меъёрҳои замонавӣ оғоз намуд ва имсол корҳои таҷдиди қитъаи роҳро аз бозори “Корвон” то шоҳроҳи Душанбе — Қӯрғонтеппа шурӯъ менамояд. Умуман, дар доираи сохтмон ва таҷдиди шоҳроҳҳои Душанбе-Чаноқ, Душанбе – Кӯлоб – Хоруғ — Қулма, Душанбе — Турсунзода, Душанбе –Қӯрғонтеппа — Панҷи Поён ва роҳҳои Душанбе – Айнӣ — Ҳисор, Душанбе –Рӯдакӣ — Лоҳур беш аз 42 километр роҳҳои шаҳри Душанбе ба маблағи 270 миллион сомонӣ азнавсозӣ карда шудаанд. Бо вуҷуди дар даврони истиқлолият таҷдиду азнавсозӣ гардидани 185 километр хиёбону роҳҳо ва 123 километр роҳҳои пиёдагард боз 550 километр кӯчаву роҳҳо ва 230 километр роҳҳои пиёдагард ба таъмиру азнавсозии ҷиддӣ эҳтиёҷ доранд ва на ҳамаи роҳҳои шаҳри Душанбе ба талаботи шаҳри муосир ва пойтахти мамлакат ҷавобгӯянд, таъкид дошт дар баромади худ Эмомалӣ Раҳмон.

 Бино ба гуфти сарвари давлат, яке аз омилҳои суст ба роҳ монда шудани азнавсозии инфрасохтори коммуникатсионии шаҳри Душанбе бесабаб тӯл кашидани ҷараёни сохтмону таҷдиди роҳҳо, сатҳи пасти касбияти ширкатҳои ғолиби озмунҳо буда, илова бар ин, сифати корҳои анҷомдодашуда ба талаботи замона мутобиқ нест.

 

СССР

 

 

Душанбе, Фев 13 2017

Бо он ки сол аз сол шумораи биноҳои нави истиқоматӣ дар пойтахт мисли занбурӯғҳои баъди борон сар мекашанду пулдорҳо барои ояндаи хеш паси ҳам 2-3-тоӣ хона мехаранд, ҳазорҳо нафар шаҳрвандони оддӣ, аз ҷумла, муаллиму духтуру муҳандису журналист… солҳо дар навбати хона истодаанд…

Ахиран, раиси шаҳри Душанбе Рустами Эмомалӣ ба Агентии назорати давлатии молиявӣ ва мубориза бо коррупсияи кишвар дастур дод, ки бахши хоҷагию молиявии Ҳукумати пойтахтро мавриди санҷиш қарор дода, дар баробари он фаъолияти ширкатҳои сохтмонии шаҳрро, ки бо бунёди биноҳои истиқоматӣ машғуланд, тафтиш намояд. Аз ҷумла, фаъолияти КВД «Сохтмони манзили дастрас»-и Мақомоти маҳаллии ҳокимияти давлатӣ дар ш.Душанбе низ мавриди санҷиш қарор хоҳад гирифт. Шояд санҷиши ин корхона дуруст ва саривақтӣ бошад, зеро объекти охирини он-сохтмони 9 бинои баландошёна дар суроғаи х.Сино 42 моҳ боз «хоб» асту мардуми хонахарида сарсону саргардон. Дар бораи ин ширкат ва хонаҳояш мо ҳатман дар шумораҳои баъдӣ матлаби бештаре омода хоҳем кард, аммо ин маротиб тасмим гирифтем ба биноҳои ба тозагӣ қомат афрохтаи истиқоматии пойтахт рафта, бубинем, ки ин хонаҳо дар ҳақиқат соҳиб доранд, ё не? Зеро мушкили харидани хона, таъминот бо манзил ва тақсими он имрӯз проблемаи №1 на танҳо дар ш.Душанбе, балки дар тамоми ҷумҳурӣ гашта, дар ин бора зангҳои бешумор ва муроҷиатҳои хонандагони СССР аз гӯшаю канори гуногуни кишвар дарак медиҳад.

Душанбе, Фев 06 2017

Аз 20.01.2017 сар карда дар ҳаракати хатсайрҳои микроавтобусии мусофиркаши пойтахт тағийрот ворид карда шуда он бо мақсади ба низом даровардани ҳаракати воситаҳои нақлиёт ва сабук кардани шиддатнокии ҳаракат дар хиёбони С. Шерозӣ ва к. Н. Қаробоев роҳандозӣ гаштааст.

Тағийр ёфтани хати сайри бархе аз микроавтобусҳо бо гузашти 15 рӯз то ҳол ҳам барои мусофирон ташвишовар аст, зеро мардум хуб намедонанд, ки микроавтобуси кадом хатсайр аз кадом кӯча ҳаракат карда, дар куҷо гардиш мекунад ва бо кадом роҳ меравад. Ба назардошти зангҳои хонандагони газетаи СССР, ки борҳо бо чунин мушкил бо мо дар тамос шудаанд, мо тасмим гирифтем ҷадвали нави ҳаракати хатсайрҳои мусофиркаши пойтахтро нашр намоем, то ин ки мусофирон гумроҳ нашаванд ва бидонанд, ки микроавтобуси лозимаи хешро дар кӯчаву гардиш интизор шаванд.

Инак:

Хатсайри микроавтобусии №2:

- маҳаллаи «Пахтакор»-Маҷмааи савдои «Пойтахт»-90», тавассути кӯчаҳои –Шестопалов-Маяковский-х. С.Шерозӣ;

Хатсайри микроавтобусии №5А:

- маҳаллаи Обшорон-дарвозаи ҷанубии ш. Душанбе, тавассути кӯчаҳои Ҷанубӣ-Соҳилӣ-х. Мавлоно А. Ҷомӣ;

Хатсайри микроавтобусии №5:

- маҳаллаи Шодиёна-ҶДММ «Чимтеппа», тавассути кӯчаҳои Ҷанубӣ-Соҳилӣ-х. Мавлоно А. Ҷомӣ;

Хатсайри микроавтобусии №33+33А

- к. Фучик-60/1-маҳаллаи Гулбутта, ба воситаи кӯчаҳои Ҷанубӣ-Соҳилӣ-х. С.Шерозӣ;

Хатсайри микроавтобусии №1+1А

- фурудгоҳ-маҳаллаи Гулбутта, ба воситаи кӯчаҳои Ҷанубӣ-Соҳилӣ-х. Мавлоно А. Ҷомӣ;

Хатсайри микроавтобусии №54:

- маҳаллаи «Пахтакор»-Донишкадаи тарбияи ҷисмонӣ, ба воситаи кӯчаҳои Фирдавсӣ-Соҳилӣ-х. С.Шерозӣ;

Хатсайри микроавтобусии №2:

- бозори «Корвон»-«Тоҷикбаққолӣ», воситаҳои нақлиёти «Мерседес», тавассути кӯчаҳои Ҷанубӣ-Соҳилӣ-х.С.Шерозӣ;

Хатсайри микроавтобусии №52:

- маҳаллаи Меҳробод-маҳаллаи Гулбутта, тавассути кӯчаҳои Ҷанубӣ-Соҳилӣ-х. Мавлоно А. Ҷомӣ;

Хатсайри микроавтобусии №32:

- Боғи Ғалаба-Маркази ташхиси техникӣ, тавассути кӯчаҳои Ҷанубӣ-Соҳилӣ-Абай;

Чуноне ки ба мухбири СССР дар МДК «Душанбенақлиётхадамотрасон» иттиллоъ доданд, дар к. . Қаробоев асосан автобусу троллейбусҳо фаъолият намуда, дар хатсайри автобусии №2-20 адад, дар №18-10 адад ва микроавтобусҳои №33-20 адад воситаи нақлиёти бо зиёда аз 16 ҷойи нишаст дошта, бо реҷаи «ЭКСПРЕСС» фаъолият менамоянд.

 

СССР

 

 

Панҷшанбе, Фев 02 2017

Соли 2016 дар ҷумҳурӣ дар бозори хизматрасониҳои нақлиёти автомобилӣ 1356 субъекти хоҷагидор, аз ҷумла 120 корхонаи нақлиёти мусофирбар бо теъдоди 13 ҳазору 586 адад воситаҳои нақлиёт, 122 корхонаи нақлиёти боркаш бо теъдоди 18 ҳазору 166 адад воситаи нақлиёт, 52 терминали мусофирбар, 18 терминали боркашонӣ, 978 нуқтаи таъмир ва хизматрасониҳои техникии воситаҳои нақлиёти автомобилӣ ва 66 қароргоҳхои нақлиёти фаъолият дошта, 817 хатсайри шаҳрӣ, наздишаҳрӣ ва байнишаҳрӣ расман амал мекарданд. Дар ин бора ба намояндагони воситахои ахбори омма Худоёр Худоёрзода, вазири нақлиёти ҶТ хабар дод.

 

СССР

 

Чоршанбе, Фев 01 2017

Ширкати ҳавопаймоии миллии «Тоҷик Эйр» дар бораи роҳандозии парвозҳои хеш ба фурӯдгоҳи «Жуковский»-и Маскав хабар медиҳад. То ба имрӯз ин ширкати ҳафтае 7 парвоз ба фурӯдгоҳи «Домодедово» дошт, ҳамакнун боз 2 парвози дигарро аз шаҳрҳои Душанбеву Хуҷанд ба фурӯдгоҳи «Жуковский» анҷом хоҳад дод.

Чуноне ки ба СССР Азиз Хайруллоев, котиби матбуотии ширкати номбурда хабар дод, пас аз муайан шудани рӯз ва вақти парвоз ширкат дар ин бора ҳатман мусофиронро огоҳ намуда фурӯши чиптаҳоро сар хоҳад кард. 

Парвозҳоро аз ҷониби Русия аз ин фурӯдгоҳ ба шаҳрҳои Душанбеву Хуҷанд бошад ширкати ҳавопаймоии «Уралские авиалинии» амалӣ мекунад.

 

СССР

 

 

 

 

 

 

саҳ 125 аз 156

Китобҳо

Flag Counter