Тағойзода Сумангул Саид: «210 нафар иҷозати дубора ба Русия ворид шуданро пайдо карданд».

Панҷшанбе, Июл 21 2016

Смесители для душа и ванны
Детские игрушки, развивающие игры

Принт

Мувофиқи омори Вазорати меҳнат, муҳоҷират ва шуғли аҳолии ҶТ, дар нимсолаи якуми соли 2016 аз ҷумҳурӣ ба хориҷи кишвар 308676 нафар ҳамчун муҳоҷирони меҳнатӣ сафар намуда аз ин теъдод 40682 нафарашон занон мебошанд. Муҳоҷирони меҳнатии тоҷик, ки ба таври расмӣ худро дар сохтори бахши муҳоҷират номнавис кардаанд, дар соли ҷорӣ барои кор беш аз ҳама кишварҳо Русия ва Қазоқистонро интихоб намудаанд. Дар ин бора рӯзи 21.07.2016 ба намояндагони воситаҳои ахбори омма Тағойзода Сумангул Саид, вазири меҳнат, муҳоҷират ва шуғли аҳолии ҶТ иттиллоъ дод.

- Аз ҷониби гурӯҳи коршиносони дуҷонибаи Тоҷикистону Русия, мутобиқи ариза ва дигар ҳуҷҷатҳои 5 категорияи шаҳрвандони Ҷумҳурии Тоҷикистон, ки воридшавии онҳо ба қаламрави Русия манъ гардидааст, баррасӣ карда шуда, айни замон, ба 210 шаҳрванди ҶТ, иҷозаи дубора ба қаламрави Федератсияи Русия барои ворид шудан дода шудааст. Бо мусоидати намояндагии вазорати мо дар Русия бошад, дар давоми 5 моҳи соли 2016, 40 қарори судҳои ноҳиявӣ нисбат ба хориҷ кардани шаҳрвандони мо аз қаламрави Русия, бо қарори судҳои болоӣ бекор карда шуда, 168 парванда дар ҳолати баррасии судҳои болоии шаҳри Маскав ва вилояти Маскав қарор дорад, - иброз намуд зимни сӯҳбати хеш Тағойзода Сумангул Саид.

СССР