ХАБАРИ ДОҒ

Номаи модари сайёҳ ба тоҷикистониён

  • Чоршанбе, Авг 08 2018


Ҷеа Сантоваско, модари Ҷей Остин, яке аз қурбониёни террор дар Данғара, бо ирсоли як паём изҳор доштааст, ки хонаводаи Ҷей ба ҳеч ваҷҳ мардуми Тоҷикистонро гунаҳкори марги фарзандаш намедонад. "Умед дорам, ки чунин як фоҷиа дигар ҳеч гоҳ дар Тоҷикистон рух нахоҳад дод. Медонем, ки мардуми Тоҷикистон меҳмоннавозу хайрхоҳанд ва набояд худро дар марги фарзандам гунаҳкор эҳсос кунанд ва бояд чуноне Ҷей мехост, аз зиндагӣ лаззат баранд", — таъкид намудааст модари ҷабрдида. Ҷей Остин давоми зиндагияш дар лоиҳаҳои марбут ба иқомат бо қаноат дар хонаҳои кӯчак, кӯмак ба кӯдакони бехона ва густариши сайёҳату ҳамдигарфаҳмӣ иштирок кардааст. Ӯ ва дӯстдухтараш Лорен Гиогиген, 29-уми июл дар 369-умин рӯзи сайрашон қурбони ҳамлаи террористӣ дар Данғара гардиданд. Модари Ҷей мегӯяд, кори фарзандашро идома хоҳад дод ва барои густариши сайёҳат, дучархасаворӣ, кӯмак ба кӯдакони бехона бунёди хайриявиро асос гузоштааст, ки ҳар нафари хоҳишманд метавонад дар он саҳм гузорад.

ШУМО НАЗАР Ё ПАЁМЕ ДОРЕД

_______________________________________________

Китобҳо

Flag Counter