ХАБАРИ ДОҒ

Тақозои манъи фурӯши чипта ба шаҳрвандони 5 кишвар

  • Панҷшанбе, Март 05 2020

   Агентии авиатсияи граждании назди Ҳукумати ҶТ аз намояндагони ширкатҳои ҳавопаймоии хориҷӣ, ки дар ҶТ намояндагӣ доранд, тақозо кардааст, ки бо мақсади пешгирӣ аз паҳншавии короновирус фурӯши чиптаҳои ҳавопаймо ба шаҳрвандони бархе аз кишварҳои бештар аз коронавирус сироятёфта, муваққатан манъ намоянд. 

   Тибқи мактуби нави Агентии авиатсияи граждании назди Ҳукумати ҶТ, ҷиҳати пешгирӣ аз паҳншавии коронавирус аз намояндагии ширкатҳои ҳавопаймоии хориҷӣ дар Ҷумҳурии Тоҷикистон дархост шудааст, ки фурӯши чиптаҳои ҳавопаймоӣ ба хатсайрҳои парвози ҳавопаймоҳо ба самтҳои Ҷумҳурии Халқии Хитой, Ҷумҳурии Исломии Эрон, Ҷумҳурии Исломии Афғонистон, Ҷумҳурии Кореяи Ҷанубӣ, Италия ва ба мусофироне, ки аз кишварҳои зикргардида нияти сафар ба Ҷумҳурии Тоҷикистон доранд, муваққатан манъ карда шавад. 

 

 

 

 

1 Паём

  • Шарҳр додан Маҳмадулло Сироҷӣ * Ҷумъа, 06 Март 2020 21:01 Паём аз Маҳмадулло Сироҷӣ *

    Сад гуна маризи бедаво...
    Гулбуттаи нав даруни партов ғарқ аст,
    Пеши дари хонаҳову ҷӯйҳо қарқ аст.
    Сад гуна маризи бедаво дар партов
    Хоб асту аз ин раисро бефарқ аст.

    Моҳ мегузарад, намебинӣ рӯйи раис,
    Ҳарчанд ки Гулбутта бувад кӯйи раис.
    Гар фурсати ҷамъи маблағи партов шуд,
    Ҳар кӯчаи Гулбутта кунад бӯйи раис.

    Бинии ҳаво зи бӯйи партов маҳкам,
    Моро нафаси тоза кашидан барҳам.
    Оромии шаб зи бӯйи партов вайрон,
    Хоби шакарӣ дигар маҳол аст ҳар дам.

    Моҳ аз паси моҳ чу тир рафтан дорад,
    Партови маҳал чу кӯҳ нишастан дорад.
    Аз бӯйи бадаш нафас бигардад ба қафо,
    Ин мушти ситам раис надидан дорад.

    М. Сироҷӣ

ШУМО НАЗАР Ё ПАЁМЕ ДОРЕД

_______________________________________________

Китобҳо

Flag Counter