Ҳодиса санаи 8-уми майи соли равон тақрибан соатҳои 14 ба 15 рух додааст. Ба иттилоъи манбаъ, хушбахтона чӯпон ягон осеб надидааст. Аммо аз зарбаи раъду барқ  126 моли майда, ки ҳаммаш буз будаанд, ба ҳалокат расидаанд. 

126 мол аз сокинони деҳаи Вешист будааст. 

Дар ҳамин ҳол Аюб Абулҳайев, раиси деҳаи Вешист дар як сӯҳбати телефонӣ гуфт, ки муовини раис ҷамоати Ёрӣ ва духтури ҳайвонот омада ҳама молҳоро аз назар гузаронида санад тартиб доданд.  Ин дар ҳолест, ки дирӯз дар натиҷаи омадани сел дар шаҳри Панҷакент, 147 моли мардум ба коми ин офати табии рафт. 

Хуршед Фозилов