ХАБАРИ ДОҒ
Душанбе, Янв 30 2017

Агентии назорати давлатии молиявӣ ва мубориза бо коррупсияи ҶТ дар соли 2016 дар самти назорати давлатии молиявӣ дар вазорату идораҳо, мақомотҳои маҳаллии ҳокимияти давлатӣ, марказҳои идораи барномаҳои аз тарафи ташкилотҳои байналхалқии молиявӣ маблағгузоришаванда, субъектҳои хоҷагидории давлатӣ ва дигар муассисаҳои буҷавӣ 1190тафтишу санҷишҳои молиявӣ гузаронида, ба маблағи умумии 385,6 миллион сомонӣ зарари молиявӣ ошкор намудааст.

Чуноне ки рӯзи 27.01.2017 зимни мулоқоти хеш бо хабарнигорон Сулаймон Султонзода, роҳбари ин Агентӣ иброз дошт, аз маблағи умумии зарари молиявӣ хароҷотҳои ғайриқонунии пулию молӣ 20 миллион сомонӣ, камомад ва тасарруфи воситаҳои пулию молӣ 40,3 миллион сомонӣ, изофанависӣ дар корҳои таъмиру сохтмонӣ 158,3 миллион сомонӣ, зарар аз фурӯш ва ба иҷора додани амволи давлатӣ 6,9 миллион сомонӣ, талафи воситаҳои пулию молӣ аз бесарусомонӣ 92 миллион сомонӣ ва маблағи кам ҳиосбгардидаю рӯйпӯшнамудаи андозҳо 68,1 миллион сомониро ташкил медиҳад.

- Дар маҷмӯъ маблағҳои барқароркардашуда 292,7 миллион сомониро ташкил медиҳад, ки 196,6 миллион сомонии он ба буҷаи давлат ворид карда шудааст. – таъкид дошт Сулаймон Султонзода.

 

СССР

 

Ҷумъа, Янв 27 2017

 

Хушхабарро аввалин шуда, ҳамин саҳар сармуҳосиби СССР-акаи Саймурод ба мо тариқи телефон аз Кӯлоб расонд. Ба ӯ масъулони филиали дар ш.Кӯлоб будаи Агроинвестбонк ваъдаи қатъӣ доданд, ки имрӯз то бегоҳ ҳамаи маблағҳои ҳафтаномаи СССР ва дигар мизоҷон пурра ба таври ғайринақдӣ пардохт карда мешаванд. Ҳамчунин таъкид кардаанд, ки аз ин пас тамоми ҳисоббаробаркуниҳо ба таври мунтазам ва аз рӯи меъёрҳои қабулшуда сурат мегиранд. Феълан дирӯз сомонаҳои расмии Агроинвестбонк ва Тоҷиксодиротбонк хабари расмии барқарор шудани ҳисоббаробаркуниҳо дар ин 2 ташкилоти муътабари қарзиро пахш карданд. Дар ин ахбори расмӣ таъкид мешавад, ки ҶСК “Тоҷиксодиротбонк” ва ҶСК «Агроинвестбонк» додани пули нақд дар банкоматҳо ва хизматрасонии кортҳои пардохтиро дар ташкилотҳои хизматрасонию савдо барқарор кардаанд. Бино ба маълумоти сомонаи расмии Агроинвестбонк, меъёри гирифтани пули нақд дар 1 рӯз 600 сомонӣ ва хариди молу маҳсулот тавассути кортҳои бонк номаҳдуд аст. Зимнан, Агроинвестбонк ва Тоҷиксодиротбонк аз 4-гонаи бузургтарин бонкҳои Тоҷикистон ба ҳисоб рафта, соли гузашта ба мушкилоти молӣ дучор шуда, охири соли гузашта Ҳукумати ҷумҳурӣ ба Вазорати молияи дастур дода буд, ки барои ин бонкҳо дар ҳаҷми 3 млрд. 850 млн. сомонӣ (ҳудуди 490 млн. $ тибқи қурби ҳозира) коғазҳои қиматнок ҷудо кунад. Ҳамчунин бонкҳои мазкур имкон доранд векселҳои аз Вазорати молия гирифтаашонро дар БМТ ба пули нақд табдил диҳанд. Коғазҳои қиматнокро бонкҳои дучори мушкилот ба муҳлати 5 сол бо 2%-и солона таҳти гарави дороиҳои худ мегиранд. Дороиҳои «Агроинвестбонк» дар маҷмӯъ 730 иншооти дар минтақаҳои гуногуни ҷумҳурӣ ҷойгиршуда, аз ҷумла, бинои Сарбонк, 60 филиал ва 5 маркази хизматгузорӣ иборат аст. Ҳамчунин минтақаҳои истироҳату фароғат дар дараи Варзоб, иқтидорҳои гуногуни хурди истеҳсолӣ, фермаву анбор, нуқтаҳои фурӯши сӯзишвориву таъмири воситаҳои нақлиёт, марказҳои савдо, мағоза, дорухона, қаҳвахона, марказҳои хизматрасонии маишӣ, хона ва манзилҳои сершумор низ ба ин бонк мутааллиқанд. Даҳаи охири моҳи декабр палатаи поёнии парлумони ҷумҳурӣ аз қарори ҳукумат дар бораи ба муомилот баровардани коғазҳои қиматноки давлатӣ ҷиҳати сармоягузорӣ намудани бонкҳои тиҷоратии кишвар ҷонибдорӣ кард. Дар маҷмӯъ ба бонкҳо ба маблағи умумии 3 млрд. 850 млн. сомонӣ (наздики 490 млн. доллари ИМА бо қурби ҳозира) векселҳо пешниҳод мешаванд. Аз ҷумла, «Тоҷиксодиротбонк» ба маблағи 2 млрд. 250 млн. сомонӣ, «Агроинвестбонк» 1 млрд. 70 млн. сомонӣ, «Тоҷпромбонк» 450 млн. сомонӣ ва «Фононбонк» 80 млн. сомонӣ коғазҳои қиматнок мегиранд.

Одинашо Муродов,

СССР

 

Ҷумъа, Янв 27 2017

Аз рӯи омори Агентии назорати давлатии молиявӣ ва мубориза бо коррупсияи ҶТдар вазорати маориф ва илми кишвар бо сохторҳои зертобеяш дар соли 2016 90 ҷинояти коррупсионӣ, дар вазорати тардурустӣ ва ҳифзи ичтимоии аҳолӣ – 103 ҷиноят, вазорати нақлиёт- 24 ҷиноят, кишоварзӣ – 13 ҷиноят, энергетика ва захираҳои об – 11 ҷиноят, меҳнат, муҳоҷират ва шуғли аҳолӣ – 8 ҷиноят, саноат ва технологияҳои нав – 7 ҷиноят, Кумитаи давлатии заминсозӣ ва геодезӣ – 31 ҷиноят, ҳифзи муҳити зист – 5 ҷиноят, телевизион ва радио – 1 ҷиноят, меъморӣ ва сохтмон – 1 ҷиноят, Агентии стандартизатсия, сертификатсия, метрология ва нозироти савдо – 6 ҷиноят содир гаштааст.

Дар байни ҷамъиятҳои саҳҳомӣ бошад дар ин муддат 266 ҷинояти коррупсионӣ, соҳибкоронӣ инфиродӣ – 302 ҷиноят, соҳаи бонкӣ – 328 ҷиноят ва дар идораву корхонаҳо бошад 320 ҷинояти коррупсионӣ ба қайд гирифта шудааст. Ҳамзамон аз ҳисоби умумии ҷиноятҳои ошкоргардида 171 адади онро кормандони мақомоти иҷроияи маҳаллии ҳокимияти давлатӣ содир намудаанд. Дар ин бора ба журналистон Сулаймон Султонзода, раиси Агентии мазкур рӯзи 27.01.2017 хабар дод.

 

СССР

 

Душанбе, Янв 23 2017

Дар нишасти имрӯзаи Бонки миллии Тоҷикистон бо намояндагони Васоити ахбори омма, хабарнигорон аз Раиси Раёсати БМТ тақдири хазинаи охирин амири сулолаи манғитиёни Бухороро пурсон шуданд. 

Иддае аз таърихнигорон ба ин ақидаанд, ки Амир Саид Олимхон, охирин амири манғитиёни Бухоро ҳангоми шикасти тахту тоҷ ва фирори ӯ ба Афғонистон, дар водии Ҳисори Ҷумҳурии Тоҷикистон як муддат иқомат намудааст. Ҳамчунин ба ақидаи баъзе аз олимон амир ҳангоми муҳоҷирати иҷборӣ, як қисмати хазинаи бузурги давлати Бухоро дар яке аз ғорҳои водии Ҳисор пинҳон карда, имкони бурдани онро наёфтааст. Ин аст, ки овозаву хабар ва пешгӯиҳо дар ин мавзӯъ солиёни дароз на танҳо миёни мардуми оддӣ, балки доираҳои илмӣ чарх мезананд.

Чанде пеш дар расонаҳои ватанӣ хабаре нашр гардида буд, ки як сокини ин водӣ хазинаи Амирро дар яке аз ғорҳо ошкор карда, тиллову танга ва дигар ашёи гаронбаҳои онро ба Бонки милли Тоҷикистон супорида бошад.

Дар ин маврид Раиси Раёсати Бонки милли Тоҷикистон Ҷамшед Нурмаҳмадзода изҳор намуд, ки аз масъалаи ошкор шудани хазинаи Амир Олимхон дарак надорад ва касе шахсан ба ӯ ва ё БМТ ин хазинаро пешникаш накардааст. Дар сурати ошкор намудан ва ба Бонки миллии Тоҷикистон супоридани чунин хазинаҳо мо омодаем ба афроди пешниҳодкарда, мукофот ва дигар ҷоизҳо пешкаш намоем.

СССР 

 

Душанбе, Янв 23 2017

Қисмати зиёди маърӯзаи дар нишасти матбуотии имрӯза кардаи Раиси Бонки миллии Тоҷикистонро, мавзӯи дифоъ ва ё ҳимояи ҳуқуқи истифодабарандагони хизматрасониҳои бонкӣ ташкил медод. Ҷамшед Нурмаҳмадзода-раиси БМТ иттилоъ дод, ки дар соли гузашта 1 673 адад дархосту шикоятҳои хаттию шифоҳӣ қабулу баррасӣ гашта, 459 нафар шаҳрвандон аз тарафи роҳбарият бевоста қабулу шудаанд. Ҳамчунин таъкид карда шуд, ки БМТ бо мақсади сари вақт ва пурра баррасӣ намудани мушкилот ва камбудиҳо нисбат ба хизматрасонии бонкҳо, дар сохтори Бонки миллӣ, идораи наверо таъсис додаанд. Фаъолияти ин идора махсус ба ҳимояи ҳуқуқи истеъмолкунандагон нигаронида шуда, телефони боварӣ ва почтаи эллектронии он ҳамеша барои сокинони кишвар дар хизмат аст.

Душанбе, Янв 23 2017

Наҷмиддинов Зайниддин, намояндаи ҶСК "Тамоку" мегӯяд, шояд соли равон ин корхона аз нав ба фаъолият шурӯъ намуда, ба истеҳсолот машғул шавад. «Ҳама он қарзҳое, ки дар назди нозироти андоз доштем, пурра пардохт намудем. Моҳи декабр намояндаҳои як давлати хориҷӣ омаданд ва мо гуфтушунид намуда, таҷҳизот ҳам ба корхона ворид намудем. Дар сурати рушди соҳаи таммокупарварӣ метавонем боз фаъолиятамонро идома диҳем» - гуфт мавсуф. Ба андешаи ҳамсӯҳбати мо дар назди корхонаи ҶСК "Табак" ҳамчунин дигар фаъолияти соҳибкорӣ аз ҷумла соҳибкории хурд ба роҳ монда шудааст. Корхонаи мазкур дар замони Шӯравӣ аз калонтарин корхонаҳои ферментатсиякунии тамоку дар қаламрави СССР маҳсуб мегардид ва бо дастгоҳи хеле пешрафтаи он замон фаъолият дошт. Ба андешаи собиқ кормандонаш, ҳудуди 65%-и буҷаро даромади ин корхона ташкил медод. 

Хуршед Фозилов

 

саҳ 35 аз 45

Китобҳо

Flag Counter