ХАБАРИ ДОҒ
Сешанбе, Июн 13 2017


Бо қарори Раёсати Бонки миллии Тоҷикистон аз 2 июни соли 2017, таҳти №63, сабикаҳои (хиштҳои) ченакии тиллои Бонки миллии Тоҷикистон аз санаи 12 июни соли 2017 сар карда, ба муомилот бароварда шуданд.
Сабикаҳои ченакии тиллои БМТ 5, 10, 20, 50 ва 100 гр. вазн дошта, дар корхонаи холискории дорои сертификати Ассотсиатсияи бозори металлҳои қиматбаҳои Лондон (LBMA), тайёр карда шудаанд. Сабикаҳои ченакӣ аз ҷониби Департаменти муомилоти пулӣ ва амалиёти хазинадории Бонки миллии Тоҷикистон дар шаҳри Душанбе ба шахсони ҳуқуқӣ ва воқеӣ фурӯхта мешавад.
Чуноне ки аз шӯъбаи матбуоти БМТ ба СССР хабар доданд, барои харидани сабикаҳои ченакӣ ва бозфурӯши онҳо шахсони ҳуқуқӣ - ваколатнома ва ҳуҷҷати тасдиқкунандаи шахсияти намояндаи шахси ҳуқуқӣ ва шахсони воқеӣ ҳуҷҷати тасдиқкунандаи шахсиятро бояд пешниҳод намоянд.
Нархи фурӯши сабикаҳои ченакиро Бонки миллии Тоҷикистон аз рӯи нишондиҳандаҳои зерин муқаррар хоҳад кард:
- нархи тилло барои 1 унсияи трой (31,1034768 грамм), ки мутобиқи қайди (фиксинги) пагоҳирӯзии Ассотсиатсияи бозори металлҳои қиматбаҳои Лондон дар рӯзи гузашта муайян карда шудааст;
- хароҷотҳои воқеӣ барои тайёр намудани сабикаҳои ченакӣ (бо тарҳи арзиши металли қиматбаҳо), хароҷоти нақлиёт, суғурта, барасмиятдарории гумрукӣ ва ғайра.
Нархи фурӯш ва нархи бозхариди сабикаҳои ченакӣ барои ҳар рӯз бо пули миллӣ барои ҳар як намуди сабикаи ченакӣ дар алоҳидагӣ ҳисоб ва муқаррар карда шуда, аз санаи 12 июни соли 2017 дар саҳифаи асосии сомонаи Бонки миллии Тоҷикистон ҷойгир карда мешавад.
Хоҳишмандон метавонанд бо “Тартиби ба муомилот баровардани сабикаҳои ченакии тилло ва нуқраи Бонки миллии Тоҷикистон ва гузаронидани амалиёт бо онҳо”, дар саҳифаи санадҳои меъёрии ҳуқуқии сомонаи Бонки миллии Тоҷикистон (www.nbt.tj)муфассал шинос шаванд.


Душанбе, Июн 12 2017

 
Мухбир-ревизори газетаи СССР ҳафтаи 2-юм аст, ки бозорҳо ва марказҳои савдои калонтарини пойтахтро зери назар гирифта, рейдҳои хешро анҷом медиҳад. Тайи 2 рӯзи охир низ мо бори дигар аз бозорҳои «Шоҳмансур», «Деҳқон», «Саховат» ва гипермаркети «АШАН» боздид карда, нархҳои маҳсулоти ниёзи аввалия, аз қабили гӯшт, картошкаву пиёз, меваю сабзавот ва обҳои нӯшиданиро зери назорат гирифт.

Панҷшанбе, Июн 01 2017


17 майи соли 2017 дар Бонки миллии Тоҷикистон мулоқоти Муовини Раиси БМТ-Икромӣ Сироҷиддин бо ҳайати Комиссияи Аврупоӣ таҳти роҳбарии Мушовири Комиссияи Аврупоӣ оид ба масъалаҳои дастгирии буҷет ва идораи молияи давлатӣ барои Осиёи Марказӣ ҷаноби Олег Хирбу баргузор гардид. Вохӯрии мазкур дар доираи мулоқоти вазири рушди иқтисод ва савдои ҶТ Неъматулло Ҳикматуллозода бо Директори генералии рушди байналмиллалӣ ва ҳамкориҳои Комиссияи Аврупо ҷаноби Мансервиси, ки 5 майи соли 2017 дар шаҳри Йокогама ба мувофиқа расида буд, амалӣ шуда истодааст. Зимни мулоқот Икромӣ Сироҷиддин ҳайати Комиссияи Аврупоиро бо вазъи феълии  макроиқтисодӣ дар Тоҷикистон шинос намуда, қайд кард, ки новобаста аз таъсири омилҳои буҳронӣ ба кишвар, ислоҳот дар низоми бонкӣ марҳила ба марҳила татбиқ мегардад. Дар навбати худ ҷаноби Олег Хирбу изҳор дошт, ки мақсади ташрифи ҳайати Комиссияи Аврупо аз баррасии вазъи иқтисодӣ дар Ҷумҳурии Тоҷикистон, баррасии ислоҳот дар бахши идораи молияи давлатӣ  ва транши навбатии Комиссияи Аврупо оид ба дастгирии буҷети давлатӣ иборат аст. Қобили қайд аст, ки Мушовири Комиссияи Аврупоӣ оид ба масъалаҳои дастгирии буҷет ва идораи молияи давлатӣ барои Осиёи Марказӣ ҷаноби Олег Хирбуро дар ин вохӯрӣ Мачей Мадалински-Мудири бахши ҳамкориҳо, Даниела Чемпелова-Мудири барномаҳо ва Гнел Седракян-машваратчӣ оид ба масъалаҳои идораи молияи давлатии Комиссияи Аврупоӣ ҳамроҳӣ мекарданд.


Шуъбаи матбуоти БМТ

Панҷшанбе, Июн 01 2017


Бо мақсади муҳокимаи рафти иҷрои қарори Ҳукумати ҶТ аз 31 декабри соли 2014, №815 “Оид ба тадбирҳои вусъат додани ҳисоббаробаркунии ғайринақдӣ тавассути кортҳои пардохтии бонкӣ” санаи 16 майи соли 2017 дар БМТ бо иштироки намояндагони Кумитаи андози назди Ҳукумати ҶТ ва ташкилотҳои қарзӣ таҳти роҳбарии Муовини Раиси БМТ Машрабзода Ҳамидулло ҷаласаи корӣ баргузор гардид. Дар ҷаласаи корӣ роҳҳои зиёд намудани ҳиссаи ҳисоббаробаркуниҳои ғайринақдӣ ва насби терминалҳои электронӣ дар нуқтаҳои савдою хизматрасонӣ мавриди муҳокима қарор дода шуданд. Зимни суханронӣ Машрабзода оид ба вазъи ҷории бозори кортҳои пардохтӣ дар кишвар ва рафти иҷрои қарори зикргардида маълумот дода, зарурияти роҳандозӣ намудани муомилоти ғайринақдӣ ҳамчун омили асосии шаффофияти ҷараёнҳои молиявӣ дар низоми молиявии кишварро таъкид намуд. Дар идома аз рафти фаъолияти ҳайати муштараки кории Кумитаи андоз ва БМТ иттилоъ дода шуд. Аз ҷумла зикр гардид, ки аз оғози фаъолияти ҳайати муштараки корӣ дар 573 муассисаҳои савдо ва хизматрасонӣ санҷиш гузаронида шуда, аз ин миқдор муассисаҳои савдо ва хизматрасонии санҷидашуда дар 64 адади онҳо ПОС-теминалҳои электронӣ мавриди истифода қарор дода шуданд. Дар муассисаҳои савдо ва хизматрасоние, ки бо ПОС-терминалҳои электронӣ муҷаҳҳаз нестанд, бо роҳбарон ва кормандони онҳо оид ба зарурият ва афзалиятҳои истифодабарии ПОС-терминалҳои электронӣ корҳои фаҳмондадиҳӣ гузаронида шуд. Ба 509 адад муассисаҳои савдо ва хизматрасонӣ аз ҷониби намояндагони Кумитаи андоз барои дар муҳлати 25 рӯз насб кардани ПОС- терминалҳои электронӣ огоҳинома дода шуд. Дар баробари ин, нисбати чор адад шахсони ҳуқуқӣ ва соҳибкорони инфиродӣ барои насб накардани терминалҳои электронӣ ва қабул накардани кортҳои пардохтӣ ҳангоми ҳисоббаробаркунӣ ҷавобгарии маъмурӣ пешбинӣ карда шуд. Дар натиҷа 812 соҳибкорон ба ташкилотҳои қарзӣ барои насби терминалҳои электронӣ муроҷиат намуда, айни замон аз ҷониби ташкилотҳои қарзӣ дар асоси дархости соҳибкорон раванди насби терминалҳои электронӣ дар нуқтаҳои савдою хизматрасонӣ амалӣ шуда истодааст. Дар рафти ҷаласаи корӣ ташкилотҳои қарзӣ вазифадор карда шуданд, ки тибқи қарори зикргардида миқдори зарурии ПОС - терминалҳоро захира намуда, баробари муроҷиати соҳибкорон шартномаҳои дахлдорро ба имзо расонанд ва ПОС-терминалҳоро ба таври фаврӣ дар муассисаҳои савдою хизматрасонӣ насб кунанд. Инчунин, ба ташкилотҳои қарзӣ дастур дода шуд, ки теъдоди хизматрасониҳои муосири бонкиро бо истифодаи кортҳои пардохтии бонкӣ зиёд намуда, имконияти барориши кортҳои кредитӣ, кортҳои пардохтии чипдор ва ғайритамосӣ (безконтактный), татбиқ намудани барномаҳои муосири бозории ҳавасмандкунии муштариён (бонусҳо) дар якҷоягӣ бо муассисаҳои савдою хизматрасонӣ ҳангоми амалӣ намудани пардохти молу хизматрасонӣ тариқи ғайринақдӣ роҳандозӣ намоянд.
Барои маълумот: Миқдори умумии кортҳои пардохтии аз ҷониби бонкҳои ватанӣ ба муомилот баровардашуда, ба санаи 1 майи соли 2017 зиёда аз 1 677,9  ҳаз. ададро ташкил дод, ки ин нишондиҳанда нисбат ба ҳамин давраи соли гузашта 8,1 фоиз зиёд мебошад. Миқдори дорандагони кортҳои пардохтӣ бошад, зиёда аз 1 654,1 ҳаз. нафарро ташкил намуда, нисбат ба соли гузашта 8,3 фоиз зиёд гардид.  Дар баробари ин, ба санаи 1 апрели соли 2017 шумораи банкоматҳо ва терминалҳои электронӣ мувофиқан 740 адад ва 2 485 ададро ташкил намуд. Аз ин миқдор терминалҳои электронӣ 1578 адад дар нуқтаҳои пешниҳоди пули нақд ва 907 адад дар муассисаҳои савдою хизматрасонӣ насб карда шудаанд.


Шуъбаи матбуоти БМТ

Душанбе, Май 29 2017


Дирӯз, 28.05.2017 дар силсилаи чорабиниҳо бобати таҷдиди НБО "Норак" трасформатори 450 мегаволт ампер бо вазни 214 тонна бо нерӯгоҳ ворид шуд.
Бино ба иттиллои маркази матбуоти ширкати «Барқи тоҷик», нн трансформатор дар Туркия бо иштироки мутахассисони олмониву фаронсавӣ сохта шуда моҳи сентябри соли 2016 бо муваффакият аз озмоиш гузашт.
Он дар агрегати 8-ум насб мешавад ва имконият медиҳад, ки нерӯгохи азими Тоҷикон дар доираи иқтидори лоиҳавӣ нерӯи барқ истеҳсол намояд.

СССР

Панҷшанбе, Май 25 2017


Рӯзи 22 майи соли равон мулоқоти Раиси Раёсати ҶСК "Тоҷиксодиротбонк" Тоҷидин Пирзода бо роҳбарияти ширкати «Алварез & Марсал», ки аз ҷониби Бонки аврупоии таҷдид ва рушд ба ҳайси мушовир интихоб шудааст, доир гардид. Ин мулоқот дар доираи Лоиҳаи ҳамкориҳо оид ба солимгардонии вазъи молиявии ТСБ бо БАТР сурат мегиранд.
Лоиҳа аз ду марҳала иборат буда, дар мараҳалаи аввал аз санҷиши маҷмӯии молиявӣ ва амалиявии бонк ва дар марҳалаи дуюм тавсияҳо оид ба дурнамо ва таҷдиди сохтори Бонк таҳия мегардад.
Кумаки техникии мазкур барои ҳарчи зудтар ба роҳ мондани самтҳои асосии фаъолияти ҶСК "Тоҷиксодиротбонк" ва пурра барқарор намудани вазъи молиявии он равона карда шудааст. Санаи 23 май тими мушовирони БАТР, ки аз 7 нафар иборатанд, дар Тоҷиксодиротбонк ба фаъолият шурӯъ карданд.
Рӯзи 23 май дар ҶСК "Тоҷиксодиротбонк" мулоқоти дигари  Раиси Раёсати ТСБ Тоҷидин Пирзода бо ҳайати намояндагони Хазинаи байналмилалии асъор (ХБА), ки баҳри шиносоӣ бо раванди солимгардонии вазъи молиявии Бонк таҳти роҳбарии ҷаноби Пол Росса ба Душанбе ташриф овардаанд, баргузор шуд.
Тоҷидин Пирзода ҳайати меҳмононро хайрамақдам гуфта, дар бораи натиҷаҳои фаъолияти Бонк дар чор моҳи аввали сол ва раванди иҷрои “Нақшаи чорабиниҳо оид ба стратегияи солимгардонии вазъи молиявии ҶСК "Тоҷиксодиротбонк" барои солҳои 2017-2019” ва “Стратегияи солимгардонии вазъи молиявии ҶСК "Тоҷиксодиротбонк" барои солҳои 2017-2021” маълумоти мухтасар дод. Аз ҷумла, зикр шуд, ки Раёсати ҶСК “Тоҷиксодиротбонк” бо  мақсади ба эътидол овардани вазъи молиявии Бонк тамоми воситаю имкониятҳои мавҷударо истифода бурда, дастуру супоришҳои  Ҳукумати Ҷумҳурии Тоҷикистон, Бонки миллии Тоҷикистон ва Шӯрои нозирони бонкро ба роҳбарӣ гирифта, дар ҳама самтҳо  фаъолияти худро ҷоннок намуда истодааст.
Бонк соли 2016-ро бо натиҷаҳои манфии молиявӣ- 337  млн. сомонӣ зарар чамъбаст намуда буд. Вале фаъолияти худро дар семоҳаи аввали соли равон бо нишондиҳандаи мусбат, яъне  5,7 млн. сомонӣ фоида ҷамъбаст намуд, ки ин яке аз нишонаҳои рӯ ба солимгардонӣ ниҳодани вазъи молиявии бонк ба ҳисоб меравад.
Пол Росса аз тарафи ҳайати намояндагони Хазинаи байналмилалии асъор изҳори сипос намуда, иброз дошт, ки кӯшишҳои тими роҳбарикунандаи бонк ва натиҷаҳои бадастомада қобили таҳсин аст ва изҳори умед намуд, ки дар ояндаи наздик Тоҷиксодиротбонк мақоми пешини худро дар низоми бонкии кишвар барқарор хоҳад кард.


СССР.

саҳ 55 аз 70

Китобҳо

Flag Counter