ХАБАРИ ДОҒ
Душанбе, Дек 19 2016

Моддаи 627 дар Кодекси ҳуқуқвайронкунии ҶТ «фиреби истеъмолкунанда» ном дорад. Вале ба назар мерасад, аз мавҷуд будани ин модда, бархе аз соҳибкороне, ки ба истеҳсолу хизматрасонӣ машғуланд, фаромӯш кардаанд ва ё умуман хабар надоранд. Шикояти зиёд аз сатҳи пасти хизматрасонӣ ва нарху навои гарони ошхонаву тарабхонаҳои ш.Панҷакент ба гӯши мо мерасид. Ба андешаи ин нафарон беинсофӣ дар ошхонаву чойхонаҳои шаҳр ба нуқтаи кулминатсионӣ расидааст. Барои бе восита ошкор кардани ноинсофӣ дар нуқтаҳои хӯроки умумӣ мо ба чанд чойхонаву ошхона меҳмон шудем...

Ҷумъа, Дек 16 2016

13.08.2016 дар назди Қасри ҷавонони ш.Хуҷанд бо Иброҳими Наққош гаштугузор мекардам. Ногоҳ чашмам ба эълоне афтод: «Агар хоҳед, ки сафари бобаракате ба шаҳрҳои афсонавии тоҷикон-Самарқанду Бухоро анҷом диҳед, аз хизмати филиали «Ширкати сайёҳии Суғдиён-Помир тур» истифода баред. Мо дар давоми 5 шабонарӯз саёҳаткунандагонро ба беҳтарин мавзеъҳои тамошобоби ин 2 шаҳр ошно хоҳем кард». Ҳавою ҳаваси саёҳати ин 2 шаҳр якбора маро водор кард, ки 2400 сомонии нақдро, ки ба ин пул ниёзи зиёде доштам, оварда ба дасти сармуҳосиби ин ширкат, ки аз гуфтани номаш сарпечӣ кард, супорам. Дар эълон нишон дода шуда буд, ки қабули ҳуҷҷатҳо то 20 август идома меёбаду 13 сентябр бо фароғат ба сафар мебароем ва аз дидани мақбараи Баҳовиддини Нақшбанд, Ситораи моҳи Хоса, Мақбараи Исмоили Сомонӣ, Чашмаи Аюб, Масҷиди калон ва манораи Баланд, мақбараи Абдухолиқи Ғиждувонӣ, осорхонаи С.Айнӣ, мақбараи Имом-ал-Бухорӣ, мақбараи Шоҳи Зинда, Маҷмааи Регистон ва мақбараи Хоҷа Аҳрори Валӣ лаззат бурда, бо хӯрдани нони Самарқанду супероши Бухоро шукрона мекунем. Чун рӯзи сафар фаро расид, Зокир Болтуев-раиси «Суғдиён-Помир тур» эълон кард, ки ба қарибӣ Президенти Ӯзбекистон Ислом Каримов аз олам гузашт ва сафарамон то 25 сентябр мавқуф гузошта шуд. Дар ин байн рухсатии меҳнатии думоҳаи ман поён ёфт. Шукронаи Худовандро ба ҷо меовардам, ки 10 рӯз рухсатии эҳтиётӣ дораму ба сафари 5-рӯзаи ман кифоят аст. Аз миён вақт гузашту 25 сентябр фаро расид. Болтуев боз баҳона пеш овард, ки ниммоҳаи аввали моҳи октябр сафар хоҳем кард. Ҳамин тариқ, октябр ҳам бо баҳонаҳои 15-ум, 20-ум, 30-юм ба поён расид. Корд ба устухон расиду боз ба ӯ занг задам, ки гуфт:

-Агар ин сафари мо рӯзи 15 ноябр баргузор нагардад, ман танҳо туро гирифта ба саёҳати ин шаҳрҳо мебарам. Агар қавли худро шиканам ман номард бошам.

Рӯзи 10 ноябри соли равон боз ба ӯ занг задам. Ӯ гуфт: «Шиносномаи ту кӯҳна шудаасту шиносномаи тоҷикиатро фиристон, то ман муҳлаташро дароз кунам ва рӯзи 18-ум ё 19 ноябр ба сафар мебароем».

Рӯзи 11 ноябр ба ӯ занг задам. Ба зангҳои ман ҷавоб надод. Аз ин рӯ, бо рақами 92 610 30 30 занг задам. Хайрият, ки сармуҳосиб аз одаму одамгарӣ хабардор будаасту телефонро бардошт ва пурсидам: «Сафари мо кай баргузор мегардад ва агар ин сафар баргузор гардиданӣ бошад, ман ба рухсатӣ бароям». Ӯ гуфт: «Ман аз пеши худ чизе гуфта наметавонам. Аз раис Болтуев пурсида ба шумо маълум мекунам». Камина занги ӯро бесаброна интизорӣ мекашидам, ки ба ман аз телефони +992 34 22 62 127 занг ворид шуд, чун гӯширо бардоштам, садои форами сармуҳосибро шунидам: «Бемалол ба рухсатӣ бароед ва сафар ба қавли раиси ширкат 19 нобяр ба воситаи гузаргоҳи Ойбек баргузор мегардад».

Ҳамин тариқ, ба рухсатӣ баромадаму роҳи ш.Хуҷандро пеш гирифтам, вале сафар боз  ба таъхир афтод. Баъди он хостам, ки ба мақомоти дахлдор ва раиси вил.Суғд Абдураҳмон Қодирӣ арзи худро расонам. Чун ба навиштани ариза сар намудам, кадоме аз кормандони ширкат ба ӯ хабар расонд. Ӯ ба телефони ман занг зад, вале аз сабаби дар ҳолати руҳии хеле бад қарор доштан ба занги ӯ ҷавоб надодам. Ӯ ба Иброҳим занг заду хоҳиш кард, ки ба ҳеҷ куҷо ин хабарро набарем ва ӯ дар соати 18:00 дар назди бозори «Панҷшанбе» бо 2 дасти адаб пули моро оварда месупораду аз мо узр мепурсад. Воқеан, бори аввал дурӯғ нагуфт ва дар соати гуфтагиаш ҳозир шуд. Чун пулро талаб намудем ва субҳи барвақт аз Хуҷанд сафар карданамро изҳор доштам. Ӯ 1 даста билетро нишон дода гуфт: «Ана, зӯрии маро бинед, ман Юлдуз Усмонова, Фирӯза Ҷумъаниёзова ва чанд ҳофизи намоёни дигарро ба Хуҷанд оварданиам».

Чун дидам худтаърифкунии ӯ поён надорад, қаҳр карда аз мошинаш фаромадам ва дохили бинои меҳмонхонаи «Эҳсон» гаштам. Баъди чанде Иброҳим занг заду гуфт, ки дар соати 9:00 Болтуев пули маро доданист. Дар соати 9:00 ӯ 1400 сомонӣ пуламро баргардонд ва 1000 сомониро бо худ нигоҳ доштанӣ шуд. Чун ба ӯ хеле суханҳои сахт гуфтам, ваъда дод, ки то соати 11:00 маблағамро ба пуррагӣ бармегардонад. Воқеан, соат 11 нашуда 1000 сомонии дигарашро низ баргардонд. Вале зарари 2 бор аз Панҷакент ба Хуҷанд рафтани моро кӣ бармегардонад? Он қадар руҳан зарар дидам, ки онро бо пул ҳисоб кардан аз имкон берун аст. Азбаски СССР серхонандатарин газета аст, ман ин матлабро на аз рӯи заифӣ, балки барои он эҷод кардам, ки дигар одамон ба доми ин қаллоб ва ширкати фиребгари «Суғдиён-Помир тур» наафтанд…

Исмоил Зарифӣ,

деҳаи Косатарош, ш.Панҷакент, тел: 92 895 05 55

 

Чоршанбе, Дек 14 2016

Роҳбарияти «Тоҷиксодиротбонк» ба ивази қарзи Хуршед Маҳмадиев, сокини н. Восеъ, ки 8 моҳи охир наметавонист 6 ҳазор доллари ИМА пасандози ба бонки мазкур мондаи хешро бигирад, мошини сабдукрави "Toyota Camry" дод. Бояд қайд намоем, ки Хуршед Маҳмадиев дар оғоз ба филиали ин бонк дар н. Восеъ 15 ҳазор доллари амрикоӣ монда буд, дар ин муддат 9 ҳазорашро гирифта 6 ҳазори боқимондаро бошад тӯли 8 моҳи охир наметавонист ба даст бигирад. Аз ин лиҳоз, Хуршед ба додгоҳ ва ВАО муроҷиат карда буд. Ҳоло, бо баргаштани Тоҷиддин Пирзода ба садорати ин бонк, мушкили Хуршед ин тарз ҳалли худро ёфт ва ӯ аз идомаи баҳс даст кашида дигар аз «Тоҷиксодиротбонк» даъвое надорад.

 

СССР

 

 

Ҷумъа, Нояб 25 2016

Фурӯдгоҳи байналмилалии ш.Қурғонтеппа баъди қарздории зиёд, ки гаҳ-гоҳе парвозҳоро ба шаҳрҳои Русия анҷом медод, бо гирифтани 4 млн сомонӣ қарз аз бонкҳои Тоҷикистон аввал хатти парвоз ё паласаи парвозро тибқи стадартҳои ҷаҳонӣ месозад. Бекмурод Тағаймуродов-муовини раиси фурӯдгоҳи байналмилалии ш.Қурғонтеппа имрӯз 24 ноябр дар суҳбати СССР гуфт: «Дар хатти парвози ин фурӯдгоҳ 165 метр паласаи нав сохта мешавад, ки дар гузашта дарозии хатти парвоз 2285 метрро ташкил медод, вале тибқи стандартҳои парвоз набудааст. Барои 165 метр 4 млн сомонӣ харҷ шудааст, аз бонкҳо қарз гирифтем, худи президент гуфта буд, талаб кард, ки бо талаботи байналмилалӣ ҷавобгӯи бошад, ҳоло корҳо рафта истодаанд, ки дар сурати анҷоми сохтмони хатти парвоз бо ду ширкати Русия шартномаҳо имзо шудаанд.”

Масъулини фурӯдгоҳи байналмилалии ш.Қурғонтеппа гуфтанд, қарзи андозро, ки аз солҳои гузашта боқӣ мондааст, ҳар моҳ то 50.000 сомонӣ ба андозсупорандагони азим супурда истодаанд, кормандоне, ки 2 моҳ дар рухсатии бемузд фиристода шуда будаанд, дигарбора ба кор даъват кардаанд. Тағаймуродов гуфт, ки онҳо бо ширкати “Ҳавопаимоии Сибир”ва “Ширкати ҳавопаймоии Уралский”-и Русия шартномаҳои корӣ имзо карда, бо истифода додани хатти парвоз ё паласаи нави фурӯдгоҳ ҳавопаймоҳои ин 2 ширкат аз ин ҷо ба шаҳрҳои Русия парвозҳо анҷом медиҳанд. Зимнан фурӯдгоҳи байналмилалии ш.Қурғонтеппа баъди бефаъолиятии соли 2010 фаъолият кард, ки то ин вақт гоҳе парвозҳо қатъ мешуд ва кормандон ба рухсатии бемузд фиристода мешуданд. Чандин бор қатъ шудани парвозҳо аз ин фурӯдгоҳ дар ҳоле буд, ки 90%-и муҳоҷирони кории минтақаи Қурғонтеппа аз ҳамин фурӯдгоҳ ба шаҳрҳои Русия, аз ҷумла, Маскав, Санкт-Петербург, Новосибирск ва Самара павоз мекарданд. Дар 1 ҳафта 5 маротиба парвозҳо аз ин фурӯдгоҳ ба фурӯдгоҳи Домодедови ш.Маскав анҷом мешавад ва аз он ҷо ба Қурғонтеппа парвозҳо сурат мегирад

Баҳодур Уроқов

СССР вилояти Хатлон

 

Панҷшанбе, Нояб 24 2016

Ҳафтаи гузашта дар ш.Душанбе нархи гази моеъ 12% поин рафта, арзиши 1-литри газ аз 3,40 дирам то 2,80 дирам расид. Дар ш.Хуҷанд низ низ арзиши 1 литр газ то ба 2,60 дирам арзон шудааст. 

Душанбе, Нояб 21 2016

Солҳои бачагию наврасиро бо ормони ширин ёд мекунам. Маоши колхоз зиёд набуд, аммо шиквае ҳам надоштем, киштаҳои рӯи ҳавлӣ, поразамини  хоҷагӣ ҷудокарда, маҳсулоти чорвои шахсӣ 1 тарафи зиндагиро мебардошт. Ҳоло низ ҳамон замину ҳамон саҳро, ҳамон одамонанд. Лек агар он айём 1 пора замин, канори роҳу лаби ҷӯйбор ҳам холӣ намемонд, имрӯз заминҳои зиёде шӯрзадаю хорзада мондаанд, зеро онҳое, ки дар ин заминҳо кор мекарданд, муҳоҷир шудаанд. Аксари онҳо шояд барнагарданд, чун шаҳрвандии Русия ё кишвари дигарро пазируфтаанд. Гоҳо фикри он, ки баъди чанд сол Тоҷикистон кишвари бознишастагон мешавад, касро ба воҳима меандозад. Фарзандони ман ҳам дар ҷустуҷӯи музду кори хуб ба муҳоҷират рафтанд. Кори шоиста доштанд, вале ман нахостам дар муҳоҷират меҳрашон ба замини хуни нофашон рехта коҳиш ёбад, наберагон моро «дедул» ё «бабул» гӯянд. Хуллас, бо хоҳиши мо дигар роҳи муҳоҷиратро фаромӯш карданд, вале чун аз рӯи ихтисос кор наёфтанд, бо парвариши чорво дар ҳавлӣ машғул шуданд. Вале барои чорво хӯрокаву эм ҳам лозим-ку?! 

саҳ 63 аз 70

Китобҳо

Flag Counter