ХАБАРИ ДОҒ

Амонатбонк куҳантарин ва муосиртарин бонк

  • Сешанбе, Янв 17 2017

Дар саргаҳи муваффақият ва нусратҳои соҳаи бонкдории кишвар нақши яке аз бонкҳои куҳантарини ҷумҳурӣ Амонатбонк лоиқи таҳсин баҳогузорӣ мешавад. Амонатбонк дар баробари тақвияти хизматрасониҳои анъанавии бонкдорӣ, дар чанд соли ахир ба ташаккулу тавсеъаи маҳсулоти наву муосири бонкӣ, насбу ба кор даровардани технологияҳои пешқадам ва дар ин замина давра ба давра боло бурдани сатҳи фаъолияти кормандон корҳои зиёдеро ба субут расонидааст.

Намои имрӯзаи Амонатбонк аз тасвири муассисаҳои вайрону валангори солҳои 90-уми асри гузашта ва оғози солҳои 2000-ум, куллан фарқ менамояд. Биноҳои зебову барҳавои муҷҷаҳаз бо технологияҳои муосир, бонкиру бонкирбонуҳои сабзқабои хеле ҳалиму меҳрубон ва соири хизматрасониҳое, ки тамоми ҷабҳаҳои ҳаёти имрӯзаи моро фарогиранд тасвири Амонатбонки муосир мебошад.

Яке аз самтҳои хеле пешрафтаи хизматрасониҳои ин бонк дар чанд соли ахир, ин ҷорӣ кардани хизматрасониҳои эллектронӣ мебошад. Соли гузашта Амонатбонк аввалин шуда дар миёни бонкҳо ба ҷори намудани ҳамёни эллектронӣ иқдом гузошта буд. Ин хизматрасонӣ аз ҷониби мизоҷон ва сокинони кишвар бо таваҷҷуҳи зиёд дастгирӣ ёфта, дар як муддати кутоҳ мавриди истифодаи умум қарор гирифт.

Ҳафтаномаи СССР дар мавриди дастовардҳои Амонатбонк дар самти ҷорӣ намудани хизматрасониҳои нав ва технологияҳои муосир бо Муовини Раиси Раёсати ин бонк Бахтиёр Маҳмудзода як суҳбати ихтисосӣ намуда, тасим дорад ҳафтаи оянда онро барои шумо хонандагони гиромӣ дар саҳафоти худ нашр намояд.

СССР

 

ШУМО НАЗАР Ё ПАЁМЕ ДОРЕД

_______________________________________________

Китобҳо

Flag Counter