ХАБАРИ ДОҒ

Истиқлолият ба ман шанс дод!

  • Чоршанбе, Сен 14 2016

Салом, СССРи гиромӣ ва мардумӣ! Ман 2 гуфтанӣ дорам. 1.Ба хулосаи «аз 6-солагӣ ба мактаб рафтани кӯдак мувофиқ нест» ва гӯё ин давра вақти бозикунии атфол бошад, комилан зид ҳастам. Зеро бача бояд аз 4, 5 ва 6-солагӣ дар даст қаламу дафтар доштанро омӯзад. Дуруст, ки нутқи даҳонӣ зудтар рушд мекунад, барои ҳамин ҳам ман барои бачаҳо дастур-дафтари хос омода сохтаам, ки бача аз рӯи расм нақл мекунад, ё ягон ҳарфи чопиро калон карда медиҳам ва мегӯям, ки бачаҳо аз хат набаромада ранг кунед. Аз ин кӯдак ҳам ба завқ меояду ҳам зуд хатнависиро аз худ мекунад. 2.Ман 100 бор шукри Истиқлолият мекунам, ки дар ин давра чандин китобҳои дарсии худро ба воситаи кӯмаку дастгирии Вазорати маориф ва илми ҶТ ба нашр расонидам! Бояд қайд кунам, ки дар давраи шӯравӣ муаллифони китобҳои дарсӣ аслан мардуми ғайритоҷик буданд. Шукри истиқлол, ки имрӯз китобҳои дарсиро муаллифҳои Тоҷик таҳия ва нашр мекунанд, ҳатто вақте мушовирон аз Русия барои кӯмак ба таҳияи китобҳои дарсӣ омаданд, ба ҷои ба мо омӯхтан, баракс аз мо меомӯзанд.

Очаҷон Шуайбова,

муаллифи кутуби дарсӣ, ш.Хуҷанд

 

ШУМО НАЗАР Ё ПАЁМЕ ДОРЕД

_______________________________________________

Китобҳо

Flag Counter