ХАБАРИ ДОҒ
Ҷумъа, Янв 24 2020

   Тавре қаблан хабар дода будем, бо Фармони Президенти ҶТ Маҳмадсаид Шоҳиён аз вазифаи раиси Кумитаи телевизион ва радиои назди Ҳукумати ҶТ озод карда шуда, ба ҷойи Носир Раҳмон раиси киностудияи «Тоҷикфилм» таъин гардид.

    Инчунин, тибқи иттиллои дарёфта, Завқӣ Завқизода, ки то ин дам ба ҳайси муовини вазири рушди иқтисод ва савдои ҶТ фаъолият мекард, ба ҷойи Неъматулло Ҳикматуллозода вазири рушди иқтисод ва савдо таъин карда шуд. Неъматулло Ҳикматуллозода аз ин пас дар вазифаи ёрдамчии Президенти ҶТ оид ба масаъалаҳои иқтисодӣ кор хоҳад кард.

    Бино ба хабари расида Аҳтам Абдуллозода, раиси Кумитаи кор бо ҷавонон ва варзиши назди Ҳукумати ҶТ низ аз вазифаи бар дӯш доштааш, барканор гашта, ба вазифаи муовини аввали раиси Дастгоҳи иҷроияи Президенти ҶТ таъин гардид. Гуфта мешавад, ки Шамсиддин Орумбекзода ба нафақа гуселонида шудааст.

Тағийротҳо давом доранд ва мо пайгири он ҳастем. Мо метавонем!

 

Ҷумъа, Янв 24 2020

 

Имрӯз, 24.01.2020, соати 16:00 дақиқа дар ш.Душанбе Иҷлосияи ғайринавбатии Маҷлиси миллии Маҷлиси Олии ҶТдаъвати панҷум даъват карда мешавад.

 Гуфта мешавад, ки ба баррасии иҷлосияи ғайринавбатии Маҷлиси миллии Маҷлиси Олии ҶТ даъвати панҷум 2 масъала-озод ва таъин намудани Прокурори генералии ҶТ ва Қонуни ҶТ«Оид ба ворид намудани тағйир ба Қонуни Ҷумҳурии Тоҷикистон «Дар бораи хусусигардонии моликияти давлатӣ» пешниҳод мегардад. Яъне, имрӯз намояндагони МММО ҶТ барои озод намудани Прокурори генералии ҶТ Юсуф Раҳмон ва интихоби Прокурори нави генералии кишвар бояд ризоият бидиҳанд. Оё Юсуф Раҳмон дар вазифаи худ мемонад ва ё нафари дигар ҷойгузини он хоҳад шуд, соатҳои наздик хоҳем фаҳмид.

 

Панҷшанбе, Янв 23 2020

Комиссияи марказии интихобот ва раъйпурсии ҶТ рӯйхати номзадҳоеро, ки аз тарафи ҳизбҳои сиёсии кишвар пешниҳод шуда буданд, тасдиқ кард.

 Гуфта мешавад, ки тибқи рӯйхати тасдиқкардашуда 70 нафар, аз ҷумла аз Ҳизби Халқӣ-Демократии Тоҷикистон-28 нафар, Ҳизби аграрии Тоҷикистон-13 нафар, Ҳизби демократии Тоҷикистон-4 нафар, Ҳизби ислоҳоти иқтисодии Тоҷикистон-7 нафар, Ҳизби коммунистии Тоҷикистон-6 нафар, Ҳизби сотсиалистии Тоҷикистон-8 нафар ва Ҳизби сотсиал-демократии Тоҷикистон- 8 нафари пешниҳодшуда тасдиқ карда шуд.

    Аз ҷумла, Саймурод Фаттоҳзода, Маҳмадалӣ Ватанзода, Ранохон Бобоҷониён, Насиба Содиқӣ, Дилрабо Мансурӣ, Сумангул Тағойзода, Фирӯза Шарифӣ, Идигул Қосимзода, Хайрулло Амонулло, Саодатшо Матробиён, Абдураҳим Холиқзода, Абдулло Табарӣ, Музаффарҷон Маҳмудов, Файзалӣ Идизода, Муҷибахон Ҷавҳарова, Бибиосия Аюбӣ, Шарофиддин Ҷӯразода, Файзалӣ  Назаров, Тағоймурод Ҳасанзода,  Рухсора Давлатзода, Сафиямоҳ Тешаева, Саёҳат Дадаҷонова,  Ҳабибулло Амирбекзода, Зулфия Давлатзода, Дилноза Аҳмадзода, Бахтиёр  Ҳамдамов, Фирдавс Ёдгорӣ,  Фариза Абдуллозода ҲХДТ-ро намояндагӣ хоҳанд кард. 

    Рустам  Латифзода, Фазлиддин Икромов, Мансур Усмонов,  Неъматулло Холбойзода, Зайниддин Сафаров, Мирзоанвар Ахмедов, Шодӣ Мӯсозода, Музаффар Мирзозода, Бахтиёр Аҳмадзода, Ҷонона Ҳайдарзода, Нуралӣ Ниёзов, Рупия Сафарова, Раҳмон Зиё ҳамчун  номзад аз ҲАТ, Саидҷаъфар Усмонзода, Диловар Холов, Таваралӣ  Зиёзода, Зӯҳро Мирзоева аз ҲДТ, Рустам Қудратов, Машраб Файзуллоев, Ғиёсиддин Ашӯров, Даринг Раҳмон Ҷаҳон Афруз Қурбонзода, Зафар Ализода, Абдулатиф Раҳимов, Баҳодур Раззоқов аз ҲИИТ, Мироҷ Абдуллоев, Зарагул Мирасанова, Қурбонҷон Мирзоева, Ҳабибулло Ёров, Ҳикматулло Ҳамидов,  Азизҷон Раҳмонов аз ҲКТ, Абдуҳалим Ғаффоров, Маъруфхуҷа Юсупов, Зариф Наимов, Миҷгона Рустамова, Фаррух Боқиев, Давлатхоним Саидошурова, Наргиза Бобоҷонова,  Уғул  Қобилова аз ҲСТ,  Раҳматилло Зойиров, Шокир Ҳакимов, Дилбар Самадова,  Бахтиёр Насруллоев, Нигина Шоназарова, Маҳмурод Одинаев, Қиёмиддин Азизов, Сиддиқ Саидов аз ҲСДТ дар рӯйхати тасдиқшуда ҷой гирифтаанд.

 

 

Ҷумъа, Янв 17 2020

    

    Вобаста ба интихоботи даъвати нави вакилон ба Маҷлиси намояндагони Маҷлиси Олии Ҷумҳурии Тоҷикистон ва Маҷлисҳои маҳаллии вакилони халқ, ки рӯзи 1.03.2020 сурат мегирад, дар 30 давлати ҷаҳон 39 участкаи интихоботӣ фаъолият хоҳанд кард.

   Гуфта мешавад, ки инчунин гурӯҳи кории Комиссия оид ба қабул ва таъмини фаъолияти мушоҳидони байналмилалӣ дар давраи омодагӣ ва баргузории интихоботи вакилон ба МНМО ҶТ, ташкили участкаҳои интихоботӣ дар назди сафоратхонаҳо ва консулгариҳои Ҷумҳурии Тоҷикистон дар давлатҳои хориҷӣ, тасдиқи ду «Роҳнамо» барои комиссияҳои ҳавзавӣ ва волонтёрон низ ташкил ёфта, алакай дар мавриди иштироки нозирони байналмилалӣ ба 1 қатор ташкилотҳои бонуфузӣ ҷаҳонӣ даъватнома ҳам фиристода шудааст.

 

 

Панҷшанбе, Янв 16 2020

 

 Мутобиқи моддаи 69 Конститутсияи ҶТ, Президенти мамлакат Эмомалӣ Раҳмон  Қурбонзода Ҳилолбӣ Ҷумъахон, и.в. раиси ш.Нораки вилояти Хатлонро раиси Кумитаи кор бо занон ва оила таъйин кард. Неъматзода Маликшо Маҳмадшо ба ҷойи эшон раиси ш.Норак таъин гашт. 

Муҳаммадраҳим Юсуфӣ аз вазифаи раиси н.Фирдавсии ш.Душанбе озод шуда, ба ҷойи ӯ Усмонзода Фатҳиддин таъин гардид. 

 Гиёзода Азиз Қодир, раиси н.Шуғнони ВМКБ бо сабаби ба кори дигар гузаштан аз вазифа озод гардида, Ҷумъазода Ҷумъа Шофақир, и.в. раиси н.Шуғнон таъин карда шуд.

Зафар Файзуллозода, раиси н.Қубодиёни вилояти Хатлон аз вазифа озод ва ба ҷойи ӯ Садриддинзода Бадриддин Талбак таъин гардид.

    Азиззода Ғайрат Мулломаҳмад бо сабаби ба кори дигар гузаштанаш аз вазифаи раиси н.Мастчоҳи вилояти Суғд озод ва Азиззода Тоҳир Мирзораҳмат и.в.раиси н.Мастчоҳ таъин шуд. Тағйироти кадрӣ дар ҳукумат давом дорад.

 

Панҷшанбе, Янв 09 2020

   Бо Қарори Раиси Ҳукумати ҶТ Эмомалӣ Раҳмон Қурбонзода Ҳилобӣ Ҷумъахон, ки то ба имрӯз иҷрокунандаи вазифаи ш.Норак буд, аз 8.01.2020 раиси Кумитаи кор бо занон ва оилаи назди Ҳукумати ҶТ таъин гашта, дар ин вазифа Қосимзода Идигул Тағоро иваз намуд.

   Инчунин, бо Қарори Раиси Ҳукумати ҶТ Эмомалӣ Раҳмон Давлатзода Зулфия Давлат муовини якуми раиси Кумитаи кор бо занон ва оилаи назди Ҳукумати ҶТ таъин гашта, Маликшоҳ Неъматов, ки то ин дам раҳбарии Раёсати кор бо мақомотҳои маҳалии Дастгоҳи иҷроияи Президенти ҶТ-ро бар ӯҳда дошт, аз 8.01.2020 иҷрокунандаи вазифаи раиси ш.Норак таъин гашт. 

 

 

  •  << 
  •  < 
  •  1 
  •  2 
  •  3 
  •  4 
  •  5 
  •  6 
  •  7 
  •  8 
  •  9 
  •  10 
  •  > 
  •  >> 
саҳ 1 аз 76

Китобҳо

Flag Counter