ХАБАРИ ДОҒ

СЕКС ДАР БОЛОИ ҶОЙНАМОЗ (+18) (Додоҷон Атовуллоев-Бомбаи атомӣ барои евро-мулло!!!)

  • Чоршанбе, Окт 28 2020

 

Тамошои ин навор барои ононе, ки синашон аз ҳаждаҳ поин аст, қатъиян манъ аст.

ТАШРЕҲИ 1

Муддатҳост, ки чандин забти гуфтугӯҳо ва дасисаҳои фаъолони наҳзатӣ дар дастам аст. Ҳеҷ гоҳ хоҳиши расонаӣ кардани онҳоро надоштам, гарчанде ин тӯдаи бидуни муқаддасот чаҳор сол аст, ки ба рағми ман ҷанг эълон карда буданд. Тамоми дасиса ва найрангҳои шаръию ғайришаръиро истифода карданд. Навъе аз бӯҳтон намондааст, дашноме фаромӯш нашудааст.

Ёд доред, чанд сол аст, ки як ҳақоратномаи манро ин оҷизакон дар шабакаҳо мечархонанд?! Эътироф мекунам: 

-Он манам!

Ба ҷуз он ки маро дар шабакаҳо таҳқир мекарданд, ба тамоми телефонҳо ва мессенҷерҳо ҳақоратборон мекарданд.

Он дашноме, ки онҳо аз он ба таври худашон «дурдона» сохтанд, чунин таърих дорад. Баъди марги хоҳарам буд. Рӯзи ҳафташ. Нафаре занг зад ва бидуни муқаддима сар кард:

- Хоҳари мурдаатро...дар даруни қабр...

Намепурсам, шумо чӣ мегуфтед, аммо ман тамоми ҳақоратеро, ки медонистам, ба забон овардам. Он душманони номард суханҳои худро қайчӣ заданд ва гуфтаҳои маро монтаж карданд.

ТАШРЕҲИ 2

Бештари наҳзатиҳое, ки ба роҳбарашон қаробати наздик доранд, аз «Алломаи даҳкитоба» ва «Устоди дарозақлашон» танҳо мунофиқӣ омӯхтаанд. Дастрасӣ ба мукотибаҳои маҳрамонаи «даҳонкалонҳои наҳзатӣ», кашфи фейкҳои онҳо беҳтарин далел аст.

Дар мазраъи ом – ҷононаҳо ва «бамаънишка». Дар хилват – як тӯда ташнаи хун. Бо номи худаш – Маҳатма Гондӣ, дар фейкаш – як гандида. 

Дар минбар – намоди демукросӣ, дар паси минбар – як диктаторе, ки ҳар кӣ бо ӯ нест, ҳукми қатлаш омода аст. 

Дар шиор – миллатпараст, дар амал – маҳалбози гузаро. 

Дар Ғарб – галстуку оби ҷави асл, дар Шарқ – дастору оби ҷави шаръӣ. Ҳазоррангу ҳазоррӯвӯ зишттар аз ҳазорпо.

ТАШРЕҲИ 3

Ин навор намунае аз мунофиқии онон аст. Муносибат ба як бонуе, шояд завҷаи саввум аст ё чаҳорум, ки баъди даҳ соли ҳамболинӣ, ба хотири «осеб нарасонидан ба имиҷи роҳбари муъаззам» ҳатто справка мегирад, ки ҳанӯз бокира аст. Ин бону ба Аврупо суроғи шавҳари исломӣ меояд ва огоҳ мешавад, ки маликаи мулки шоҳаншоҳи бе мамлакат дигарест. 

«Шоҳаншоҳ» якеро барои пинҳонкорӣ (конспиратсия) «дӯст» дигареро, тавба кардам, «хоҳар» муаррифӣ менамояд.

Чӣ хархаша, кашмакаш, низоъ, ғавғоҳо байни «дӯст» ва «хоҳар» шуду гузашт, таҳлилгарону нозирони шабакаҳоро шокӣ карда буд.

ТАШРЕҲИ 4

Роҳбари наҳзатиён бештар аз номи Худову ислом демукросиро бештар ба забон меоварад. Дар ҷомиъаи демукросӣ сиёсатмадор рози магӯ, сири ниҳон надорад. Ҳаёти хусусияш низ пеши мардум бояд рӯшан бошад.

Ҳоло порае аз китоби

«Секс дар рӯи ҷойнамоз»

(Поёни серияи 1. Давом дорад...)

Д. А.

 

Аз СССР: Дар сӯҳбати аудиоӣ, ки Додоҷон Атовуллоев бознашр кардааст, раҳбари ТЭТ ҲНИ, Муҳиддин Кабирӣ бо бонуе, ки даъвии зани чандум ва маъшуқагӣ бо ин нафар мекунад, аз алфози қабеҳ, ҳақорати сарикӯчагие кор мегирад, ки шояд семичкаву носфурӯшони бозору «пахан-зона»-ҳо кор нагиранд, чӣ расад ба нафаре, ки худро «ҳомӣ, лидер, пешво»-и миллат дар Аврупо муаррифӣ кардан дорад. Гуфти бобои Ғуломи раҳматӣ «Э бимур, даюс!!!»…

Ин навори зишт, қабеҳ, пурдушном, вале муаррифигари чеҳраи асосии Кабириро, хонанда метавонад дар ин ҷо ёфта гӯш кунад, зеро нашри он дар газетаи мардумӣ ба ягон меъёр, кодекси ахлоқи журналистӣ ва одамигарӣ рост намеояд:

https://www.facebook.com/dododjon.atovulloev

 

ШУМО НАЗАР Ё ПАЁМЕ ДОРЕД

_______________________________________________

Китобҳо

Flag Counter