Баъди ғалаба дар бозии даври мавқуфгузошташудаи ҳабдаҳуми Лигаи олии Тоҷикистон бар «Барқчӣ»-и пойтахт бо ҳисоби калони 5 бар 1, «Истиқлол»-и Душанбе новобаста аз натиҷаи як даври дигари боқимондаи Лига, пеш аз муҳлат дар таърихи бошгоҳии худ панҷумин унвони чемпиони Тоҷикистонро соҳиб шуд.
Ҳисоби вохӯриро дар оғози қисми якуми бозӣ Ҷаҳонгир Алиев боз кард. Баъди чанд дақиқа Манучеҳр Ҷалилов голи дуюми «Истиқлол»-ро ба самар расонд. Дар оғози қисми дуюми бозӣ боз Ҷаҳонгир Алиев ба задании голи дуюми худ ва сеюми дастааш муваффақ шуд. Ду голи дигари чемпионҳоро капитани даста Фатҳулло Фатҳуллоев ва Дилшод Восиев аз зарбаи ҷаримавӣ ба нишон заданд. Ин ғалаба ба дастаи пойтахт имкон дод, ки пеш аз муҳлат ба гирифтани унвони чемпионӣ мушарраф гардад. Ёдрас мешавем, ки қаблан «Истиқлол» солҳои 2010, 2011, 2014 ва 2015 унвони чемпиони футболи Тоҷикистонро соҳиб шудааст.
ФутболvsСССР, аз номи худ ва аз ҷониби аудиторияи калони мухлисони футболи Тоҷик, роҳбарият, ситоди мураббиён, ҳайати хизматрасон ва футболбозони "Истиқлол"-ро бо ин унвони ифтихорӣ самимона муборакбод мекунад! Панҷумин унвони чемпионӣ муборак бошад!!! Ба "Истиқлол", ки соли оянда футболи Тоҷикро дар арсаи байналмилалӣ намояндагӣ мекунад, баландтарин дастовардҳои варзиширо таманно дорем!
Лигаи олии Тоҷикистон. Бозии даври 17
«Барқчӣ» – «Истиқлол» – 1:5
Голҳо: Ҷаҳонгир Алиев, 9 (0:1). Манучеҳр Ҷалилов, 23 (0:2). Ҷаҳонгир Алиев, 49 (0:3). Нуриддин Ҳамроқулов, 80 (1:3). Фатҳулло Фатҳуллоев, 90 +2 (1:4). Дилшод Восиев, 90+4 (1:5).
«Барқчӣ» (Душанбе): Беҳрӯз Хайриев, Ваҳдат Ханонов, Зоир Ҷӯрабоев, Соҳиб Саванкулов, Алишери Ҳотам, Далер Ёдгоров (Зиёвуддин Фузайлов, 62), Муҳамадҷони Ҳасан (Ҳусейн Нурматов, 72), Мунир Давлатбеков, Отабек Каримов, Кароматулло Саидов (Нуъмон Зокиров,79), Нуриддин Ҳамроқулов.
«Истиқлол» (Душанбе): Никола Стошич, Сиёвуш Асроров (Фаридун Шарипов, 54), Дэвид Мауто, Аҳтам Назаров, Дилшод Восиев, Эҳсони Панҷшанбе (Табрези Давлатмир, 74), Фатҳулло Фатҳуллоев, Нозим Бобоҷонов (Шериддин Бобоев, 84), Ҷаҳонгир Алиев, Амирбек Ҷӯрабоев, Манучеҳр Ҷалилов.
Огоҳонида шуданд: Далер Ёдгоров, Муҳамадҷони Ҳасан, Соҳиб Саванкулов («Барқчӣ»), Дэвид Мауто («Истиқлол»).
Беҳтарин бозигари вохӯрӣ: Дэвид Мауто («Истиқлол»).
Сардовар: Сайвалӣ Турдиев (Вахш) – 7,5 хол.
Нозири доварон: Алишер Урунов (Душанбе).
Комиссари бозӣ: Анваршо Мирзоев (Душанбе).
29 октябр. Душанбе. Варзишгоҳи марказии ҷумҳуриявӣ. 1000 тамошобин.
Давр-Даври меҳмонон
Рӯзи якшанбеи 30 октябр, се бозии даври ҳаждаҳуми Лигаи олии Тоҷикистон баргузор шуд ва ҳарсе бозӣ бо ғалабаи меҳмонон анҷом ёфт. «Регар-ТадАз»-и Турсунзода дар Душанбе бар КМВА «Помир» бо ҳисоби минималии 1 бар 0 пирӯз шуд. Голи ягонаи металлургчиёнро дар дақиқаи 65-уми вохӯрӣ ҳамлагари мунтахаби миллии Тоҷикистон Аҳтам Ҳамроқулов зад. Баъди ин ғалаба дастаи «Регар-ТадАз» мавқеашро дар зинаи «биринҷии» ҷадвали мусобиқа мутаҳкамтар намуд.
Лигаи олии Тоҷикистон. Бозии даври 18
КМВА«Помир» – «Регар-ТадАЗ» – 0:1
Гол: Аҳтам Ҳамроқулов, 65.
КМВА «Помир» (Душанбе): Анатолий Старушенко, Акмал Сабуров, Комрони Мирзохон, Фирдавс Чакалов, Фурӯғ Қодиров, Комрони Мирзонаҷот, Ҷамшед Муродов, Сефах Джек Нана, Вайсиддин Сафаров (Ориён Азизов, 79), Андох Наполеон, Рустам Толибов (Давронҷон Тухтасунов, 57).
«Регар-ТадАЗ» (Турсунзода): Алишер Додов, Доробҷон Эргашев, Алишер Шарипов, Фаррух Чориев, Фирӯз Қараев, Расул Пайзов, Бахтиёр Чориев, Ромиш Ҷалилов, Санҷар Баратов (Фарҳод Холбеков, 90+4), Аҳтам Ҳамроқулов, Комрон Турсунов (Фирӯз Раҳматов, 90+2).
Огоҳонида шуданд: Сефах Джек Нана (КМВА «Помир»), Ромиш Ҷалилов, Комрон Турсунов («Регар-ТадАЗ»).
Беҳтарин бозигари вохӯрӣ: Аҳтам Ҳамроқулов («Регар-ТадАЗ»).
Сардовар: Хуршед Дадобоев (Хуҷанд) – 8,2 хол.
Нозири доварон: Равшан Ишматов (Қӯрғонтеппа).
Комиссари бозӣ: Раҳмон Муртазоев (Душанбе).
30 октябр. Душанбе. Варзишгоҳи Вазорати мудофиаи ҶТ. 600 тамошобин.
Бохти навбатии «Равшан»
«Равшан»-и Кӯлоб дар Варзишгоҳи марказии шаҳр аз «Хайр»-и Ваҳдат бо ҳисоби 1 бар 3 шикаст хӯрд. Меҳмонони ваҳдатӣ аз аввал ташаббусро ба даст гирифта, дар дақиқаи ҳафтуми вохӯрӣ ба задани гол муваффақ шуданд. Голро Муҳсинҷон Парпиев ба самар расонд. Дар дақиқаи 23-юми бозӣ бозигари соҳибтаҷрибаи меҳмонон Далер Шарипов голи дуюми ваҳдатиҳоро ба нишон расонд. Дар дақиқаҳои аввали қисми дуюми бозӣ Далер Шомуродов аз ҷаримаи пеналтӣ голи якуми соҳибони майдонро зад. Дар дақиқаи 74-уми бозӣ боз Муҳсинҷон Парпиев ба задани голи савум муваффақ шуд. Баъди ин ғалаба «Хайр» бо 26 имтиёз ба мақоми чоруми ҷадвали мусобиқа баромад.
«Равшан» – «Хайр» – 1:3
Голҳо: Муҳсинҷон Парпиев, 7 (0:1). Далер Шарипов, 23 (0:2). Далер Шомуродов, 48 – аз пеналти (1:2). Муҳсинҷон Парпиев, 74 (1:3).
«Равшан» (Кӯлоб): Амирҷон Ҳоҷимуродов, Зокир Абдулхайров, Далер Чолов (Аваз Қамчинов, 46), Сайдамири Сайдаҳмад (Музаффар Назаров, 46), Далер Шомуродов, Зарифҷон Рустамов, Фаридун Рустамов, Ишмаел Такие, Гариба Джозеф Далами, Абубакр Азимов, Агиен Канкам (Ҳиматулло Малодӯстов, 56).
«Хайр» (Ваҳдат): Миралӣ Муродов, Идибек Ҳабибуллоев, Менсах Даниэл Абан (Фирдавси Файззода, 90+2), Далер Шарипов, Далер Имомназаров, Фирӯз Шамсиев, Воҳид Соҳибназаров (Баҳодур Шарифов, 77), Дилобшо Тугоншоев, Парвиз Ҳомидов, Умед Азизов, Муҳсинҷон Парпиев.
Огоҳонида шуданд: Далер Чолов, Далер Шомуродов («Равшан»), Муҳсинҷон Парпиев («Хайр»).
Беҳтарин бозигари вохӯрӣ: Муҳсинҷон Парпиев («Хайр»).
Сардовар: Насрулло Кабиров (Норак) – 8,5 хол.
Нозири доварон: Султон Қосимов (Душанбе).
Комиссари бозӣ: Пӯлод Қодиров (Душанбе).
30 октябр. Кӯлоб. Варзишгоҳи марказӣ. 2500 тамошобин.
«Вахш» – «Хуҷанд» – 1:2
Хуҷанд бошад дар сафар бар Вахши Қурғонтеппа бо задани 2 голу сар додани 1 тӯб ба пеш баромада, бо касби 25 хол мавқеи 5-уро ғасб карда гирифт.
Сардовар: Беҳрӯз Муртазоев (Душанбе).
Нозири доварон: Владимир Домлоҷонов (Душанбе).
Комиссари бозӣ: Субҳон Хоҷамов (Душанбе).
30 октябр. Қӯрғонтепа. Варзишгоҳи «Пахтакор».
Б Ғ М Б Т\т И
1 «Истиқлол» (Душанбе) 17 13 3 1 62-19 42
2 «Ҳосилот» (Фархор) 16 10 4 2 35-13 34
3 «Регар-ТадАЗ» (Турсунзода) 16 9 2 5 35-19 29
4 «Хайр» (Ваҳдат) 17 7 5 5 25-24 26
5 «Хуҷанд» (Хуҷанд) 17 8 1 8 21-33 25
6 КМВА «Помир» (Душанбе) 17 7 3 7 21-15 24
7 «Барқчӣ» (Душанбе) 14 6 2 6 21-23 20
8 «Вахш» (Қӯрғонтеппа) 17 5 3 9 20-34 18
9 «Равшан» (Кӯлоб) 16 2 3 11 16-43 9
10 «Парвоз» (Бобоҷон Ғафуров) 17 1 2 14 14-47 5
Нишонзанҳо: Манучеҳр Ҷалилов («Истиқлол») – 22 гол, Комил Саидов («Барқчӣ»/«Ҳосилот») – 12 гол, Ромиш Ҷалилов («Регар-ТадАЗ») – 9 гол.
Бозиҳои мавқуфгузошташуда
2 ноября (среда)
Оғози бозиҳо соати 14:00
«Барқчӣ» – «Парвоз»
«Равшан» – КМВА «Помир»
«Вахш» – «Истиқлол»
«Ҳосилот» – «Регар-ТадАЗ»
«Хайр» – «Хуҷанд»
Х. Нуралӣ
ФутболvsСССР
