13 нафар дорбози тоҷик аз Ҳунаристони Сирки Маскав дар ҷашни 870-солагии шаҳри Маскав дар ҳузури президенти Русия Владимир Путин ва мэр-Сергей Собянин ҳунарнамоӣ кардаанд. Баромад дар ҳузури меҳмонони воломақом барояшон фахр буд. "Ализамон, Бахтовар, Довуд, Салим, Фаррух, Муҳаммад, Шоҳрух, Қурбоналӣ ва Валӣ- мо ҳама ҳамроҳ бо дигар донишҷӯён дар майдони Сурх дар ҷашни таҷлил аз 870-солагии Маскав ҳунарнамоӣ кардем", гуфтааст Салим, яке аз иштирокдорон дар ин чорабинӣ.