Владимир Путин, президенти Федератсияи Россия субҳи имрӯз ба Сӣ Ҷинпин, раиси Ҷумҳури Мардумии Чин бахшида ба рӯзи таваллудаш яхмоси русии навъи пломбир тӯҳфа намуд.

   Ҷаноби Сӣ Ҷинпин имрӯз, 15 июн зодрӯз дошта, ба синни 66 расид. Чуноне ки Дмитрий Песков, сухангӯи Владимир Путин субҳи имрӯз ба намояндагони воситаҳои ахбори омма хабар дод, пеш аз оғози ҷаласаи Машварати ҳамкорӣ ва тадбирҳои боварӣ дар Осиё Владимир Путин ва Сӣ Ҷинпин дар Душанбе мулоқоти хосса анҷом дода, роҷеъ ба муносбатҳои 2 кишвар табодули афкор карданд.