Дастгоҳи президенти Қирғизистон-Садыр Нуркожо уулу Жапаров аз Тоҷикистон талаб кардааст, ки муҷримини тиркушоӣ дар марз ҷазо дода шаванд. Ин дар ҳолест, ки президентони Қирғиз муҷрими №1, фашистмаоб, занаки иғвоангез-Роза Усароваро орден медиҳанд. Бигзор аввал ин занак низ муҷозот шавад!!!
Роза Усарова, ки бо шиорпартоиҳои фашистонааш маъруфу машҳур аст, то ин замон сари 4 президентро хӯрдаву мехоҳад 1 гази калон аз каллаи президенти нави қирғиз низ гирад. Ӯро, ки 4 сарвари давлати қаблӣ сарашро мемолиданд, дар маҳаллаҳои наздимарзӣ чун провокатор, иғвогар, тундрав, фашистка мешиносанд. Маҳз ӯ сабабгори хуни ноҳақ рехтани даҳҳо Тоҷик дар манзили зисташон шудааст. Ӯст, ки пайваста қирғизҳоро таҳрик медиҳаду нахустин шуда, санг вардошта, сӯи ҳамватанони мо меандозад ва тибқи шаҳодати исфарангиҳо, маҳз ӯст, ки олами криминали қирғизро дар хонааш ҷо кардаву масту аласт сохта, сӯи Тоҷикон таҳрик медиҳад ва маҳз аз хонаи ӯ чанд тири снайпер ба Тоҷикони Хоҷаи Аъло ва Ворух расидааст-ва ин ҳама факту далели собитшудаанд.
Зимнан, вақте Жапаров талаб мекунад, ки Тоҷикистон дастандаркорони хунрезии марзиро дар Воруху Хоҷаи Аъло ҷазо диҳад, чаро ҷониби Тоҷикистон даъво пеш наорад, ки ин зан ба муҷозот кашида шавад? Боз дар ҳоле, ки далелҳои шайъӣ, видеороликҳои қирғизӣ дар интернет равуо доранд, ки ин хонум ба аскарбачаҳои қирғиз дод мезанад, ки автомататро ба ман деҳ, номард, ман худам тоҷиконро мекушам?!
Роза Усарова тавре гуфтем, 4 президентро сар хӯрд. Инҳо Аскар Акаеви академик ва воқеан ҳам ЯГОНА президенти қобили қабул (адекватный), Қурмонбек Боқиев, Алмазбек Атамбоев ва Сооронбой Жээнбекованд. 2 нафари аввалӣ фирориянду яке зиндонӣ ва ахирӣ (пока) дар Қирғизистон. Воқеан ҳам ахирӣ, барои ҳифзи курсияш ба ин фашист-занак ҳатто ордени «Баатир Анэ» дода, бо ҳамин рафтор ба фашистони маҳаллӣ паём фиристод, ки Бишкеки расмӣ ҷонибдори миллатгароӣ ва ксенофобия дар кишвар аст. Ва маҳз чунин бархӯрд бо фашистакони маҳаллӣ буд, ки дар соли 2010 қирғизҳо дар Ӯши Қирғизистон қатли омми ӯзбектаборони кишварашонро роҳандозӣ карда, дар шаби 10.06.2010 беш аз 470 ӯзбекро бо шумули занону кӯдакон ва пирони солхӯрда кушта, 2000 нафарро захмӣ карда, 1500 хонаро сӯхтанд. То ҳанӯз ҷасади 19 тани дигарро наёфтаанд. 110.000 ӯзбектабори маҳаллӣ маҷбур ба Ӯзбекистон фирорӣ шуд, то қатл нашаванд. Ва то имрӯз ЯГОН президенти Қирғиз ҳатто 1 нафарро барои ин қатлу куштор ва метавон гуфт, генотсиди ӯзбекҳои маҳаллӣ, ба ҷавобгарӣ накашидааст.
Ва табиист, вақте Жээнбеков барин президент Роза Усарова барин фашистро орден медиҳад, ин месенҷ ба фашистони маҳаллист, ки қатлу куштори Тоҷикон низ ҷавобгарӣ надорад.
Зимнан, марзбонони Тоҷик бояд ҳушёриро аз даст надиҳанд. Зеро то Усароваҳои ордендор дар озодиянд, сарҳад ва ҷони Ворухиён дар хатар аст.