Саломи гарму оташин ба кормандони газетаи дар ҳақиқат мардумии СССР! Аз газетаи СССР фаҳмидам, ки ба шоири дӯстдоштаи ҳамаи мо-муаллимон ва хонандагон Бозор Собир суиқасд ташкил кардаанд. Беҳрӯз Ядгоров барои ин кораш 13 сол ҳабс шудааст. Ба фикрам ин муҳлати ҳабс кам аст. Агар барои қатл моратория эълон намешуд, бояд қатл карда мешуд. Бояд ба ӯ ҳабси якумра дода шавад, зеро ӯ ба халқу давлати Тоҷикистон лозим нест. Ба фикри мо ягона шоире, ки ҳақиқатро менависад, Бозор Собир аст. Аз ҳеҷ кас тарс надорад. Мо муаллимон ҳар 1 шеъру мақолаҳои Бозорро бо интизориҳо гаштаю баргашта мехонем. Дар байни коллективи омӯзгорон муҳокима мекунем ва офарин мехонем ба ҷасорату мардонагиаш. Мо бо шумоем Бозор Собир!

Хайрулло Олимов,

омӯзгори мактаби №58, н.Ҳисор