Идораи БДА ҶТ ба ронандагон 1 ҳафтаи дигар муҳлат дод, ки шаҳодатномаҳои худро иваз карда, рақами мошинҳояшонро ба меъёрҳои нав мувофиқ намоянд. Дар акси ҳол ронандагон боздошт ва ҷарима хоҳанд шуд. Ивази шаҳодатномаи ронандагӣ ва рақами мошин барои ҳар ронанда тақрибан 800 сомонист. Мақомоти БДА 22 ноябр дар эъломияе гуфтанд, шаҳодатномаи ронандагие, ки акси соҳиби он дар давоми 10 сол иваз нашудааст, беэътибор дониста мешавад. Ба иттилои манбаъ, дар сурати беэътиноӣ ба ин қарор ронандаҳо боздошт ва ба ҷавобгарии маъмурӣ кашида мешаванд.